smallemilylui

今次一次試用左MAKE UP FOR EVER 既2樣產品,完成左底妝部分。 首先用左圖中黑色果支Step 1 Hydrating Primer (一步補水妝前乳),佢係白色乳狀,冇色既,就如面霜,感覺係先為肌膚打好個水份既基礎。隨後塗上Step 2WATER BLEND Face & Body Foundation(雙用水粉霜),色調係R250,色tone係light beige,我慣性地混合精華素,使底妝更貼面。結論係其粉底液都易推,順滑,用手上都5易出幼紋。我皮膚較白,R250都幾適合我使用。很適合秋冬冬天季節使用,因為潤而不澀身,而且有足夠COVERAGE,不錯!

今次一次試用左MAKE UP FOR EVER 既2樣產品,完成左底妝部分。 首先用左圖中黑色果支Step 1 Hydrating Primer (一步補水妝前乳),佢係白色乳狀,冇色既,就如面霜,感覺係先為肌膚打好個水份既基礎。隨後塗上Step 2WATER BLEND Face & Body Foundation(雙用水粉霜),色調係R250,色tone係light beige,我慣性地混合精華素,使底妝更貼面。結論係其粉底液都易推,順滑,用手上都5易出幼紋。我皮膚較白,R250都幾適合我使用。很適合秋冬冬天季節使用,因為潤而不澀身,而且有足夠COVERAGE,不錯!

感謝she.com寄來既法國醫學品牌FILORGA美肌亮彩精華，因為我肌膚較白，正正就受色斑問題困擾，另外，有感膚色都吾夠均勻，而此產品就有改善及預防色斑&均勻膚色既功效，確系好想一試。 一般既美白產品都偏笠，依家夏天又焗又熱，確系想用比較清爽既產品，FILORGA美肌亮彩精華我覺得系不二之選，白色既乳狀，搽上面吾會笠，响色斑位置會額外打圈塗上更多份量，都好快被吸收。 由於今次試用得兩包，暫時未發覺色斑減淡，但發覺肌膚亮白了，而且我很喜歡佢既質地呢！

隨住年齡既增加，免疫系統變弱，從前不會敏感既肌膚，依家會因為天氣既轉變而泛紅，最近試用左she.com寄來既PETERTHOMASROTH 青瓜舒緩保濕面膜，呈綠色gel狀，氣味清新，潔面後厚敷响面，連眼底部分亦可薄敷，10分鐘後用清水洗淨，就能做到保濕舒緩既作用。我十分喜歡佢可以敷响眼底，因為眼底肌膚脆弱，市面上既護膚品大多要避開眼唇部分，依個保濕面膜就相對照顧全面，減淡幼紋，連眼肚既敏感都可以舒緩！夏天將至，大家可以將保濕面膜放响雪櫃，做完面部磨紗後再進行冷敷，可以同時收細毛孔，做到緊緻肌膚哦！

近來濕度好高,面部皮膚出現輕微的泛紅&痕癢不適~很擾人! 恰巧收到she.com寄來既日本人氣fracora胎盤素全效面霜,就打開一試了,聽說胎盤素係醫學美容一種,媲美水光針,希望能盡快幫我修復肌膚~!結果都沒令我失望,面霜呈GEL狀,幾適合本身屬混合性肌膚既我!面霜滋潤而不笠,慘透力&吸收力都高!使用一次後,泛紅減退,而且上妝時5會出現一鐽鐽甘!由於不含人工香料&色素,所以冇色冇味,而且內含多達13種美顏成份,為肌膚提供全面呵護。不得不提,佢既持久度都高,可以一夜keep住肌膚水潤..&彈性!very good!

好開心收到 she.com送來既Gel Plus更生活膚啫喱面膜試用套裝，內含10ml 2枝，連面膜掃&束髮巾!襯住復活節一連4日假，就決定來一次在家facial! 首先要讚既就系附送既粉藍色束髮巾，系我大愛既顏色，而且魔術貼既設計可以自行調較鬆緊，平時洗面敷mask都可以束住頭髮，勁方便!帶上束髮巾&清潔面部後，我就準備左個器皿將peeling gel倒出，系透明既gel狀。我根據說明書既指示，初次試用就利用附送既面膜掃塗T字位，淨待15分鐘，一開始有d吉吉地，但好快就冇事了，於是決定將peeling gel塗埋响蘋果肌(因為有斑斑)!15分鐘後用清水洗淨，感覺塗左peeling gel既範圍好滑，都冇泛紅，隨後敷多個paper mask，就完成左在屋facial了!感覺很好，利用甘醇酸進行活膚，有效去死皮、清除黑頭＆淡斑，吾只系俾錢美容院先做到!最後提提大家，做完果酸護理緊記出街要搽防曬保護牙!

試用一樣產品,首先要先了解佢,所以試用法國品牌Caudalie葡萄蔓極緻完美精華液前我先做左功課, 得知產品成份天然,採用葡萄藤萃取,並已獲得專利,就用得安心，而葡萄既主要功效就係抗衰老。 今次試用既精華係抗黑斑系列, 能消除並預防黑斑再生。雖然每日都有搽防曬, 但受紫外線既傷害&本身皮膚較白, 我面上既蘋果肌位已經出現輕微斑點（如圖＝0＝）, 所以產品相當適合我! 試用精華呈奶白色，而且有一陣天然既味道。美白產品比較笠，所以每次塗既份量貴精不貴多，1-2粒豆就可以塗全面，並配合輕按手法幫助吸收。美白去斑吾系一朝一夕能做到，連續使用產品大約一周，覺得膚色均勻左&打亮了。相信持之以恆，面上既斑斑能得救! 夏天快到了，斑斑睇落會令人變老，大家會一試Caudalie麻？

最近試左 ORBIS UV Cut 無油防曬底霜，分滋潤同清爽型兩個選擇，同样都有SPF 34 PA+++既高防曬指數。話明系base，當然系有色既，顏色几亮白，系接近膚色既淺啡色，清爽型質地好水好稀，同一般防曬霜冇分別，而滋潤型則較結身但好軟滑，如果肌膚冇麥野要遮，可單獨使用，因為都帶有点coverage＆搽完肌膚帶有珍珠白既效果，能帶亮＆均勻膚色，我只系最後用粉餅再遮下面上既斑斑＆鼻翼位置，就搽胭脂膏了，輕易打造白裏透紅既淡妝。ORBIS依支防曬base仲要系無油份無香料，真系智者之選！不得不提，其實ORBIS系有網上商店嫁！買滿HKD 500就會免費送貨，而且仲有推出產品限時網上優惠tim！

收到she.com寄來4次既Philosophy微導煥膚睡眠修護組合試用,對於Philosophy都幾陌生,所以事先上網搜尋左其資料,得知Philosophy微導煥膚睡眠修護組合係透過兩個專業但簡單既步驟為肌膚進行抗老化,先煥膚後護膚, 而一星期只要使用2至3次。我會於晚間潔面後直接使用此組合,平時既護理都會免了,很快捷呢~! 先講STEP 1 免沖洗煥膚精華,透過甘醇酸同專業級乳酸,刺激老化角質,達至煥膚功效。試用裝本身已經有塊精華棉,只要輕抹面部即可,可是一打開,精華棉比較乾身,不能夠試到其功效呢。 至於STEP 2 嫩膚睡眠啫喱,係緊貼STEP1使用,目的係於整夜持續為肌膚提供鎮靜,舒緩&保濕。嫩膚睡眠啫喱呈淺藍色,質地清爽,沒有味道,本身我塊面乾燥到局部脫皮,所以塗上後好快被肌膚吸收了,同時脫皮肌膚立刻(係立刻!!)變得水潤,只係感到有點吉既感覺!塗完成面後,一D都5笠,個人認為其吸收能力比一般面霜仲要快呢~! 總括而言,乾燥肌膚會令人睇落變老,上妝亦會出現浮妝既情況,我覺得Philosophy嫩膚睡眠啫喱可以為乾燥肌膚進行急救,佢既功效令我感到好意外.. 意外地快速補水修復!!大讚&強烈推介比大家~!

唔知大家對sur-pur-swiss陌生麻?SUR PUR白鑽抗衰老系列中其中一樣產品就係今次體驗既白鑽修復面膜,佢係一種洗淨式面膜,主要成份系珍貴既白鑽粉末,極具修復效能~!用法好簡單,只要徹底潔面後,均勻塗於面上等待10-15分鐘,再用水沖洗即可。面膜呈白色CREAM狀,好透薄,塗上面時感覺就如搽梗面霜,我會晌色斑&幼紋位置上塗得較厚,因為其具有還原&重設肌膚既功效!剛塗上面,有陣冰涼既感覺,好舒適~感覺在鎮靜肌膚似的,只係氣味有點不討好!面膜都好易用水洗淨,清洗後肌膚變得白滑剔透,做隨後既護理時感覺肌膚變得飽滿~! 本人很喜歡這類型洗淨式面膜,懶時會邊沖涼邊敷, 節省時間~!最後感謝she.com比左個機會我試用!希望大家喜歡我今次既分享。

一千蚊可以買到來回台灣既平機票，可以系一個月既車資，亦都可以系一支SK-II護膚精華油既价值！首先好多謝she.com&客戶俾左个甘尊貴既機會我去試用，究竟是否物有所值呢？ 天氣忽然急降至5度，皮膚都因為缺水而出現局部脫皮&泛紅，又嫌凍懶得敷mask，幸好收到SK-II全新黃金比例調配而成既護膚精華油，用前輕搖護膚精華油，質地恰到好處，雖然系油，但好快被皮膚吸收！用於精華&面霜前，只要利用手溫，配合輕按既手法，就能令精華油滲入肌膚，一夜鎖住水份(如果吾想早上化妝前面部塗多層，就建議晚間先使用！)用後面部泛紅即時舒緩，大概系其補水功效太強了吧！幼紋都冇甘明顯，肌膚變得飽滿，不得不提，精華油帶有薰衣草微香，幫助入眠呢！要注意哦，大家要根據本身面部膚質去決定所需用量！ 總括而言，塗完精華油後感覺有如一層保護屏障，之後塗既護膚品更易吸收，很不錯！

首先好多謝she.com俾左个机会我試SHU UEMURA既瞬間亮肌BB霜！對SHU UEMURA並不陌生，我既日常化妝產品都有用依个brand，依家先集中介紹今次試用既產品。 試用裝系10ml，試用顏色sand亦都好接近我本身白皙既膚色，佢亦有高既防曬SPF30 PA++（讚）！本身以為BB霜質地会較結身，結果令我喜出望外，較市面上既BB霜易推，而且有足夠遮瑕度，顏色夠實！由於依家系較乾既季節，我会加入精華兩溝，先再塗上面，甘可令底妝更水潤同貼面！試後感系即時令底妝做到透白亮肌既功能！最後，產品雖然沒有華麗既包裝-以黑色為主，但金玉其內！值得一試！