yy

夏天最不能缺少嘅一環就係美白 而維他命C就係可以做到淡斑、美白嘅作用 對於退暗瘡印都有好好嘅效果 如果係想用檸檬溝mask去印 不如用精華 呢隻精華摸上手嘅質地較厚、黏稠 但搽上面就好快吸收晒 味道都可以令人接受 而且效果都好顯著 好快就見到效果！

今次試用嘅係Cucumber Gel Mask 好多人都知到青瓜有豐富嘅美容功效啦 又可以保濕、舒緩皮膚、令肌膚又柔軟 但係成日要將青瓜切片敷面又好難搞 又唔知係咪真係可以令皮膚吸收喎 依家 就出左替代品 一次過滿足你多個願望啊！ 首先依家春天天氣又焗又熱又濕喎 邊個會想將又厚又苙嘅cream mask敷上面 而呢個cucumber gel mask就非常適合依家或夏天用 佢嘅質地係好挺身又涼浸浸嘅gel 敷上面係好輕身架 另外因為質地挺身 所以可以敷住嚟做其他野都冇影響 我不嬲有用開泥mask同AHA嘅習慣 通常呢啲產品比較刺激 敷完會有少少紅 呢個時候我就會選擇用gel mask 敷薄薄一層 將自己變成hulk咁haha 10分鐘之後就可以用凍水洗走 順便收細毛孔 產品冰冰涼涼可以鎮靜皮膚同時可以保濕添！ 可以睇下下面嘅before&after圖 真係舒緩左泛紅架 大家都知道依家啲天氣都真係唔開冷氣都唔得 但係同樣地 冷氣會抽乾水分 所以係睡眠前一定要做好保濕 我會係做好所有護膚步驟後敷10分鐘 然後就用紙巾印走多餘嘅份量 等剩低嘅產品可以係睡眠嘅時候形成一層薄膜 繼續發揮佢嘅保濕功效 亦防止水分被抽乾 對於有濕疹敏感底嘅我 塊面長期都泛紅 呢個產品對於我嘅講真係救星 而且香味真係好refreshing啊！ 呢個春天冇一樽點得架！

今次試用嘅係fracora placenta life cream 效果都好 令我好鐘意啊！ 依家轉左季 天氣都比較潮濕 冬天我就會用油嚟保濕 但春夏太苙啦 所以一定要選擇一啲又保濕又清爽嘅gel 而呢隻就滿足晒我嘅要求 雖然佢係話係cream 但質地都係接近gel 較清爽嘅 搽上面好易推開同吸收 好似塊面比薄膜包住咁 第二朝起身仍然會有水潤感 如果係妝前用 或者溝埋粉底液用效果都好好 今次我用左一隻質地厚身、遮瑕度高嘅粉底液嚟示範 好明顯可以見到係使用cream後嘅會比 較貼服 而且妝感十透薄又唔顯乾紋 係氣味嚟講都幾好 因為好驚一啲護膚品有酒精味 而且有重香味嘅都代表落咗好多香料 但呢隻cream只有淡淡好天然嘅味 令人十分舒服！

今次試用嘅就係NeoStarta嘅Gel plus 相信大家都呢一樣產品都唔陌生 係佢地品牌嘅熱賣產品之一嚟架！ 而我都唔係第一次用Gel plus 就係到分享下我嘅用後感:) 大家都知道定期做去角質係必須嘅 再去角質層會阻礙哭護膚品嘅吸收 Gel plus係一種AHA濃度較低嘅家用產品 令到可以係屋企透過平時嘅使用 去達到美容院嘅效果 可以改善膚質 而且去角質嘅功能令保養品勁吸收 AHA可以代替磨砂、深層清潔產品 我就有兩個常用方法 1:清潔後塗上整面 (1-2/week) 用掃搽上薄薄一層已經好足夠 為咗令佢更深入毛孔 我仲會加上按摩嘅動作 特別係一啲角質層較厚嘅T字位 然後再敷上十五至二十分鐘就可以清 洗 可以因應皮膚狀況嚟縮短時間 使用後建議大家敷上保濕Mask 會發現保濕能力比平時使用更佳更吸收 而且仲可以防止暗粒嘅形成 令皮膚光滑細緻 2:局部位置嘅使用(每天均可) 如暗瘡、暗瘡印 AHA可促進盡皮膚更新 亦加速暗瘡凋謝 係晚上護膚步驟後 會用棉花棒沾上少許嘅份量 點上有需要嘅位置 放置到另一早上洗掉 咁樣暗瘡就會更加快凋謝 但塗上嘅時候會有少少刺痛 特別係傷口 所以用呢個方法只建議未'唧'過嘅暗瘡 (私心推薦 用muji隻棉花棒係一流~) 因為AHA都係一樣比較刺激嘅產品 都唔建議經常性使用 特別係敏感皮膚嘅人士 使用時會感覺有少少刺痛 係正常嘅 係皮膚習慣後就唔會再有呢啲感覺 值得注意嘅喺用完gel plus後幾日 一定一定要做足防曬！會比平時更容易變黑 而且好多人第一次使用後都出暗瘡 係好正常嘅情況 我記得都出左4粒！ 因為產品會將你底層嘅污糟野推出來 好快呢個情況就消失 就變返皮光肉滑啦~

base嘅作用就係令個妝更持久一啲 而呢個ORBIS嘅 UV cut就完全做到 首先最好就係有防曬係數 SPA 34 PA+++ 再加上其他底妝產品嘅防曬就夠晒 唔需要再搽防曬 十分方便啊！ 平時用bb cushion就5分鐘就出得門口啦 質地方面就一啲都唔會苙 好水潤 而且好容易推得均勻 同埋本身就帶有肉色 搽上面反而可以提亮膚色 平時因為夜訓而導致皮膚暗沉嘅情況都解決左 又帶有少少嘅遮暇效果 又可以均勻膚色 呢隻base嘅效果十分好 令妝更持久 用bb cushion嘅壞處就係唔持久易融妝 但係加上ORBIS base後就可以抓實個妝 減少融妝嘅情況 又唔會感覺好厚妝 係冬天化妝嘅煩惱就係乾燥 出現浮粉唔貼妝 除左平時保濕要做足 揀啱base都好重要 呢隻base好水潤又保濕 令個妝都貼啲 面頰2邊成日會浮粉甩妝 但用左個base後就冇呢個問題啦！ 同埋值得一讚嘅就係 試用裝嘅份量 唔好睇佢細細包咁 其實可以用到三次！ 真係幾suprise架:)

Philosophy the Microdelivery overnight anto-aging peel 講到明overnight系列 我就係係晚上使用呢set試用 Step1 洗完面 就用張綿花(?)抹下塊面 角質層比較厚嘅 eg額頭 下巴 鼻 我會抹多幾下 可以令佢更加吸收 滲透入皮膚~ 第一次用嘅時候 我覺得以為係張紙嚟嘅 因為攞上手唔覺得有任何嘅精華係上面 我都照抹上面啦～ 但抹完之後就同我想像中嘅唔同 本來以為冇精華會冇乜效果 但係摸塊面就覺得好軟 塊面吸收左精華 少少痴痴地 Step 2 係搽晒所有精華後 就會用呢個gel 個gel帶有微微嘅香味 好似美容院嘅味道xd 聞起嚟真係好舒服~ Gel嘅質地比較輕身 搽上面唔會苙 按摩一陣就俾皮膚吸收 好柔軟好保濕 第二日起身 都會覺得皮膚充滿水分 簡直打破一般人對gel保濕度較低嘅睇法啊！ 但係 希望試用裝嘅包裝可以改變下 因為攞產品出嚟真係幾麻煩:( 不過gel係好夠用 夠晒搽成面有突！

哇今次呢個白鑽修復面膜 聽名都知佢有幾勁！ 鑽石 係女人都愛不釋手 而大家都知鑽石係一種好堅硬又名貴嘅野 用係護膚品到就梗係有好強勁同明顯嘅效果 產品標榜係抗衰老同喚醒疲倦肌膚 抗衰老係我身上 對於我呢啲未夠20歲嘅 用左就冇明顯嘅效果 但係 學生都係一定捱夜同通頂 就好容易出現肌膚暗沉嘅問題 係用左白鑽修復面膜 明顯提亮膚色 而且膚色會更加均勻 「捌」甩殘樣！ 呢幾日咁凍 又乾燥 就係試用嘅好時機 通常凍都會懶得fu mask 因為會凍冰冰 但呢啲時候又係最乾最需要fu mask 而cream mask就可以解決呢個問題 大家都知paper mask敷得耐會反吸收皮膚水分 但cream mask就可以防止呢個問題出現 佢嘅質地唔會太厚 搽上面就好似一層透明薄膜包住 唔會白色 而係透明有少少令面 夜晚係搽晒所有保養品後 就會搽埋呢個mask 然後 會放過夜~ 雖然佢唔係標榜係一個睡眠面膜 但係結果都令我十分滿意 係第二朝瞓醒後皮膚仍然可以保持水潤同彈性~~~ 而且我做deep clean之後都會用 用泥mask後會比較乾 會皮膚繃緊 呢個時候都會敷返個保濕面膜 搽上面就等15分鐘~ 效果明顯嘅係肌膚明亮左 而且好保濕又好滑 係深層清潔完之後嘅乾燥咁完全消失啊！ 今次嘅試用只有3ml 但都足夠我用2次 而且效果都令人滿意！！Like!

真好好好開心今次可能試用skii嘅產品—護膚精華油 係收到email個日我就急不及待去左總部換取 到今日都有13日啦 我每一日 每一晚都會用！ 係到就分享我嘅用後感～我真係好鐘意啊！ 精華油係有2層 分別係精華油與PITERA™ 係用之前就要搖下樽身將佢地混合 可以深層滋潤皮膚但唔會痴苙苙 過去一個禮拜同呢幾日都係嚴寒 乾到不得了 好彩有呢隻精油陪我渡過呢個冬天～ 朝早相對冇咁凍又懶 就只係搽完油同面霜就算 效果俾我之前用b5 gel好太多 而官方建議係用5-7滴精華油 但係！係搽之前有一個動作好緊要！ 就係要用手「chor」䁔再搽上面 較易吸收架 同埋我會索一索再搽面 因為skii精華油中淡淡香味 索完就即刻精神晒！ 而且朝早容易水腫 我會加上按摩手法去排水腫 有精華油嘅幫助簡直係事半功倍啦！ 而晚上嘅用量會較大 會用6、7滴油 搽完油後用化妝綿加toner濕敷 再抹走多餘油分 會感覺皮膚好似飲飽水咁脹卜卜又有彈性 效果仲可以維持到好耐架！ 講到化妝啦～ 唔知大家會唔會覺得係冬天化妝好煩惱呢 好似做極保濕都會甩皮、浮粉 而我係化妝前一定一定會用skii精華油打底 但份量一定要少 3滴就夠 有時候會係粉底到加入精華油 可以打造更透薄更有光澤嘅妝容 我用左10幾日 但係睇落去都只係用左少少 真係好抵用！ 有佢！我真係以後都唔洗驚啦 ！ 冇野可以難到我～

好開心今次可以試用Shu Uemura嘅瞬間亮肌BB霜 Shu嘅粉底一直受好多人追捧 今日我都好鐘意呢個產品！ 首先佢個質地唔算好稀或者好厚 係屬於中等 有少少流質 亦都好容易就可以推開 延展性高 搽上面後 好快就可以融入膚色 從而達到均勻膚色嘅效果 BB cream 真係學生嘅恩物 睡眠嘅時間真係爭分奪秒 每一朝早都係訓到最後一秒 而BB cream就係最慳時間！ 有SPF 30 PA++ 省卻左搽防曬嘅步驟 通常我會用沾濕海綿再上bb cream 達至最貼薄又有光澤咁嘅效果 明亮膚色 完全睇唔出我通左頂嘅殘樣 真係瞬間亮肌啊！ 返學最緊要嘅就係人哋睇唔出嘅裸妝 而且呢隻bb cream嘅遮瑕度令人滿意 係想要重點遮瑕嘅部位加多一層 就可以係短時間內輕易擁有無瑕肌膚 仲唔會俾人感覺妝好厚重 仲有值得一提嘅係粉底十分有滋潤度 而且持久度高 近幾日嘅天氣都比較潮濕 好好嘅係脫妝嘅情況唔嚴重！ 雖然粉底濕潤 但亦都唔會覺得立痴痴 十分滿意！

啊！真係好榮幸亦好開心可以參加今次嘅神仙水試用~ 應該唔會有人對佢陌生架啦 一直以嚟其他人對佢嘅評價都係神一般嘅產品 依家 我都表示好好好認同~ 係我嘅印象中 使用神仙水通常都係較成熟嘅肌膚 對於我呢啲10幾20歲嘅就比較唔適合使用 但係今次試用之後 我發覺係完全錯左嘅諗法 係第一次使用嘅時候有好特別嘅感覺 我覺得神仙水係有陣酒味 但唔會令人反感 味道重亦代表當中含有嘅天然酵母含量高 係收到產品後我每日嘅早上同晚上都會使用 洗完面 用爽膚水後 將神仙水係化妝棉上到＄5銀嘅份量抹上面 效果真係令人驚艷 佢嘅質地清爽 只係比一般嘅爽膚水厚少少 係水面之後會好快被皮膚吸收 然後會感到肌膚充滿水份同彈性 亦會變得更加柔軟 有時候我會搽完神仙水後敷mask 個種感覺就好似將mask嘅保濕力提升兩倍 雖然平日敷完Mask嘅狀況都好滿意 但使用神仙水打底之後嘅效果更令人surprise 好似係做完facial咁有光澤感 係有化妝需要或皮膚乾燥嘅時候 我會選擇濕敷 雖然神仙水好珍貴 敷嘅時候都覺得好心痛 但出來的效果令你覺得一切都係值嘅 佢會即刻提升你皮膚嘅細緻度 毛孔收細 而因為乾燥引起嘅甩皮或者皺紋都會即刻俾撫平 上妝真係會貼面超級多 好似變咗第二層肌膚咁 好適合返學或上班前打造無瑕裸妝~ 就如神仙水嘅名一樣 真係變咗神仙啊！ 好好好推薦俾大家！會令你從此愛上

啊！真係好榮幸亦好開心可以參加今次嘅神仙水試用~ 應該唔會有人對佢陌生架啦 一直以嚟其他人對佢嘅評價都係神一般嘅產品 依家 我都表示好好好認同~ 係我嘅印象中 使用神仙水通常都係較成熟嘅肌膚 對於我呢啲10幾20歲嘅

Vichy嘅產品向來都唔會令人失望 當然我對今次嘅產品都好滿意。 本身有濕疹底 都唔敢亂搽野 正值冬天 皮膚變得乾燥病情更加容易惡化。而idealia cream就十分溫和 完全冇刺激性 係搽上有濕疹嘅位置都唔會有刺痛嘅感覺 而且更有舒緩痕癢嘅情況 成為左我嘅救星！ 過去嘅聖誕節都好多party, gathering 經常捱夜唔夠訓 又每日都化濃妝 皮膚就變得乾燥 亦有毛孔粗大出現。而idealia cream係上妝前搽就可以即時為皮膚補水同令皮膚更有光澤 妝又會貼啲 人都睇落去靚啲啦！而且搽上面仲好快收、唔會痴苙苙 完全無阻上妝 做妝前保濕係好好嘅選擇。係夜晚搽就可以急救皮膚 改善皮膚狀況。 同埋仲有淡淡嘅清香 令人聞到都好舒服！