豹小姐

Sofina咕口臣潔面泡泡比起一般洗面產品既泡沫更有彈性, 拎上手好實在, 好厚實, 絕對唔同平時個d架! 因為泡沫有足夠既彈性, 洗面時雙手唔需要直接接觸皮膚, 對皮膚更好。呢個洗面泡含有美容液成份, 生薑精華, 所以洗完皮膚唔會乾, 仲好舒服添! 洗完面後, 油光一掃而空, 膚色即刻明亮左, 白淨左呢~

一向都好鍾意呢隻抗老化防曬乳液, 最吸引我係呢隻乳液有護膚功效, 朝早我就會用活膚露+防曬, 因為防曬替代左乳液, 所以可以慳返一個STEP, 只用防曬就OK喇!而且佢仲可以當埋base, 用完直接就可以上粉, 真的超級方便! 防曬既質感好輕薄, 係好稀身既水狀, 搽上面一d都唔笠, 亦唔會泛白, 好舒服! 清爽型岩春夏用, 滋潤型就多左份滋潤感, 最岩乾燥既天氣用。而且有淡淡香味, 係我最愛既防曬, 亦係我覺得市面上最好既防曬產品!

呢個乳液係gel狀, 一打開有淡淡花果香。每次用既份量唔需要太多就可以搽勻全面, 用完後起初以為會笠, 但慢慢就吸收, 吸收過後塊面就會變得好舒服, 有d啜啜地既感覺, 但又唔係油笠, 總之就係岩岩好咁, 摸落仲好軟滑! 搽完後覺得佢會鎖住之前用既護膚品, 呢個天氣係冷氣房下用真係一流, 唔怪得佢係皇牌產品, 回購度滿分!♥♥♥而且雖然我已over25, 但呢個乳液都好岩我用呢!

小巧既包裝, 一唧出黎原來係類似"豬油膏"個類野, 不過推開後冇平時個種似油非油既感覺, 反而變得好粉好舒爽咁。用完後成個鼻matt晒, 毛孔平晒, 仲好滑添! 另外, 出左一日街返到屋企, T字位明顯冇泛油光, 所以控油方面真係唔錯!

呢隻olay高效透白精華係採用滴管型設計, 近來護膚品好都流行呢一種設計, 予人一種專業既感覺, 而且可以方便控制份量, 個人黎講好有好感! 一支有40ml, 已經足夠一個月份量使用。佢既質感係好水狀, 只要用一個5毫子份量已經足夠搽勻全面, 好易推開~而且淡淡既香味都十分討好搽上面後好快就吸收左喇, 感覺一d都唔笠, 好清爽~試用左兩個星期, 雖然仲未有好明顯既美白效果, 但膚色確實冇之前咁暗呢~另一樣野就係呢隻精華唔單止可以美白, 佢既保濕力一d都唔弱架~以$229.9呢個價錢買係ok的, 因為真係有改善到膚色啊, 不過美白產品都唔會好快睇到成效, 係一場持久戰, 所以我都會努力keep住用, 希望可以越來越白啦!!