i.m.jenny

夏天最怕啲護膚品太笠，最近用左cetaphil 清爽無油保濕水感啫喱真係好正，質地真係好清爽吸得好快唔會笠，搽左佢之後成塊面都好潤彈Q。

一轉天氣皮膚變得好易敏感，就算轉左唔同嘅潔膚產品，護膚品都無用。直到用左Cetaphill嘅益生元鎖水潔膚乳，不但可以徹底咁洗淨油脂污垢，同時又可以卸妝，最重要係做到保潔肌膚嘅效果而又唔會洗到塊面好乾。 用左佢之前冇再痕癢同埋泛紅嘅肌膚都變番白雪雪滑嘟嘟！

隨著年齡增長，肌膚開始出現乾紋細紋，顯得比真實年齡老，試用左Bicelle 全效維他命ACE精華幾日，效果非常理想，不但撫平乾紋皺紋，而且肌膚亦變得緊緻水潤，回復亮澤。

成日聽人講B5 Gel好補濕，今次終於有機會試用一下。 本身我肌膚好乾，轉用過好多保濕產品都無補於事，直到今次用Bicelle Hydra B5 Gel, 比到意想不到嘅驚喜我! 不但吸收得好快，而且又唔黏笠，乾紋即時無哂，感覺好正 !

第一次用Bioderma嘅再生水，感覺好溫和好水潤，而且吸得好快，用完肌膚好似飲飽水咁水潤，岩哂我呢d乾燥肌，係冬天時再生水絕對係肌膚嘅好幫手 !

我一向都好注重保濕及美白，所以維他命C對我黎講真係好重要。 除左平時食生果有維他命C外，護膚品亦都有維他命C嘅成份。 就好似今次試用呢款Ampoules Vitmain C 維他命C安瓶精華，有淡淡嘅橙香味，未用已經感覺好relax，具有防皺，抗老及美白功效。 收到產品即時試左上手，不但吸收得快，而且仲即時顯白及水潤，質感亦都唔笠，我幾喜歡。

年齡開始步入29+1, 都已經被列為中女, 新陳代謝明顯地減慢左, 肌膚亦都開始出現「初老症」嘅情況, 不但出現細紋, 又乾燥又失去光澤, 令我開始擔心。 今次有機會試用Dermastir Ampoules EGF Oligo Peptide 表皮生長因安瓶精華, 收到後急不及待即晚拎黎試, 我仲用埋導入機配合使用, 到依家已經keep住用左一星期, 肌膚亦有明顯改善, 不但細紋減淡左, 而且肌膚亦有重拾水潤光澤, 呢支Dermastir Ampoules EGF Oligo Peptide 表皮生長因安瓶精華吸收得好快, 而且好水潤, 真係令我好驚喜, 估唔到一支細細嘅精華功效咁勁咁顯著。 難怪D人成日都話EGF咁緊要, 能夠刺激膠原再生,促進細胞更新, 具抗衰老作用, 令肌膚保持年輕。

第一次接觸呢個牌子，感覺佢好特別。 成日都話要排毒，身體要排毒，肌膚更加要排毒! 今次就試用左Detox Face Mask 泡沫淨化排毒面膜，好香嘅杏仁味，而且搽左係面上好快就由cream狀變成泡泡，感覺好新奇好特別，而且仲聽到會有少少（炸炸聲)，5分鐘後就可以洗掉。 用後感覺好fresh好乾淨，鼻上同下巴啲粉刺真係唔見哂架! 而且仲即時提亮左膚色，令我覺得好驚喜女，真係好鐘意用呀！ 雖然佢係幫肌膚做深層清潔，但係用完次之後完全唔覺得乾，反而仲幾補濕添! 而且我幾鐘意佢夠溫和，一啲都唔刺激肌膚就能夠輕易地帶走肌膚嘅深層污垢及油脂，即使我呢啲敏感肌用都絕對無問題。 睇黎真係要入手番支先得，終於搵到支令我非常滿意嘅排毒面膜，以後啲粉刺可以講byebye啦！

第1次用Nine Oriens Magical Cleansing Oil, 味道好清新好舒服，而且又唔刺激肌膚。特登用左防水防油嘅眼線筆同不脫色唇膏黎試，竟然卸妝效果非常好，而且感覺幾清爽，絕對值得推薦??

Mizuii天馬胎盤精華素實在比左驚喜我，只需3滴就已經可以搽滿臉，而且佢唔會好似其他精華素咁油，反而仲好快被吸收，好乾爽，即時令我既肌膚變得好滑，感覺實在太正啦！

Yves Rocher抗污染修復眼霜質地清爽, 配合使用三圓珠設計, 用黎按摩眼部好舒服, 而且功效令我有即時驚喜。不但能夠即時減淡眼紋及眼袋, 讓雙眼回復光彩有神。

用左Yves Rocher既抗污染雙效精華素, 當然唔少得用埋抗污染深層修復日霜啦! 日霜一樣有草本既清香氣味, 而且質地輕盈，清爽唔笠，吸收得好快，不過個人認為夏天使用會比較好, 因為冬天比較乾燥, 我覺得呢隻日霜滋潤度唔夠, 所以會建議夏天使用。但係用左佢肌膚既光澤明顯提升左, 望落去個樣都精神d。 最重要係keep住用既話能重點抗污染，重組皮膚結構，擊退肌膚衰老既跡象，皺紋又可以減少，做美魔女話咁易啦!

香港空氣污染指數長期高, 令肌膚加速衰老, 引起肌膚各樣問題, 例如毛孔粗大肌膚鬆弛, 乾燥缺水, 膚色暗啞等問題, 使肌膚顯得比真實年齡大。 Yves Rocher新推出既抗污染雙效精華素，擁有高濃度精華, 能夠有效對抗內外污染物引致的肌膚問題。 使用後覺得氣味清香, 令人感覺好舒服, 個人覺得有少許減壓作用。 精華素吸收得好快, 好清爽, 一d都唔會覺得「笠」, 而且用後即時令肌膚顯得有光澤。 如果keep住使用, 更能排走肌膚毒素，修復污染物對肌膚既傷害, 令肌膚既皺紋減少, 素顏出街都唔驚啦。

無論係公司定係屋企, 成日都會開冷氣, 令皮膚好易變得好乾。加上成日對住電腦工作, 又夜訓, 搞到成對熊貓眼出現左, 就連可怕既細紋都出現埋。 好彩最近參加左she.com 既 N 8 VERSO 活膚水凝膠眼膜試用活動, 可以試下呢款配有專利Retinol 8 ，及含有Grapefruit Extract 葡萄柚提取物， 含豐富的維生素C既N 8 VERSO 活膚水凝膠眼膜。 佢含有既成份功效好正, 有抗氧化既作用, 而且又可以降低炎症和皮膚受紫外線照射的傷害，修護眼部幼嫩而又敏感的肌膚。 打開包裝, 兩塊眼膜係呈腰果形既果凍狀, 質地好彈Q柔軟, 感覺好舒服。而且眼膜內有豐富既精華, 取出既時候亦都唔會滴漏出黎。 敷係眼既時候亦都將眼袋, 眼頭及眼尾一一包實, SZIE岩岩好。同時佢亦都唔會咁易就甩出黎。而且我仲FEEL到涼浸浸既感覺, 好舒服 !! 敷完「N°8 VERSO 活膚水凝膠眼膜」後發現到眼部皮膚明顯變得水嫩光滑，而且有效地清除眼部浮腫既問題, 就連細紋都淡左, 連老公都話我對眼「bling bling」左添 !!

今次試用左Kerastase Bain Micellaire 草本炫光浴髮乳, 草本炫光護髮露及草本炫光精華噴霧 。呢支浴髮乳比我想像中都算多泡, 唔洗太多已經夠用(可能因為我短髮既關係)。佢不含硫酸鹽及矽氧樹脂,洗完之後頭髮好似一餅餅野咁,唔太舒服,不過之後用番護髮素就完全無問題,仲好順清同貼服添。 唔好睇佢洗完一餅餅咁(我發現通常不含硫酸鹽及矽氧樹脂既洗髮水都會係咁既情況), 但其實佢好乾淨架。 至於護髮不但清香, 仲好順滑。 而精華噴霧就最正, 佢不但方便使用,而且又唔會整污糟對手,重點係佢就算噴多左,都唔覺得D咩,唔似其他髮尾油用多左就會覺得油笠笠唔舒服。 對於我特別早上趕頭趕邱命既人黎講,呢支簡直係居家必備!!!!噴一噴, 梳一梳, 搞掂!!