miffy_sophie

泡沫綿密程度非常高，而且結實有彈性，潔面時可於肌膚表面形成咕O臣 mask，避免指尖與肌膚摩擦造成嘅傷害。 附設專用起泡網，取左可以輕易打出綿密嘅泡沫外， 仲可將潔淨成份滲透到角質層嘅機會減到最少。 肌膚清爽乾淨外，最重要係完全無繃緊嘅感覺! 隨後塗活膚水亦格外容易吸收!

一支兼具「防曬，美白，抗老化，保濕，化妝底霜」5 種修護功能， 大大省卻護膚時間同簡化護膚程序，仲可以減輕肌膚負擔！ 質感清爽水凝，非常易推，伸延性很好，而且完全唔會泛白。 全不黏膩，而且滲透度極高，能迅速被肌膚吸收，使用後肌膚透明感及水潤度有所提升。 保濕度極佳！被陽光曬後，完全乾燥嘅感覺。

採用左「順滑持久啫喱配方」，質感比上一代更柔滑貼服 ！ 而且伸延性極高，可輕易於肌膚上順滑地推開，完全不卡粉。 附送專用粉撲及盒仔，粉撲密度很高，配合粉底液使用，可令妝容更貼服自然！ 上妝後，膚色明顯光亮左，妝感透亮自然，而且一點都唔厚重。 持久不溶妝，不脫妝！ 而且亦無變色，無變暗！面上毫無焗促嘅感覺，反而係清爽，舒適，不乾燥！

質感很輕盈透薄，不會令皮膚覺得焗促，而且伸延性好好，容易推開。 可以令面色變得自然明亮，透明感即時 Up！ 控油效果非常好！用後 T-Zone 位置出油情況有明顯改善！ 但又不會感到乾燥，控油之餘兼具保濕功效，仲可令隨後嘅妝容更貼服持久！

高濃度精華乳液為乳白色，名符其實，質感就好似精華液一樣咁幼滑水潤！ 而且同精華活膚露一樣，帶有淡淡嘅花香味，感覺怡人！ 以指腹由內以外，從下往上輕輕推開並加以按壓後就滲透晒入肌膚，感覺非常滋潤但又唔黏笠； 第二朝起身肌膚依然水潤有光澤，就好似啱啱搽上面一樣！滋潤保濕度極高！ 更 impressed 嘅係配合往上拉提動作，法令紋竟然即時減淡左！效果真係令人好驚喜呢！

精華活膚露為透明水狀，質感清爽輕盈；淡淡嘅花香味，感覺清新舒服。 以指腹由內以外，從下往上平均搽上面，好快就滲透入肌膚同被吸收， 之後再以手心輕輕包裹全面，利用手心嘅溫度加強滲透力，肌膚就好似即時飲飽水咁， 為原本乾燥嘅肌膚保濕足夠嘅水份同滋潤感。

高濃度精華防曬乳液分有水潤型及豐潤型，而水潤型感覺不黏膩，質感較清爽。 早上使用精華活膚露後，取約直徑1.5cm 份量於面上均勻塗抹。 但對我黎講，如果只係搽精華活膚露再搽精華防曬乳液，感覺會較乾，因而會於塗抹時出現唔均勻嘅情況， 所以我會於精華活膚露後，先以高浸透保濕精華霜打底，再搽精華防曬乳液，效果會好好多！ 高濃度精華防曬乳液為白色 Creamy 狀，十分易推，能瞬間被皮膚吸收，面部即時變得幼滑粉嫩， 完全無黏膩既感覺。淡淡既花香味，感覺清新！ 牙膏裝設計，用前唔使搖暈，夠方便！ 防曬度由 SPF24 PA+++ 提升至 SPF30 PA+++，全物理防曬配方二氧化鈦 (Titanium Dioxide) 及 氧化鋅 (Zinc Oxide)，不含紫外線吸收劑，為肌膚提供更全面嘅防曬保護。 一支兼具防曬，抗老化，化妝底霜功能，大大省卻護膚時間同簡化護膚程序， 慳時間之餘仲可以減輕肌膚負擔！ 以宜家秋涼嘅天氣黎講，呢支水潤型嘅高濃度精華防曬乳液滋潤度稍為遜色，單獨使用嘅話， 略嫌未能提供足夠嘅滋潤度，要配合保濕霜 / 乳液打底！比較適合夏天使用。

好鍾意個種 ”feel 得到，睇得見“ 嘅潤澤同緊緻效果，而且有效改善皮膚暗啞，用左兩星期，肌膚質素已有明顯改善。

呢支真係好用喎！用後皮膚明顯有光澤同面色好左。暫未見有lifting 效果，而且只可以夜晚用，因為真係有DD 笠。

自從用左高滲透保濕精華霜之後，皮膚情況改善左好多呀！！簡直係180 度轉變呀！！即使而家天氣涼左同濕度低左，搽完粉除左唔覺得乾之餘，上妝仲好貼呀！虎紋同眼紋位既乾紋無咁明顯！而且好Long-lasting，全日唔 使補粉添！皮膚仲穩定左好多，以前一轉天氣皮膚好易會敏感同生粒粒，而家完全無事呀！真係勁愛呢隻Super cream 同beauté 呀！