MAY MAY

第一次試用Curel既產品, 就係呢個輕透清爽防曬面霜SPF30 PA++. 一擠防曬面霜, 雖然係cream狀,但上面時就好易推開，都可以容易咁均勻擦滿臉部. 重點係Curel防曬面霜質地好清爽又唔笠(我試過癡D紙碎, 清爽到唔係好癡的起), 而且仲好保濕, 亦會令張臉顯得好有光澤感! 相信係因為佢含有獨特既「潤浸保濕Ceramide功能成分」同「水凝防曬粒子配方」, 除左阻隔紫外線及保護肌膚免受外來刺激而變得乾燥, Ceramide仲可以令肌膚長期保持水潤狀態，就算經常吹冷氣都唔怕皮膚會乾左. 講到最中意, 梗係因為Curel既一系列產品, 包括今次用既防曬面霜都係無香料,無色素,無酒精,可以減少對皮膚的刺激, 防止皮膚敏感, 簡直係女士恩物! 不過呢個防曬面霜有D美白效果, 擦上臉後膚色會變得偏白, 所以一定要擦埋頸, 唔係會變鴛鴦膚色!

秋冬天氣, 皮膚最容易敏感, 特別係鼻翼周邊同臉頰位既皮膚經常都又紅又痕. 呢枝Avène高效抗敏舒緩保濕面膜, 厚厚咁敷一層,能夠即時為皮膚補充水分, 舒緩到我皮膚紅腫痕癢既情況, 好啱我轉季既乾燥天氣用! 多謝she.com既試用!

Make Up For Ever既 Primer 有好多隻色, 各有唔同既功效, 今次係試Hydrating Primer 一步補水妝前乳. 就黎踏入秋冬, 肌膚變得好乾, 上粉好易唔貼面, 化完都好鬼易會脫妝, 晒曬一番心血. Make Up For Ever既Hydrating Primer 主攻補水, 為肌膚即時補充H²0, 用後上妝效果更貼服, 膚質望落更好睇, 肌膚夠水份, 底妝更持久.

第一次試用Water Blend Face & Body Foundation雙用水粉霜, 質地好watery好輕盈, 基本上用手指推開, 就可以好快上晒妝. 上妝後可以即刻見到膚色變得明亮, 亦感覺幾水潤, 妝底的確好透薄, 不過最唔好係遮瑕度太低啦. 佢另一selling point係身體都可以用到水粉霜, 都幾有新意, 可以拎黎試下用係雙腿度, 扮下Benefit既body balm.

今次係第一次接觸法國尊貴護膚品牌Geheimnis. 一拆開, 估唔到只係試用品, 包裝都咁精美! 一用Geheimnis鑽石拉提噴霧，即刻感覺非常清爽舒服, 臉部毛孔收細, 明顯更有亮澤感. 其實佢好適合出街補妝前用, 夏天易溶妝, 補妝前一噴, 更易上妝. 不過V面效果應該要長期用先最有效果.

Crabtree & Evelyn既 handcream一向都出名好用! 今次試用一樣不負Crabtree & Evelyn既盛名, 質感超水潤, 不油不膩 能即時滋潤及保濕我對粗糙既手. 拎黎夜晚做個香噴噴既handmask, 簡直一流!

我係第一次用Kate Somerville既產品, 美國牌子! 一打開速效柔亮更新面膜, 就聞到幾濃既植物味, 呢隻味好香好特別! 用完覺得皮膚的確乾淨同滑左, 證明佢幫到去角質! 不過我覺得佢D磨砂粒子有D粗, 而且唔係咁有效能夠清除太深沉既粉刺!

Caudalie係法國品牌，出名成份天然，而佢既葡萄蔓極緻完美精華液，我用左一星期，無出現過任何敏感既情況，nice！ 最抵讚既係佢質地夠清爽，好適合係潮濕天用！ 用左佢，感覺肌膚緊緻左同透亮左，亦有保濕既功效。 可能因為用既份量少，面上既暗瘡印同色斑未見到有明顯淡化，如果長期keep住用可能會有效d。 多謝she.com選中我試用！

一開白滑雞蛋提拉緊緻面霜已經聞濃濃既蛋香味，好正！ 搽上面覺得好滋潤，好岩冬天好dry個陣用，所以等下年冬天會考慮去Too Cool For School買～ 多謝she.com俾我試用！

之前係卓悅減價時，買左Sunplay冰涼清爽防曬乳液，係日版SPF50+PA++++，同港版常見既SPF75 PA+++有小小唔同。不過夏天用SPF50+PA++++我覺得都已經好足夠。 Sunplay冰涼清爽防曬乳液適用於面部及全身。佢蘊含Watery Liquid水劑配方，輕柔幼滑，亦蘊含Solarex-3新一代超級防曬系統含透明質酸及Rona Care Ectoin等成分，防曬同時防乾、防老化。 質地呈乳液狀，但偏水，好容易可以推開搽係皮膚上。無色素，唔會令皮膚變白。使用後感覺清爽，唔覺得黏膩！ 佢蘊含清涼薄荷成份，話可以係炎熱高溫下保持肌膚冰涼舒爽，但其實只係係搽個陣feel到薄荷味既冰涼感，之後就feel唔到啦，所以搽個陣要避開眼，否則會辣到眼。

Crabtree & Evelyn大馬士革玫瑰清新保濕潔面霜蘊含法國大馬士革玫瑰、復活草及蜀葵成份，可以潤澤和軟化肌膚，並加入甘油及橄欖油萃取，溫和而徹底地清潔面部的化妝殘跡, 污垢, 灰塵等，防止水份流失。 一擠出Crabtree & Evelyn大馬士革玫瑰清新保濕潔面霜，就已經聞到淡淡既玫瑰花香氣。 潔面時，更感覺置身於玫瑰花海中，果然Crabtree & Evelyn既玫瑰味係最正既！ 潔面後覺得面變得又白又滑，肌膚唔覺有繃緊乾燥，夠晒溫和，好適合冬天用！

Tromborg是丹麥的護膚品牌，堅持利用天然有機材料，將以 peptides 為中心的抗衰老功效加入化妝品當中，針對細胞氧化等修復功能，減少及改善皺紋等衰老現象，達至化妝同時護膚。 Tromborg 高效防曬霜含有有機夏威夷果油，豐富既亞油酸具柔膚滋潤功效霜，亦含有有機石榴油，豐富既維他命C強效抗氧，提升肌膚彈性，防止皺紋！ 佢含有有機成份，不單止搽係身體，仲同時適用於面部，一枝兩用，非常方便！ 質地清爽，搽左出街都唔覺油膩。 Tromborg 高效防曬霜最讚既一點係採用物理性防曬，連小朋友都好啱用！ 而家好多防曬都係化學性防曬，會被皮膚吸收，或者會刺激皮膚。 而物理性防曬既原理就係在皮膚上打造一層薄膜，阻擋紫外線中的UVA和 UVB進入到皮膚所產生既紅腫、曬傷、曬黑等情況，從而達到防曬效果。所以基本上物理性防曬的成分是屬於比較唔會被皮膚吸收，適合敏感肌膚使用。 唯一＂唔好＂既可能係太大枝（有成200ml都叫唔好？），唔方便帶出街，哈哈～ 多謝she.com送既最佳試評獎品！

多謝she.com，我是第一次用這個Ultra HD Foundation 超高清無瑕粉底液。 Make Up For Ever的高清粉底一直都好出名，出過幾個version，這個是最新的“超高清4K”version。在smartphone的鏡頭越出越高清的時代，這個“Ultra HD Foundation”簡直是喜歡自拍的女士們的恩物！ Ultra HD Foundation加入獨家成分“超高清4K Complex”： 有比之前的高清粉底擁有更多純柔焦粒子，令皮膚更幼滑，大大提高遮瑕度； 有從杞子提取的植物成分，改善肌膚的黯沉問題，令膚色更自然均勻； 有透明質酸粒子，令上妝後的肌膚keep住水潤，減少脫妝問題。 Ultra HD Foundation色號十分齊全，提供20種色號，細分為R系（偏紅）及Y系（偏黃），相信從白皙到健康肌膚都可以找到適合自己的色調！ 我這次試是Y245（柔和沙色），是較自然的偏黃色調。 包裝看似是玻璃瓶，但實質應該是塑膠，確實是美觀而不易爛。 壓頭設計是按壓式，方便掌握使用的用量。我每次大約按壓二次就足夠。 粉底液質地creamy濕潤，容易推勻，不會容易卡粉在毛孔。粉底搽上臉後，感覺好滑、好薄、好貼，最重要是不黏膩！ 粉底液的遮瑕力很顯著，我的毛孔、黑眼圈、痘印都遮蓋到！ 自拍時，的確看到皮膚光滑有光澤，膚色均勻，無厚粉的感覺！ 用了一個星期，沒有出現敏感。底妝可以keep到一整日，就算T-zone位出油，都無浮粉。 我最初趕時間是直接搽粉底液的，結果就出事！因為最近轉季，皮膚變得很乾，忙完一日後，二頰的位會覺到乾。 所以之後就試了“Step 1 Skin Equalizer 補水妝前乳”的 sample，用手指推粉底，很快就推得很均勻，而且二頰的位不會再覺到乾。所以上底妝前做好保濕真的很重要！ Ultra HD Foundation美中不足的是無防曬成分，要再搽防曬打底。

Tromborg是北歐丹麥的護膚品牌。Tromborg這個牌子在香港比較陌生，我都是第一次接觸Tromborg。 Tromborg簡介自己堅持利用天然有機材料，將以 peptides 為中心的抗衰老功效加入化妝品當中，針對細胞氧化等修復功能，減少及改善皺紋等衰老現象，達至化妝同時護膚。 女仔貪靚，日日化妝，習已為常。但其實自己很少深入地去了解每款化妝品背後的成份，忽略了化妝品日積月累下對幼嫩的肌膚造成的慢性傷害。Tromborg這個牌子能夠化妝同時護膚，一舉兩得，呢個理念好正！ Tromborg Mineral Foundation是100%天然礦物粉餅，不含人造油脂，不含人造色素。主要成份包括：高嶺土、維他命E、德國洋甘菊萃取物和澳洲粟，有效抗氧化、保濕同時舒緩抗菌。100%天然的成份，天然有機，不傷皮膚，對每日都要化妝的女仔來說，自然是不錯的粉餅之選。 Tromborg Mineral Foundation包裝設計簡單，美中不足的沒有內含粉掃和鏡。 Tromborg Mineral Foundation質地幼細。礦物粉通常要掃上面後過一段時間就更貼面自然，遮瑕效果不錯。只要再掃點胭脂，就能輕易打造簡單而透薄的自然裸妝。用了接近1星期，我的皮膚都沒有出現敏感的情況，果然成份天然！ T-zone位整天的出油情況有減少，在夏天用也幾舒服。 看了Tromborg另一王牌--多用途亮彩啫喱的評語，都讚保濕效果不錯。我想用了多用途亮彩啫喱作base，應該可以令妝容在炎熱的夏天變得更持久。