hoi-kei

我見平就買黎試下，同意cacabi所講，配合按摩效果好，加上我沖涼時用，蒸氣加佢本身的熱力，真係好舒服，我面細，用一半就夠，用完好relax，最表面的粉刺即刻無晒，滑0都0都，呢個價錢，算係咁，值得一試，尤其呢排咁凍。

原來係咁，明白明白，謝謝你。我去買左喇，個包裝真係好靚！用左四日，早晚都用，初初真係有點乾巴巴，但超滑，洗完摸下塊面好開心呢，嘿。之後再塗其他護膚品比之前吸收左，我d暗粒一向多，用左只係幾日，又未話咁快無晒，但係摸落軟左，無之前咁硬和大粒。至於面色，通透左，希望用耐點真係會面色紅潤埋就好喇。我買時個BA見議我買埋支順行潔顏泡沫，話先用佢再用個皂，效果會更好，唔知各位有無試過咁用呢？係咪真係wrok呢？仲有，我黎緊會去韓國，係咪買佢所有野都會平d呢？晌佢專店買定係晌佢地個機場買平d呢？大家又有無咩推介？因我只係識用個皂，其他野都未試過呢~~

我都有用緊，但係呢，我係用完toner再塗佢，好保濕，再塗佢個essense更加好，個感覺好supple。不過，我想問清楚呢支係咪已經係toner黎架呢？哈…我驚我用錯左…我買時又快快走，無聽清楚BA講解…唔該大家幫幫忙，免得我浪費左支野的真正用途呢~~

遮瑕也很好的，當然不及遮瑕膏，但普通的雀斑、黑眼圈和暗瘡絕對沒有問題。不過，平日塗度數高的防曬用品都盡可能先卸妝油再洗面，確保不會阻塞毛孔，何況這支既是高度數防曬又是防水防油的化妝品，更加要做好清潔，如果唔係一定會出暗粒，相信你會明白這一點係可以應用在所有化妝品上的。如果你會常用，又唔係咁放心普通的清潔步驟，最好配埋佢支專落防曬的卸妝油。若你只是間中用，咁你用返自己平日的卸妝用品再潔面，就應該可以的了。僅記徹度卸妝就得架啦！仲有，佢唔係有好多色，所以要試清楚，唔好心急，BA話邊隻色就買呀，試清楚，因為選防曬粉底同選普通粉底略有不同，會少d色揀，塗了上面個色又可能有些出入，係難揀少少架^^

我用了幾年了，因我常在戶外活動，我是混合性偏油的，質感夠水潤，防晒功能很強，真的不錯。

我係內乾外油，上星期剛開始用sample，但係佢的sample大包，我都用左成兩個星期，因每次用好少份量就夠，佢個質地係較creamy，搽上去時會覺得笠，但好快就吸收左，以近來的天氣，平時我中午就會因唔夠水出油，要用吸油紙。但用左呢個就下午兩點幾三點都係出少少油，係可接受，未要用吸油紙的程度，明顯保倒水，不過不失啦。

顏色又持久又自然，即使係夏天易出油的時間都唔受影響，當然佢唔係防水，但平日淡妝出街和陸上戶外活動(例如行山)，畫一畫讓自己看起來精神點，完全沒問題，真的keep到全日，帶出街補妝也輕便，真係好方便，雖然一開始買要230係貴點，但日日用都可以最少用半年，而且之後refill都係70，而且通常唔會一次過要refill晒兩個頭，我用左就黎三年，支主筆桿無換過，只係refill兩邊頭兩三次左右，所以係好抵用，值得推介！唔知點解有人話唔持久又唔上色，大家真係要自己去Shiseido counter試下，同埋看看該位評論人平日在網上的評語，佢試過咁多樣野，塊面都俾佢玩死啦，掃咩上去都出唔倒真正的效果架啦…

你個人都幾奄尖，無論到那個品牌留言都係勁彈，所有野都係垃圾，仲要下下用一兩次就丟，有錢都唔係咁樣浪費啦，大把人連食飯錢都無呀！真係無品！

fatfat, how can i use the white one? i dunno where should i draw and how to draw...........>_<