lunana

我用過好多隻牌子 屋企十支九支既顏色都唔岩心水 最近我買左呢支 個sales幫我選擇既顏色好岩我 唔會太白同太紅 好自然 先前so乜乜 同 Do乜乜都太白 一個月買左3支都唔岩色 雖然個質地唔及GIO乜乜 不過呢支個COLOR好岩我 我對佢地D SALES有信人好多 SO買買下買左好多野 題外話 我覺得佢地D護膚品比化妝品差 可能唔岩我掛

宜家好似係215蚊支呀我前日先買左支我覺得都算乾淨 都唔太貴最緊要係唔敏感呀又可以落埋眼

都算易上 我試過朝早10點到晚黑11點個妝唔覺有溶或者luk得好勁 我唔知係隻粉keep得好定係搽左好似冇搽咁 因為我唔覺有dd遮瑕效果 唔太覺上左粉 面色會有少少灰 不過正常既 咁多個鐘呀 不過我唔會買

易畫易控制 但就唔持久囉一陣就luk晒咁制 要成日補架

頭先去SOGO買左支 本來想買有刷果隻 SALES話冇貨我話冇所謂俾呢隻我睇下都得 點知個SALES好似唔想理我咁 十問九唔認 眼尾係咁易望下我 淨係話一支新既一隻舊既 同埋個刷唔同者 如果唔係我聽朝早要用 我真係返公司樓下先買 D咁既態度= = 我之前上黎睇過見大家既評語都唔錯咋 唔係問D SALES就慘嚕 不過以前我係油麻地永安買開 D SALES都唔係咁樣既...我唔評分住 等我用兩日先上黎俾分 不過我俾SOGO果兩位SALES唔合格呀!

我用左幾日就起敏感又紅又痕 等左兩日都未退我走左去睇皮膚醫生俾埋支野醫生睇 寫左封信俾我我就拎去換其他產品我唔敢用係面到 唯有幾舊水換左支搽身既 成年都仲有大半支係度呀!

呢支野真係呃人既唔控油 個妝一樣好快luk我淨係搽nose位 都唔知要搽幾耐先用到一半..買支防曬都冇咁嬲

我買果陣係冬天 但係宜家都岩用 我係混合性皮膚 比bobbi同ipsa好用 我買時都覺得貴 不過用過覺得值既 支掃就令我最肉尺喇..仲有支控油.. 雖然幾滑 不過唔覺得控油既

上星期係醫生到買左支黎用(醫生話唔敏感)用左三日眼袋同眼角位置開始痕過左兩日敏感又紅又痕想死呀去搵返個醫生話又話可能成份唔岩我..總之就慘啦

我個人覺得d泡泡好滑洗完面唔會乾不過感覺唔算太乾淨但就好方便 一按就有泡泡

講真 搽上面算幾保濕不過每次份量唔算少 支野都算貴

買果陣覺得好貴 不過原來好大罌 計起上黎都抵用 我用完冇敏感 又方便 按摩之餘仲可以當MASK 用後覺得幾滋潤

我用左一個月左右 我公司同事話我皮包好左D 冇咁乾 不過我都係夜晚用多D 多數都係用完個按摩MASK就用佢 前幾日有垃大黑頭係個鼻樑位 我鉗左出黎 個毛孔好大 我都係用佢黎夫面 因為我覺得貴 所以唔會日日用

我個咀成日LUK皮 而且唇紋都幾勁下 呢隻Lip Balm好滋潤 LUK皮LUK少左 不過真係會漿住個咀唔多舒服 有SPF15好岩日頭打抵用 不過個SALES叫我夜晚都用佢 話可以修護

早兩個月前我都用緊Eye Balm 因為我眼肚位都有少少乾紋同脫皮 開頭我驚會笠 點知唔會而且仲改善到我脫皮既情況 雖然幾舊水 不過用到2個月我覺得OK 最近我轉用EYE CREAM 覺得都唔錯 不過可能冇咁補身 所以我諗晚黑都係用返Eye Balm

我開頭係試SAMPLE 用左幾次冇敏感 今日終於買左支 我覺得幾爽 最緊要我冇敏感 保濕都OK 美白效果就未知住 不過480蚊支我覺得唔算抵用 本來我係想試ORIGINS新出果隻白米精華 不過因我未試過上面 所以最好都係選擇呢支

我本身混合性加幾敏感 用佢落妝都幾乾淨 但係防水睫毛液就唔係咁得 普遍防曬同粉底用佢都唔錯

今日買左支 試左幾次覺得唔錯 不過個噴咀唔係咁好噴 味道青青地又冇敏感 150蚊支抵用

未出個sales就勁叫我訂 話好好用...我覺得一般啦 美白效果唔多覺得 d粉都幼既 不過好多牌子都有咁既質素 350貴左d囉 我用黎high light咋 因為全面搽會白得制

我一日用兩次,用到兩個月,計起上黎唔算貴,質地好岩冬天或者乾燥時用,以前我眼下都有脫皮,用左有改善同埋陣味幾舒服!