Kawai

Matricium® 再生水相信好多人都聽過，幾年前我都有自費買過來用，老實講同我覺得同水無乜分別，只是記得幾快吸收，功效就真係唔覺。幾年之後的今日，決定比多次機會佢，睇下年紀大左，新陳代謝慢左會唔會有分別～ Matricium®成份天然，無菌， 不含防腐劑， 酒精， 香料， 色素等，與肌膚100%相容，滲透力極高。有醫學證實可以有效幫助肌膚細胞修復， 達致抗衰老，可以促進表皮以至受傷皮膚組織的代謝、幫助自然再生，所以又叫「再生水」。持續使用Matricium® 再生水8星期，可使細胞回復20歲年輕狀態。每支瓶身都印有有效日期，每日1 支，早晚各用半支，膠蓋設計可以重覆蓋好，晚上再用掉剩餘的半支，記得開封後12小時內用完。產品質地是透明水狀，沒有特別香味，質感易吸收唔笠，基本上1分鐘內吸收且不留痕跡。我是每次用完一整支，15支一星期已經用完， 覺得再生水對乾紋細紋補水效果都幾明顯，塗完立即感到肌底的水份增加，亦打開了吸收之門，塗續的精華都更吸收。整體來講，我會覺得比較適合成熟肌的。 如果你同我一樣屬於乾肌又易出暗粒，怕笠痴痴的產品，呢款再生水應該效果幾唔錯。

盒內有即用的塑膠開瓶器乙個，把開瓶器套上再輕輕一啪就可以成功把玻璃瓶啪開， 而且過程是挺利落的，切口整齊，不用擔心有玻璃碎片。這款精華帶淡粉紅色，質感比較水凝比較似未凝固的果凍狀，雖然不易倒出來，但抹開臉上卻挺易吸收，基本上我可以一次用一整支，輕輕按摩後，會感到皮膚變得緊緻有彈力。 姐是乾肌好快就把精華吸光光，皮膚變得水潤而不會有痴笠笠的感覺。

日間我會選用Ampoules Vitamin C 維他命C安瓶精華 因為維他命C有強效抗氧化、美白淡斑、促進真皮層膠原蛋白合成增生的功效，能令皮膚變得緊緻飽滿，充滿光澤，增加皮膚彈力，選擇日間使用是因為維他命C本身是「抗光」的，因紫外光打進皮膚，會產生大量的活性氧ＲＯＳ，這些活性氧會傷害細胞，但維他命Ｃ就能中和這些ＲＯＳ。Ampoules Vitamin C 質感偏向水狀，親肌而且迅速吸收，淺黃色有淡淡的甜橙味，用後皮膚略見光澤感提升。曾經用過某品牌的Vitamin C，竟有刺痛感及甩皮，這款卻來得溫和有效。