Eunice_Y

無乜特別功能，但絕對係一盒交倒功課的保濕面霜!!! 好推又唔笠，價錢唔貴(我買125ml,抵啲)。皮膚乾時，訓前厚厚敷一層，第二日上妝好貼!!! 一定會回購~~~

之前見倒某連鎖店，買2支有75折，折左真係好平~~~ 之前用開面具/ dolly wink / kiss me，我覺得maybelline 呢支都好好用，last 倒全日無化，個筆尖好好畫，唔會太軟，會keep 住用，平靚正~~

一向都好少用開架式的base，見倒包裝粉紅色幾得意試上手，有輕微粉紅閃閃地，有少少調色作用，質地都尚算易推。見冬天(大約12月買)，質地厚DD都OK，平平地買黎試下。以佢個價錢同效果，值得一試。 我會再回購~~ PS. 我係混合性皮膚

平價之選!! 我都係萬X 75折時買，好抵~~

個粉紅色好靚!! o岩中等膚色既女孩子用 尚算long lasting，又大盒!! 係平價之選~~

一直用開都覺得幾好, 唔太乾... 但岩岩轉左新配方，加左價，一加就加左50蚊，成26%，太離譜!!! 之前個version 190蚊咋~~ 雖然新配方幾好用，但一支無乜特別function 既cleanser 要240蚊，太貴~

我有包包面，用左1/3 支，我剩係搽腮骨位，我覺得塊面尖左，無之前咁腫！最近見返啲舊同事，佢地都話我塊面瘦左，會keep住用！ 有細支30ml裝，二百幾蚊，抵玩！有時萬X護膚品特價，8折買仲抵！

我一向買粉都極少浮粉(_< 我覺得covermark 好過佢好多~~~ 因為佢個設計分四格，白色嗰格d粉唔知係咪唔夠幼，只係用左勁少，其他都用左1/3。 P.S 我用5 soft white

已經用左半支，感覺唔錯。我本身皮膚除左乾之外，無乜大問題。 我就淨係夜晚用，面部大約用2-3滴，頸用1滴，上面既感覺唔算油，可以接受，仲覺得有少少潤。以前冬天，塊面都幾乾，化妝有時會乾到咀邊位白色左一撻，用左之後少左好多呢d情況。 改善左乾面情況，其他方面唔覺有好明顯改善，無你地講到咁奇神~

我自己用開筆，但見倒大家都咁支持，所以買黎試下，貪佢價錢平又連埋支掃。 比我想像中易handle，好快乾~long lasting，除左眼頭位有少少甩之外，其他位都無事。 我用pure black，但個色唔夠實，會有深淺色既情況出現，即係多gel既位會深色d，少gel既位會見倒少少肉色，要補多次先得。 可能未用慣，要花好耐時間畫；同埋支掃好短，唔好用，要有心理準備買支掃。

最鍾意佢唔使刨，好方便!!! 用全日會有輕微熊貓眼，但情況係可以接受；畫出黎都好出"色"，加上個芯軟硬適中，真係好好用~~平日返工都用佢，快出門口~ 缺點係...相比起同牌子但要刨嗰隻，一支好快用哂。

好long lasting，用成日都唔會熊貓眼，但間唔中會有少少黑色粒粒跌落眼肚位，但一掃就無事。 用梳既效果非常突出，掃兩下對眼就好黑，D 眼睫毛變得長同好濃密!! D 同事成日以為我貼左假眼睫毛~但唔可以太貪心，否則會有海膽刺既情況出現。 缺點.... 要用eye makeup remover 落兩次先乾淨。我用fasio嗰隻，每邊都用一片沾左remover既化妝棉敷大約十秒，之後先慢慢抹順住抹，抹完兩隻眼之後再用一片新既化妝棉再抹多次兩隻眼先會完全乾淨~

好同意其他人既講法!! 搽同唔搽幾乎無分別...太薄!!! 梳形嗰隻勁好多~~

今個冬天尾用佢加aquasource gel，都ok保濕!!都係覺得佢太香，同埋個泵去唔倒底，有好多剩左&#21946;底用唔倒!!同埋一支一個月用哂...好似快左少少...

之前見倒有box set幾扺，所以買黎試下!一般囉，唔算好好用，但都ok。之前冬天用佢加埋aquasource superserum，都夠保濕•但我唔鍾意佢香料咁勁...

純粹保濕....用左之後對眼都出少左油(因為無咁乾)!! 其他功效唔覺(其實佢賣點都係保濕嗟)...但對我黎講，保濕得黎又爽!!!唔錯∼∼同埋都抵用...220 蚊!

經朋友推介之下買左，都ok啦....清倒少少黑頭，但個人鍾意borghese active mud多D，乾淨D!!

我當做胭脂膏打底﹐再上粉狀胭脂，好long-lasting!我試過單用，幾natural，唔錯!!因為都幾出色，每次只需用少少，大大盒有排用!!

我用深灰色，耐左都係會化開，但都唔算好嚴重，算ok!!

個芯夠軟，但係好易化開囉...唔會再買