Siu_momo

我一向眼晴易敏感,用睫毛液唔可以好似人地D教學咁"由根部掃起" 而且卸妝時"死捽爛捽"又會再次敏感 但係呢枝真係幫到手! 一黎佢冇令我眼敏感,唔會成日眼痕眼紅流眼水,可以用得好放心~ 二黎佢防水防汗做得好好,化左成日妝都冇化開變熊貓,即使"打喊路""標眼水"兼唔小心"捽眼",即刻照鏡都冇化開,只有少少碎屑掉左落眼皮同眼袋位 用紙巾輕力"HI"走就OK,完全唔會有印留底! 三黎溫水就可以卸妝,唔洗用卸妝油/液"又敷又捽" (敷/捽既時候再小心都好易入眼,眼敏感大忌!) 同埋有時放假出街唔想化全妝,只用防曬加呢枝睫毛液,返到屋企只要沖涼時順面用溫水過一過面就OK~ 另外佢個掃做得好好 先用短果邊掃,令睫毛均勻 輕輕掃一層已經可以睇得出"睫毛量"多左一倍 然後再用長果邊掃,好輕易咁將睫毛拉長 由眼頭開始分3-4PART咁掃,一邊掃就望住自己睫毛慢慢比個掃"拉長" 冇用睫毛夾但都唔會完全掉落黎"向下插" 雖然不至於好翹,只係微翹唔塌,但勝在自然感滿分~

之前因為用左隻唔岩自己ga eye cream搞到生左幾粒油脂粒 所以想轉用eye gel 咁岩去IM做facial時個BA姐姐又比左呢個eye gel sample我試 真係幾好用! 好吸收! 唔笠,眼冇咁浮腫,收到眼袋 用好少份量就可以 一包sample都用左成個星期有多 但係價錢就真係...... 即使會員價都太貴la......

本身皮膚好敏感,所以一有暗瘡就好驚 都唔知用唔用d抗豆用品好 好易會搞到塊面一攤攤紅色 呢隻油對付暗瘡效果唔錯 我會係夜晚洗面同抺toner後用棉花棒點落豆豆度,點落去份量會控制得好d 出左少少界都唔會起敏感 等佢吸收晒再搽lotion 一般2-3日就會謝 如果有d剛起/想發出黎ga暗瘡就效果仲好 另外有蚊咬搽佢都ok,涼涼地好快止痕