Ms_DaVinci

非常煩，那些粉根本無法捞均，捞極都起粒，敷在面上厚薄不一，边位快乾，一旦乾了，皮膚很繃緊， 敷完又不能成塊膜拉起，要逐小拉走，搞到手指"痴立立"， 面膜乾了很硬，对住镜搣，啲面膜碎掉在洗手盤，一pat pat很難清洗，搣完左邊，右邊已乾，乾了的mask啜住塊面。說不好用水沖，要用剩下的活膚水去抹走，好難抹，總搞成粒鐘，唔覺有咩大改善

上次去韓國出差, 帶左兩包去, 一包夠用兩次, 連敷左四晚, 塊面真係滑左好多, 同埋毛孔收細左. 我唔鐘意佢一包包, 因為好唔抵, 用唔晒又要用夾, 夾住佢, 怕佢乾, 在家用既話, 一支過方便D,

估唔到咁細既牌子, 效用咁明顯, 用左兩晚之後, 塊面明顯係白左, 膚色均勻同埋BRIGHT UP左. 質感似水, 拍打在面上, 乾左之後,才塗CREAM或SERUM. 用塗完佢,就用ORIGINS支菇SERUM, 幾夾喎.皮膚無乾紋.

用了兩星期, 鼻側的毛孔明顯細左, 塊面膚色均勻, 同埋緊緻, 無之前咁鬆, 同埋眼紋無咁覺. 不過真係要長時間用, 唔會一兩日見效, 價錢又真係貴左D.

$230wor, not $190

充滿陣陣蜜糖味, 用完幾乾淨 不過頭一次用係推開, 好唔勻巡, 第二次試印開, 好D, 不過我只係敷五分鐘左右, 但佢無乾到白晒, 仍然好保濕.

似lotion多過cream, 但一唧上手, 就感到佢有水份之餘亦有點油潤. 我一向要用極潤的eye care, 像eye balm, 呢款無balm咁rich, 但用完無起過粒粒, 而且早上塗完, 到晚上摸, 仍然係咁滑咁潤 香港買太貴, 韓國買若六五折, 視乎滙率高低

不是水狀, 是帶點GEL狀, 但極之易被皮膚吸收, 我本來只用first care serum加滋陰乳液, 效果已不錯, 但用埋呢支滋陰水, 面更滑.

一實氣味清新, 質感很水潤, 沖完水塊面唔油, 好似塗左LOTION咁, 我習慣用CLEANSING LOTION抹一次, 估唔到塊棉花無黃無灰到, 即係洗得好乾淨.

可能我用開隻洗面奶夠乾淨, 令呢支野好似無料到, 我以為咁貴好好, 點知同我在莎莎買果支NATIO $88 的TONER, 無分別, 人地重有200ML. 到底個價錢MARK到咁貴為乜?就係要分錢俾名媛明星?咁我情願用NATIO

用完第二朝起身, D毛孔好細, 塊面亦有光澤 氣味清新, 聞住入睡.

用完佢, 再上FOUNDATION會推出膠粒, 我估佢只係死命封住皮膚. 無乜深層滋潤作用. 用來塗唇重好.

頭一次用, 我塗了AESOP的保濕SERUM先, 然後才加一陣呢隻, 結果塗塗下, 擦了些白色粉末, 翌日是白了, 但一唔用, 又唔白, 第二次用, 試下拍多D爽膚水, 令塊面好濕, 然後再塗呢個MASK, 咁似呼較吸收, 翌日塊面明顯白左. 於是我明白了, 其實MASK加了美白粉, 咁貴, 應該係天然成份, 翌日輕力洗, 剩小小, 故此白.

點解你地寫到, 好似唔洗沖咁? 但支野寫左要洗架喎~

若果你對眼出晒眼紋, 我指至少一條, 呢隻無乜用,唔係好潤, 反而有點油.若你對眼,無紋,咁你塗咩都一樣啦

我周日去尖咀新港的SASA買, 竟然斷貨, 要等十分鐘搵人送貨來, 這一著已令我覺得大家所言非虛.我連續周日, 一, 二, 三, 四共敷了五晚, 每朝起來, 塊面一滴油都無, 好平滑, 有個暗瘡印位, 退了一塊野, 甩出來, 我覺得呢支野, 除了補水, 還有點修復功能.很值得一試, 不過有樣野要克服, 就係你最初塗上面時, 會油油地, 唔算係泣,係有層油咁,好似自己塊面平日缺水出油咁, 但你要忍, 忍到第二朝, 層油無左, 換來更滑更潤澤的皮膚.我即時諗起上飛機,最好買佢,一來不超過100ML, 可以帶上機, 二來眼和臉都塗得,好方便, 三來還不用沖洗.四來如此見效只賣二百幾算平, (但去法國買係200左右)塗一層厚少少,可以合閉眼睡覺.

我朋友經常出差, 佢話用完好明顯對眼無咁緊, 係鬆好多, 同埋好潤,無油脂粒

好潤呀, 氣味都好新鮮, 好香, 眼紋係無咁明顯, 我每晚臨訓前塗, 第二朝都好滑好潤, 無出油脂粒.

磨完都幾乾淨, 但不夠潤, 要盡快塗LOTION

好好用呀, 又平, 呢排天氣乾左, 臨睡前塗厚些少, 翌日早上, 眼紋淡左.