Chryssa

一直都有用開Skin Ceuticals 嘅精華，但唯獨呢支濃縮維他命C E FERULIC精華就未試過。絕對適合我呢啲有色素沉澱、膚色不均，仲有少量色斑嘅都市人！知道呢隻精華蘊含高濃度維他命C同少量維他命E，雖然味道唔係太好聞，但有強勁抗氧化效果，用咗大概2星期後，肌膚密度仲提升，膚質仲細緻嫩滑咗，緊緻得黎有彈性！最緊要佢可以撫平紋理，均勻膚色添～簡直係女士們嘅救星！

一直都係Clarins 粉絲嘅我，當然佢哋嘅double serum都係我嘅最愛啦！佢嘅第8代賦活雙精華入面嘅 [水+油] 黃金配方，雙乘配搭真係啱啱好，唔會話好笠好油咁，我覺得最適合轉季天氣用！加上佢採用21種修護植物萃取，咩肌膚都啱用，唔怕敏感。我最鍾意佢可以幫肌膚更緊緻，撫平細紋，抗老必備！而且加上依家雖然少左化妝，但我膚色一向都有不勻嘅問題，用咗之後肌膚有返光澤，毛孔細緻咗，望落皮膚好咗好多咁，想要年輕肌用佢幫到唔少～

一開頭接觸first aid beauty，佢嘅repair cream就好出名，所以佢呢隻product係我一開頭到依家都仲用緊佢嘅最愛product之一！！對佢嘅喜愛程度真係爆燈，點解？因為初初接觸就係朋友介紹下，話佢係平價版LaMer cream，仲要佢嘅修復能力好好，連敏感肌都啱用。話有泛紅敏感肌，甚至有粒粒，用咗佢就會好返，所以之後親自試用，一用就愛上咗佢！我鍾意嘅其中一樣就係佢質感細滑唔黏lup，仲要無咩香味。因為我對於好勁香料嘅cream好抗拒，而佢係唔會有好勁嘅味，用落塊面好舒服，佢係有助舒緩、滋潤同調理皮膚狀況，所以我係皮膚差嘅時候用佢，簡直係SOS肌膚嘅法寶啊～ 同埋即刻用完佢，會feel到塊面仲水潤柔滑咗！配埋佢個Oat Mask，就有效修復乾燥肌，幫肌膚補足水～～