miffy_blue

過左一段時間都唔捨得用, 無論設計包裝顏色都真係好靚. 試色既時候係好顯色架. 個時試係手, 洗左幾次手都唔係好脫色. 個人都係被包裝同設計吸引買既, 有機會都會買多支>

細細盒值得隨身攜帶既軟膏,可以搽傷口, 有消炎作用, 通常就搽暗瘡用或者暗瘡印用, 可以消炎,令暗瘡謝得快D, 搽暗瘡印仲可以淡化紅印

晚間防衛守護粉就係搽晒所有skin care, 最後先搽的, 感覺有D似用緊爽身粉(? 咁, 但佢有埋保濕功能既爽身粉, 對暗瘡肌用完各種既SKIN CARE 之後可能會覺得油油的, 用左佢就無哂呢種感覺, 夏天用最啱!

Paul & Joe既限量版貓貓系列唇芯,買既多數都係為左個貓樣既, 今年個唇芯無貓樣,應該會捨得開黎用掛! 用過佢唇膏係幾潤, 同好顯色架

家用染髮劑入面, 以泡泡染比較易HANDLE,比起霜形狀既會塗得均勻好多, 不過未染過或者會難上色點, 要預左買咩色染出黎都係深啡就唔會期望過大

新版洗頭水比以前真係潤好多,夜晚洗完頭第朝起身頭髮仲好順, 唔會飛起哂,亦少左打結情況, 因為少左打結所以梳頭好順, 感覺掉少左頭髮添

多左唔少人用護膚油, 無想像中咁油, 因為用好少已經夠全面, 搽完精華後用可以鎖住養份,或者混合粉底液用, 妝容會貼薄D, 需要遮瑕既位置就要印多幾下

屋企人用過, 用完睇落有D效, 咀唇好似潤左軟化左,睇得出無乾到皮裂開既既, 但係要成日補, 唔補就好快又乾紋出哂黎, 主要都係無深層滋潤

唔會回購既產品, 用完只係覺得油, 唔覺有潤既感覺, 對於夏天咀唇都會覺得乾既人仕黎講係完全無效用。如果唔係乾得咁緊要既, 咁既價錢可以用既.

這個面膜水份較多，很容易就推開全面,約5分鐘就乾透.用CLAY MASK清潔好毛孔, 跟住再用保濕或者緊緻MASK 效果先會明顯吸收好左!

水聚光淨白氣墊粉霜有超導離子礦物水+維生素A.C.E,高效保濕,個獨家粉樸最推,可均勻控制沾粉量,夏天用都KEEP到唔溶, 防汗防水！

濃極潤又是一款懶人恩物, 起身只要用佢就可以做哂所有護膚STEP,不過有防曬, 所以有少許油的感覺,唔化妝的話都需要加少少碎粉或者防曬粉,減輕油光

個人非常喜歡既一款眼線筆,柔滑霜狀個名改得無錯, 真係好易推, 對朝早趕化工人仕好快就可以劃好眼線, 通常劃完會印少少眼影就可以LAST 耐D~

外型唔係特別吸引既ETTUSAIS 唇膏, 雖然無華麗包裝, 但色系好自然偏暗啞, 適合返工返學日常使用, 而且質地滋潤, 唔乾,唔用潤唇膏打底都OK

粉紅色粉底盒，一直醉心Ettusais 呢個SHIESEDO副線品牌，上面沒有厚厚的粉妝感，達至清爽控油效果。想遮瑕的需要在同一位置來回以印方式印厚一點更好！

幾神奇既粉底，記得有次瞓左三個鐘就起身，諗住實會皮膚差到上唔到妝，但佢都唔會，仲好貼服，用開7號色，聽聞單數色係啞色系，双數係加左閃，但7號個人覺得都好有光澤。遮瑕度不錯添，不過香港賣太貴了

以前見到代言人劉亦菲即刻買左黎試，始終眼部肌膚敏感D，所以特別用佢化眼部底妝。適合亞洲人膚色，質地偏水，不過用蹗會有出得太多，蹗一個圈再用手輕輕印開就可

深層受損修護護髮膜,即時感覺到頭髮柔順左好多，價錢唔貴又夠大盒，係性價比好高既產品。唔需要日日用，否則會太油，同埋不要用在頭皮位置。

比較貴但值得一試既MASK，佢唔係紙質或者不織布，會有少少啫喱狀膠質，做FACIAL前後幾日用特別吸收既日子會心理上覺得抵D。因為貴，所以性價比一般

Jill Stuart既設計好靚，又一件睇外表而買既唇膏。好彩佢質地好幼滑，亦好潤，上色好靚，個人喜歡自然的唇色，唔大誇張又充滿少女味的既Jill Stuart好岩我！