BoLeePinkOn

粉質幼滑，貼服程度不錯透薄自然，不過持久力我覺得普通唔算突出，乾濕兩用出門補妝夠方便，使用時傳來淡淡香薰氣味頗為清新。

個人對呢支卸妝油頗為滿意，首先係落得乾淨輕鬆，清洗十分容易唔油膩。呢隻卸除濃妝嘅效果以我用過類似産品嚟講算得上幾好，而且用後肌膚好保濕。

冬天要轉護膚品，但本身油底，試過用啲好滋潤嘅產品始終唔太適合，今次試呢支保濕水質地水潤得嚟夠透薄，容易滲透，唔會焗住肌膚表面，仲有預防痘痘功效，十分唔錯啊。

瞬效零瑕毛孔修飾霜質地非常清爽順滑，只需要少量就很容易推勻全臉，使用後肌膚有種啞緻幼滑嘅感覺，粗大毛孔修飾得不俗，值得推薦。

如果要想要啲好突出嘅顏色就唔好揀呢隻，因為佢以自然為主，染髮劑質地成份天然，接觸頭部皮膚無咩刺激或者敏感出現，遮蓋白髮效果良好。

精華液質地水潤，滲透力唔錯，用完即時緊緻效果明顯，但會回彈，我諗幾適合要禮服嘅場合作為臨時救亡之用，長期keep住應該都會有改善，但操作太麻煩，對我呢種懶人無太大動力。

試過呢隻水漾急救面膜的確幫到手，狀態不佳馬上敷一塊，迅速補充水分，肌膚恢復飽滿有生氣，但唔會太過滋潤，非常適合化妝前作為急救之用。

保濕能力可以，冬天用還好，夏天會覺得稍笠，最近天氣又凍又乾用唔差，舒緩到肌膚乾燥繃緊嘅問題，但對於我唔算一隻十分滿意嘅產品。

我覺得只係普通好用，質地頗水潤，只係略嫌未夠清爽，啱冬天用多啲，都有返咁上下嘅補濕效果，但持久度唔係咁得，同一般保濕啫喱差無幾，唔太發揮得出「精華嘅」嘅作用

呢隻美白底霜係一個唔錯嘅選擇，一支可以做齊防曬，底霜兼潤色，平時化粧前可以用佢打底，有時趕時間直接搽完出門亦可，修飾效果自然，雖然質地唔算好清爽，不過好在都幾水潤輕盈。

面膜紙質地不俗，貼面度滿意，唔會容易走位，精華液份量好足，敷上面感覺舒服唔覺笠，補水效果好好，肌膚變得更光澤飽滿，緊緻功能其實唔太明顯，但呢個價嚟計算係咁。

唔算得上真係好高效，以佢價格嚟計有啲失望，緊緻效果算唔錯，有啲成果，質地豐厚滋潤，對付乾紋應該唔錯，但可惜油膩感太重，整體嚟講實屬一般。