ltifff

染咗頭髮之後開始要用染眉膏　呢款叫做易上手架啦　我眉毛偏長都唔會搞到啲膏一撻撻　同埋唔會一捽就甩　有時R下條眉都無事

其實都好用既　不過點開個陣要小心檢查好　唔好懶　因為佢顏色偏橙　我上次訓未醒太大意無仔細點開　結果上完偏輕薄既氣塾之後發現塊面一達達橙色

呢個牌子可能不嬲都送得多掃　今次呢一盒有兩個眼影掃　一共四個頭可以用　上次個個得三個　上妝會更加乾淨唔怕混色　質素一概地好　小面積既珠光粉用黎打亮眼頭都相當唔錯架

一盒有四隻色可以選擇　組合起上黎已經妝容多變　而且佢一盒有兩個眼影掃係我個人覺得好良心既小彩蛋　顯色度高　用量要小心把握啊

控油方面唔錯　粉質都好幼滑　上妝效果唔差　易出油既姊妹們可以試下　用黎補妝都好適合　細細個拎出街都好方便　仲有防曬功能

好適合我呢啲唇薄既人啊　因為我上唇好薄好難上唇妝畫唇形　用咗佢之後就好方便咁可以框好個嘴形再上唇膏　令唇妝畫得更好

因為我係一SET咁買所以都幾抵下　咁個B5精華我覺得相當抵讚　成日都聽人講B5好用　試過先發現真係唔錯　保濕又唔會敏感　泛紅痘痘都可以消腫　單買價錢都唔貴　應該大概用到兩三個月左右

因為我係一SET咁買所以都幾抵下　講返個面膜先　就好保濕而且夜晚敷完第二日個上妝效果會更佳　我既敏感肌都無問題　係會想回購既產品

樽好靚睇落好高貴咁嘻嘻　放係櫃到都覺得賞心悅目　滋潤度好高　KEEP咗搽一排都覺得自己滑咗　而且吸收得都快既　唔會有好笠既感覺

用黎沖涼個陣好開心　好香玫瑰花味不過可惜係KEEP唔到好耐陣味　不過因為我係成SET買所以用起同系列產品時都好鍾意聞陣玫瑰味

佢呢個系列既色都好靚　而我揀既係21號色　上唇效果光澤度高而且自然　唔怕重力咗　就算多搽幾層都唔顯誇張　滋潤程度都相當不錯

呢支係比較粉橙色既唇彩　NUDY CORAL既上嘴效果就好睇人啦　唔建議偏黃肌膚用啊會睇落無咩精神　如果係白啲既姊妹們就可以放心使用既

YSL既熱門產品　我用既係214號色　偏豆沙粉色　因為係唇軸質地都係較水潤　要KEEP唔郁一陣先會無咁易甩色　上完嘴之後一飲水就好易花哂　要忍下口啊

NARS既胭脂眼影不嬲都好出名　今次都無令人失望　上妝效果好正　而且又可以一盒兩用　一次過滿足兩個願望XD　不過真係要注意用量　因為其實搽少少再推開既效果係最自然

上嘴效果好靚隻色好自然　不過就唔係好上色　所以要搽多幾層　不過出黎效果都好睇既　保濕度都唔差　如果無搽潤唇膏打底都唔會甩皮或有乾紋

買個陣以為好上色所以買咗兩支想當唇膏用　不過唔緊要既都可以用黎冬天用　今次呢款色就真係真係好自然　係個種似本身唇色個種粉粉地既自然感　適合用黎化心機妝

我本人係抗拒唔到閃令令既指甲油　因為本身無GEL開甲所以都係得閒先係屋企自己整下　搽上身效果好靚　啲珠片唔會太大粒

主打係護唇膏　所以都比較潤　話就話係玫瑰色　但實際上要搽多幾次先上色　係淡淡地既紅色　都幾好睇既　不過既然佢係潤唇膏唔係唇膏　所以都可以接受既

幾好用既　用黎遮下紅印咁都方便　同埋佢唔係膏狀　要用手點開起上黎好似比較乾淨　但缺點係比較乾身　要注意保濕如果唔係會比較難上妝

呢個品牌經常會推出一啲好夢幻好少女既化妝品！所以我其實都好鍾意　今次呢個粉盒就不過不失啦　效果唔差但都無咩特別　勝在包裝夠靚