nataliewy1996

雖然價錢真係貴左啲，但隻味好香我好鐘意，另外呢個天氣真係好需要保濕，推開唔會痴笠笠咁，另外可以護埋甲我覺得幾吸引，所以就算貴啲都ok。

同cocacola crossover好有新意，個樣都好靚，顯色度高都唔乾，持久度都好好，但有一浸我唔係好鐘意既味，除左呢樣其他都算係ok既。

五分係比個外表!!!ryan真係超級得意啊，cushion就都係偏白，好多韓妝都係咁，質地都唔乾既冬天用好方便，一盒搞掂，不過不失。但最吸引始終係個樣，未必會回購呢個產品。

一打開既時候真係有陣微微既鋒蜜味，但就唔係話好天然，但勝在價錢平同精華感覺上夠多，敷落去好保濕，再加上小小鐘蜜味感覺上好潤咁，所以都尚算ok。

係Innisfree我基本上淨係用綠茶系列，呢支我當精華咁用，價錢又唔貴但又好好用，好易推開同吸收，仲有陣綠茶香味，cp值超高。

之前有折見而家咁乾燥就買黎試下，質地唔笠易吸收，唔會話搞到個枕頭痴笠笠咁，搽上去會有種好滋潤好保濕既感覺，so far用完之後係真係有效！

買呢個係比啲YouTuber吸引到，啲色都出得幾吸引，搽上嘴都夠潤同顯色，最鐘意呢啲二合一既產品啱我呢種懶人，買左之後都有成日用。

一向幾鐘意呢隻牌子，貪佢感覺上夠天然，隻蚊怕水幾work，味道帶啲檸檬草味無以前用開果啲咁難聞，用得都放心，所以會keep住回購。

超級鐘意洋甘菊，見到引唔住買左，個樣幾得意都幾香，用落都ok，都係lush一貫既感覺同質素，送比人或者自己用都ok，幾清新。

有朋友送左支比我就試下，質地好輕薄，搽左上去感覺上都無話塞毛孔，防曬力都ok，使用感覺良好，但價錢真係幾貴，同等價錢可以已經買到啲更加好既防曬。

原先諗住係曼秀倫敦出應該好似之前果隻有色潤唇膏咁好用，見佢今次有出幾隻色咪買支試下，但個感覺係勁失望，搽落色就ok既，但真係好乾，完全無潤唇膏既功效，用過一次就無再用。

我啲皮膚好容易乾燥，嚴重起上黎會甩皮等等，所以一到冬天想懶都唔得，所以就會用呢個牌子既產品黎舒緩，質地雖然係有D立，但好保濕！所以已經回購左好多支，一到冬天就會簡翻curel黎用。

之前有特價果陣買，一拎出黎感覺上好清新好似好天然滋潤咁，敷落保濕度好夠，當普通補水mask係絕對夠，其他功效就唔太明顯感受到，塊面膜除左薄左啲其他都ok。

其實我都幾鐘意花露水陣味，但平時果啲實在係太大支，呢支就啱我了細細支好啱擺係袋，花露水防蚊蟲真係好有效，加上呢支真係好方便！

呢隻產品以前有一排好hit，撕落黎果下真係會見到好多黑頭，感覺上好治愈同好乾淨，但因為聽人話用呢種會令到毛孔變大同好傷，所以之後都係用mask清，但如果急救用都ok的。

呢隻止汗劑隻味幾清，噴完之後都真係乾爽左，都叫做冚得陣汗味，所以一直以黎都回購左好多支，好啱我呢啲好大汗既人，話曬女仔如果好大陣味都真係好尷尬。

一向都鐘意桃味既產品，呢支潤唇膏幾香，隻味唔算假，至於上嘴都唔笠，可以改善乾到甩皮既情況，不過最吸引當然係隻味啦～

肌研啲野不嬲好用，近排香港入秋超乾，用完呢個之後塊面成個舒服左好多，最緊要係價錢唔貴，cp值高，會keep住用呢個牌子既野！

因為屋企人好鐘意呢個牌子，所以我細個都係用呢個牌子，但其實覺得無乜用，頭髮一樣唔順頭皮都無少過，所以之後轉左就無再用過，唯一優點可能真係平。

之前用過原味，即係牛奶味果隻，隻止汗劑噴出黎真係同沐浴露隻味係一樣，好香，勁似沖完涼?止汗效用就無乜留意，不過不失啦，但真係好鐘意隻味?