vgvgvg

成分有硫磺同果酸，可以好快速地消滅暗瘡。而且有少少膚色，可以當埋遮瑕膏遮住粒醜怪嘅暗瘡。但味道比較攻鼻唔討好！

呢支精華油用完之後，會發現皮膚變得幼嫩左，毛孔收細左。如果有新形成嘅暗瘡印，佢亦可以好快幫你修復返。價錢唔太貴，因為每次用一兩滴就夠。

如果你長期面紅紅到似關公，可以買呢支做base。因為佢有舒緩作用，而且係綠色，可以調返面色做正常膚色。但我唔係成日面紅所以唔回購了。

呢支面霜係Dermalogica保濕系列之中最補濕嗰支，質地亦係最滋潤。依家我追求抗老，都唔會用佢搽面，我會買美容院裝（177ml）用黎搽身。

搽完十秒都唔洗就勁痕，我洗都洗唔切呀。洗完塊面都係紅曬，我用Dermalogica嘅野幾乎冇過敏出現過，唯獨呢支野會咁！

呢支眼霜係skin tone顏色，又有少少閃粉。我唔係用黎做眼霜。除左眼肚位之外，我仲會用佢搽落鼻樑上做光影，超靚超自然！

Dermalogica爽膚水之中，我最鐘意呢個系列。除左做到一般爽膚水嘅補濕，仲可以去黃tim，因為佢入面有好多抗氧化成分。

呢支野又係伏伏地，明明佢叫firming booster，但用完完全冇firm嘅感覺，好似同未用之前冇咩分別。但佢寫明可以搽眼，如果cheap cheap地當佢係打底眼精華都可以既。

唔會特別建議買呢支去角質。如果同品牌，我覺得密密用酵素洗面粉會經濟又實惠d。如果要求高d，我情願你買同品牌age smart系列嗰支。

基本做返補濕嘅眼霜囉，唔好諗住會有咩其他功能，如果係二十歲出頭，用呢支都已經足夠咖喇。女仔好易老，眼紋更顯老，早用就早預防。

好鐘意呢支眼霜，質地好易推開同吸收。而且滋潤得黎又唔笠，唔會生油脂粒。最重要係可以減淡眼紋，但有微量維他命A，有d人未必受到。

如果鐘意用洗面奶洗面嘅話，呢支係一個唔錯嘅選擇。但我自己偏偏鐘情有泡嘅洗面，所以我對呢支完全冇興趣，係之前做facial嗰到用過下黎洗面。

一敷上面就抽乾曬皮膚上面嘅水分，但我又唔覺得深層清潔到，完全係一個伏黎既。我覺得佢係Dermalogica所有野最唔掂嘅product囉！

一般平時咁樣嘅保濕爽膚水，但Dermalogica呢個品牌嘅爽膚水，我鐘意age smart系列嗰支多d，因為嗰支除左保濕仲可以去黃。

雖然我係敏感肌膚，但呢支洗面實在太過温和，我覺得好似洗得唔夠乾淨咁樣。好彩試左旅行裝先，唔係我實唔用，咁就真係好浪費。

呢支洗面我建議夏天先好用，因為一上面就涼到你醒曬。如果冬天用應該會崩潰吧haha控油效果一流，我就鐘意敷五分鐘先洗，效果更好！

敏感發作時用過佢，舒緩作用不大。但又唔夠同品牌嘅skin hydrating booster補濕。我覺得呢支精華好雞肋，唔知搽佢黎做乜。

用完有舒緩到我嘅濕疹問題，但由我係全身大面積濕疹，就算買佢嘅美容院裝都好快用完，性價比低。如果只係面部有需要都可以一試。

佢係Dermalogica嘅皇牌產品，補濕度都唔錯，除左b5同透明質酸，仲加左海藻。但可惜質地好快吸，我用得好快，計落都幾貴！

雖然呢支面膜比較滋潤，但油淋淋我唔太鐘意。敷完十分鐘，塊面好似比膠水漿住左，水洗完效果一般。唔會再回購lu！！