piggycherry

今次試既呢支唇膏係來自西班牙既品牌3ina, 其實佢係讀Mina呀 本身我唇係毫無血色系列，505色係豆沙色，好接近自然既唇色，唔誇張，反工都絕對冇問題，唔使太紅啲同事會問長問短，平時搽下紅啲啲既唇膏啲同事又會即刻問你去邊，其實搽唇膏可以係純粹想精神啲唔一定有約既...any肥，呢個色係好自然既～因為呢個牌子最近都好熊火火，之前睇產品介紹，話佢搽完冇唇紋又好velvet, 我已經即係叮叮叮，試完之後都真係冇顯唇紋，因為我咀係超乾，成日搽到一條條好唔靚，但Mina呢支又真係冇呢個問題，初時開黎睇我以為佢係glossy 痴立立個時，但原來真係唔係！搽左上唇之後佢會變霧面，Mat得黎又唔乾又自然，價錢唔貴，又有呢個quality, 我覺得絕對可以同大牌相比。 後記：我本身膚色係Tank tone, 搽豆沙色都好顯色，因為黑皮膚其實nude色唇膏係死敵。另外朋友仔係白皮膚，一樣都carry到呀～

由於Dermastir ampoules 一盒裡面有EGF 同 Vitamin C ampoules ，我梗係唔會放過呢個機會啦hehe~ 上回講到我用完EGF精華傷口已經癒合同修復左好多，咁跟手就梗係要去印啦，大家都知vitaminC對於淡斑淡印都好好，咁由於（touchwood） 貪靚車車冇斑斑，但就有好多印，所以對我來講都係有用處架～貪靚pizza面車車同樣係一支夠用2個早晚（可能你地會仲襟用，不過我用skincare從來唔慳?），用左兩日，啲印都有淡左少少，咁當然唔會話一野就冇晒啦係咪～VitaminC精華，個質地好薄身，個味道仲令人好舒服，陣陣檸檬橙橙味一路搽一唔聞住個感覺好好，我宜家仲keep緊繼續用vitaminC精華，等啲印再淡啲呀❤️ 想睇返EGF精華介紹可以去： https://critiques.she.com/product/info/ampoules-egf-oligo-peptide/38180/review/69309

對於貪靚的我，EGF呢個成份我絕對唔係第一次聽同試，以前一直都有用anti-aging既產品做預防衰老，但其實因爲皮膚年輕，所以唔會有太明顯既效果。而對於今年已經是29+3既我，反而更適合用呢類產品，正正因為EGF-表皮生長因子，可以延緩衰老，更加可以修復傷口、促進細胞更生加速代謝，咁岩用呢支產品之前去左針清，所以真係比較多傷口，效果亦都更加顯著。唔好睇呢支ampoules 個子小小，Cherry塊pizza 面都夠用2個早晚，質地杰杰地但唔立而且仲吸收得快。我覺得好適合宜家開始乾燥既天氣，不過我自己就略嫌個味道有啲香，但整體感覺都好好的，咁岩我塊面損左好多傷口，用左EGF精華真係癒合快好多呢。 ❤️溫提大家，記得打開精華既時候要小心玻璃呀❤️