KikoC

有陣時係屋企針清完之後，成塊面都會紅曬又腫曬！攞爽膚水抹完再厚敷呢係面膜一流，敷20分鐘左右就已經好明顯降曬紅，最好平時放佢係雪櫃效果仲好

保濕度真係好好，搽完塊面都好吸收又水潤，質地易推唔笠，可以重覆係乾嘅位置搽多幾次，味道又唔難聞，敏感皮膚嘅我都啱用

本身我個人係超級敏感底，呢幾日準備打風啲空氣勁污糟，搞到塊面痕到爆又乾，雖然呢支係潤唇膏，但係佢搽敏感皮膚係一流，因為咩都唔用得，唯有佢先救到我T.T

乳木果嘅大熱狂迷又嚟啦，一見到唔使諗，即買！唔算太軟身，所以都要搽多幾下先夠潤，個味都夠香，唔算濃，亦都唔會好香料feel！不過性價比就。。爭啲

屋企人經常食煙，有陣時放工返到去都會聞到好勁煙味，點開大啲窗吹都好似散唔到陣味咁，用呢個周圍噴幾下，好快陣煙味就已經冇咗。。Good

呢個花香味嘅香水真係好清亦都好有層次，最開頭聞個味偏甜，但係好快會跟住體味同體溫嚟轉個味道，不過好快就會散曬陣味

我不嬲都好中意男士噴香水，不過奈何好多古龍水個味都會好刺鼻同誇張濃，呢個係淡淡嘅香味，聞落去個感覺好安全好舒服，Nice

個香味令到人聞到已經好放鬆，我都買咗支放係間房度，有陣時失眠訓唔著都可以打開個蓋等陣味包圍住間房，令自己更容易入睡

個沐浴露清潔度都乾淨，又易洗，唔會話捽好耐都清唔乾淨，倒出嚟個陣已經聞到個香味，聞落去亦都會令人好放鬆！雖然貴，但係值

成set買的確平好多，但係單買價錢就真係有啲貴，始終佢除咗夠香同埋個味好清之外，止汗功能個啲同普通止汗劑差唔多，性價比就唔太值

佢細細支可以擺係手袋度隨時補，佢個玫瑰味又清香，唔會話好似廁所個啲玫瑰香精咁，因為有好多玫瑰味香水都會好假好難聞，佢絕對唔係個隻

個質地好易推，又好吸收，的確幾水潤嘅！又有淡淡嘅香味，朝早沖完涼搽再噴埋個香水，仲keep到成日，真心推介！絕對係懶人又貪靚之選

呢個朋友用過，話成set買有折我又貪得意就走去買咗嚟用，佢呢個可以直接噴落個身度，搽埋佢個潤膚霜陣味keep到成日，又香又唔濃

係唯獨呢支香水咁鬼貴，又難買到，我死都要抬朋友出國幫我搵返嚟xD呢個我上次係專櫃個女仔比我搽咗少少係手，佢會慢慢轉味，勁有層似

雖然佢啲香水樣好似支支都差唔多，但係呢支個花香味真係夠清又香，一聞就愛上！搞到我試完上手之後念念不忘，最後都係返轉頭買咗支

呢個牌子嘅香水一向都出名淡淡嘅香味，唔會話好濃好俗，加上佢包裝勁靚，我每年都會買一支比我個好姊妹做生日禮物，因為佢同個牌子同名xD

筆裝真係好方便, 上妝前可以輕輕印幾下上去, 就已經好同貼, 又可以幫手遮下D黑眼圈同眼紋, 易上妝好多又靚, 細細支唔化妝既話都可以擺係手袋拎出街, 隨時都可以補

其實講真, 好用就真係幾好用既, 不過價錢真係好貴囉, 佢劃上去好輕力就已經上色, 又唔會話劃出黎個效果好唔自然咁! 佢仲係兩隻色可以頭尾分返開黎劃

話明膠原就梗係女人必需啦。。不過始終一試上面都比較偏笠，搽完好耐塊面都仲係會痴住啲頭髮~_~就算幾保濕都冇用囉。。

同普通落妝水差唔多，可以落到底妝防曬個啲，不過彩妝真係唔得，可能太過柔和xD搞到落3~4次先勉強叫做落完妝，如果眼訓個陣唔建議用