Reviews Blog

Reviews

Dr.G

pH Cleansing Gel Foam

卸妝潔面凝膠
“ 洗係洗得幾乾淨，同埋真係唔乾，不過事實上係冇可能起到佢廣告入面講到咁多泡，除非你用起泡網 ”

Sisley

Floral Toning Lotion

花香潤膚水
我用緊嘅係Sample，用咗2次之後好慶幸自己冇買到貨裝。首先佢陣香料味係勁重，上佢官網Check的而且確搵到Fragrance (Parfum)呢個成份，仲要係排第7。最慘係陣味好Old School完全唔好聞，有少少似係上咗年紀嘅女人會噴上身嗰陣花香味，一啲都唔清新，一啲都唔天然，一拍上面嗰陣味撲鼻而來真係唔好受。之後就係佢勁刺眼，所以要小心唔好整到落隻眼度，一入眼你就要合埋眼大概2~3分鐘先會冇事，我用過咁多隻Toner都冇一隻會刺眼到咁，平時瞌埋眼拍晒全面都冇事，係唯獨呢一隻Toner一入眼就會痛到飛起。最後就係我覺得佢嘅保濕能力冇其他人講到咁好，10分入面我會畀5.5分，衰啲講句，唔好講High-end Brands啦，連Drugstore Brands好多Toner都比佢更加保濕，成份仲要更加乾淨，呢個價錢我真係冇可能會考慮買佢。PS. 完全唔明點解呢枝Toner會Target畀敏感肌用，香料又重又刺眼。

Giorgio Armani

ECSTASY LACQUER

“ 一開波就講咗佢兩大缺點先，第一點係佢陣味太強烈，唔小心食咗落口會好噁心；第二點係佢始終都係太Sticky，只要一隻Lip Product係黐口，我都會認定佢唔係一個好嘅Lip Product。 咁佢英文官網聲稱呢隻Lip Gloss係會有Stain Effect，如果就呢個效果嚟畀份，我會畀4.5 out of 10，因為我搽咗一陣再抹走佢都只係得返少少色。 而官網聲稱嘅Long lasting hydration我都唔係太有實感，啱啱上完你會覺得個嘴好似好潤，但係嗰種感覺只係你舖咗層油上個嘴度，實際上佢唔會畀到咩保濕效果你，所以好快都係會乾返。 唯一一個抵讚位就係佢點上都唔會Patchy，上得好均勻，同埋Shade range都算幾大，但係我始終覺得同價位仲有更多更好嘅選擇。 ”

Crabtree & Evelyn

Evelyn Rose Satin Hand Cream

緞光絲滑護手霜
咁個名都講咗係Satin Hand Cream，所以我都預咗佢會係清爽少少嘅Satin Finish，點知用完覺得完全唔滋潤，隻手摸落唔柔軟，保濕力欠奉，仲要而家先係秋天，冬天我完全Foresee到呢隻Hand Cream搽完隻手唔夠2~3個鐘就會乾返。咁講返陣味，陣味同佢隻Luscious Shower Milk係Exactly一樣，係一種偏Spicy嘅玫瑰味，Basenote有木味加少少白胡椒嘅感覺，都算係幾好聞。不過講返佢個Packaging又係出晒事，因為佢唔係典型開蓋唧出嚟嗰隻，佢係有個托盤，要扭開佢再唧出嚟用，次次用完都會搞到個蓋勁污糟，所以平時都要打橫擺，唔可以打直擺，因為驚啲Hand Cream會Hi到周圍都係。以結論嚟講用完呢枝我唔會再回購，成枝Hand Cream淨係得香味可取，滋潤度不足用落又唔方便。

KOSÉ

ESPRIQUE Juicy Cushion Rouge

1+
咁我手上呢枝就係#BE390嚟，其實隻Shade幾日常幾易襯。不過我真係嫌個海綿頭唔太衛生，首先用多幾次個頭就會勁污糟，有時仲會Hi埋落個蓋度，用得耐又驚海綿頭入面會儲埋好多細菌，想洗又唔知點洗好。咁講返佢個Texture，佢算係比較厚重嗰隻嚟，即係搽完你一定會Feel到有嘢喺個嘴上面嗰隻，但係相對地佢都有返咁上下嘅滋潤度，至少個嘴真係Keep到柔軟同埋真係做到個光澤出嚟。不過其中1個Drawbacks就係佢對乾唇唔係太Friendly，佢雖然係滋潤，但係同時佢又會Cling to dry patches，會搞到個嘴有幾忽特別深色，所以乾唇人士用佢之前真係要做足Lip Scrub去一去死皮先得；而另1個Drawback就係無論你搽完幾耐佢都會留唇膏印，無論你飲嘢食嘢定係用紙巾印佢，都一定會留唇膏印，留吓留吓慢慢就冇晒色了。Hence我覺得佢唔係1枝適合日常用嘅唇膏，因為你要個嘴唇嘅Condition非常好，出到嚟嘅妝效先會靚，而且平時食嘢飲嘢又要好小心，所以而家我都擺咗喺度冇用了。

Clarins

Water Lip Stain

鎖色彩繪唇水
1+
咁我手上嗰枝係#07，望落係Cool Undertone偏紫嘅Shade嚟。以Lip Tint嚟講呢隻都唔算係太Pigmented，其他牌子多數點幾點再Blend開就好夠色，呢隻要掃晒成枝Brush先會夠色（我本身已經係唇色淺嘅人，素顏面青口唇白嗰隻），咁樣嘅好處係好易就掌握到你Ideal嘅Intensity，壞處係好快就會用完1枝。Application好順滑，完全唔顯唇紋，著色亦都好平均，唔會一忽深一忽淺，而閃粉效果都唔係好顯眼，勁近睇先會見到少少。咁佢係一種偏透薄嘅Gel-like Texture嚟，大概要幾秒先會乾，所以好易Adjust同埋好易Blend開，唔會話乾得太快你Blend唔切。對我嚟講呢隻Water Lip Stain唔乾亦都唔保濕，冬天用嘅話我一定會敷定唇膜打底。不過我就唔覺得佢有其他人講咁Long Lasting，因為我喺自己Wrist位做過Swatch，等10秒之後用紙巾抹走佢，都唔覺得有留到啲咩色（見圖），我手上其他Lip Tints都做過呢個Test，大多數都Pass到。

Yves Rocher

Shine Rinsing Vinegar with Raspberry

木莓亮澤髮醋
“ 首先呢隻味真係香，清新微甜幾Girlish，用完個頭隔2日都會Keep住香噴噴，同埋Feel到頭皮真係清爽咗好多，平時我洗完頭第2日都已經開始會有少少笠，用咗佢3日唔洗頭都冇乜問題。 咁因為佢係100%流質，所以我唔會倒落隻手度，會流到周圍都係，我會直接倒落個頭度用。另外其實佢唔係好大枝，所以好快就會用晒。 ”

TAKAMI

煥膚清透身體啫喱
“ 我覺得呢樽啫喱比較啱Normal To Dry Skin用，因為佢啲果酸真係好溫和，同埋有加入杏仁油同尿囊素呢啲保濕成份所以都幾滋潤吓，不過等佢俾皮膚索晒之後就會變到好乾爽，所以腋下同埋後頸呢啲長期up住嘅地方都用到。 搽完係會即刻有種平滑感，皮膚摸落都會柔軟啲，但係佢真係太溫和，所以如果你係想用佢嚟舒緩毛孔角化症就冇乜可能，普通用嚟搽啲色素沉澱嘅地方係OK的，例如係手爭同腳爭咁，不過唔好預你會好快見到個效果。 同埋我都唔建議油肌甚至係暗瘡肌用呢隻啫喱做去角質，首先因為佢對你嚟講可能會太笠太滋潤，同埋以佢嘅溫和程度嚟講我覺得對你嘅角質唔會有咩效果，所以唔好諗住佢會可以幫你舒緩到Body Acne。 而陣味我覺得唔算香亦都唔算臭，就係果酸嘅味道，聞落都幾乾淨。佢個Texture係濃稠嘅半透明乳白色啫喱嚟，都幾Rich吓所以每次淨係用少少就夠推好多地方，好鐘意佢送埋個匙羹仔畀你用，咁樣用落衛生好多。 如果你唔介意效果慢，又想去角質又怕乾或者傷皮膚嘅話呢樽啫喱就好啱你用，同埋我自己都有用過落生濕疹嘅地方，搽完都冇話會Irritate到我痕，所以我敢講呢樽啫喱連敏感肌都啱用。 ”

Belif

Aqua bomb jelly cleanser

斗蓬草炸彈潔面卸妝啫喱
“ 首先講一講我係混合肌，夏天就混油，冬天就混乾咁。呢隻cleanser我係當daily cleanser嚟用，咁佢嘅texture係透明啫喱質地，味道聞落幾清新，用咗咁耐都冇話會irritate到我塊臉啲濕疹，真係幾溫和。佢起泡能力算中等，我用過比佢更多泡嘅cleanser，亦都用過比佢更少泡嘅cleanser，根據泡量多少其實可以睇到一隻cleanser嘅潔淨能力係點，而呢隻cleanser嘅定位我覺得算係中間，好處係唔會乾，一般膚質都啱用，壞處係唔啱油肌痘痘肌用。我而家冬天都係用緊佢，但係用完都冇話會乾，洗完塊臉係feel到幾乾淨，但係唔會有種扯住扯住嘅繃緊感覺，塊臉摸落係幾軟滑。但係夏天出汗多出油多嗰陣用佢會覺得有少少洗唔乾淨嘅感覺，一係就要double用量，一係就要洗兩次先得，其實問題都不大嘅。 ”

ADDICTION

Nail Polish

指甲油
“ 用過咁多種指甲油呢隻真係算快乾，同埋佢個texture比較薄身，流動性比較高，所以好易控制個用量同埋搽嘅範圍。持久度都好高，就算成日做家務同埋大大力R痕都唔會點甩到一岩一忽，同埋我好鐘意就算搽住076S成個禮拜，手指甲都冇話會變黃，呢隻shade都幾深吓正常嚟講點都會食到少少入指甲，但係我搽完係一啲事都冇。一般使用嚟講基本上搽2個layers已經好夠色，同埋我好鐘意佢個finish出到嚟好有透明感，類似gel甲嘅感覺，所以就算你搽啲大紅大紫嘅shades睇落都唔會話太實色，搽nude色系嘅睇落仲會更加自然。 ”

Laura Mercier

Tres Riche Hand & Body Cream

法式甜點手部及身體潤膚乳套裝
1+
雖然話係Hand & Body Cream，但係我都係用嚟搽手多，因為咁細支如果用嚟搽晒全身應該一個禮拜就會用晒。咁一盒入面有四種口味，我目前淨係開咗支Ambre Vanille嚟用，首先陣味一搽開你會覺得超甜，真係好似甜品啱啱新鮮出爐咁甜，好彩等多陣dry down佢陣味會淡咗好多，變咗一種好warm好柔和嘅微甜云呢嗱味，呢陣味都幾治癒吓我都幾鐘意聞。咁講到個texture佢係偏厚少少，不過又未到油膩嗰種，優點係好滋潤，親膚度超高，絕對唔會留一層油喺皮膚上面搞到你覺得隻手痴笠笠，亦都冇任何殘留感，當佢吸收晒之後你會覺得隻手真係軟滑咗好多，啲細紋都冇咁明顯咗。不過因為佢偏厚少少，所以都要返少少時間吸收。用量方面我每次大概要唧2cm嚟用，天氣再乾少少可能會唧到3cm，我諗一支應該都用到一排嘅。Overall嚟講呢支cream滋潤得嚟真係唔笠，我覺得春天同秋天都好啱用，夏天就要視乎情況啦。

Melvita

Argan Concentré Pur Organic Youthful Oil-Serum

有機堅果立體素肌精華油
“ 我自己平時都有用過好多牌子嘅argan oil，Melvita呢支油好明顯係watered down version嚟，滴出嚟已經見到係比較稀身，望落亦都唔係典型argan oil嗰種金黃色，而係淡淡哋嘅小麥色，不過聞落都幾香。佢個texture真係超輕薄，夏天用呢支油都絕對冇問題，滋潤程度都有，雖然要畀少少時間佢吸收，不過吸收咗之後真係會melt into my skin，親膚度高又冇殘留感，絕對唔會油笠笠，不過喺而家氣溫15.1°濕度42%嘅香港用就真係唔太夠力，始終佢真係太薄身，乾肌用好快就會乾返，所以一定要溝其他嘢嚟搽。佢同其他products個compatibility都好好，我試過用嚟溝面霜同溝粉底都溝得好均勻，冇話會分離或者起屑。其實呢枝油好啱喺咁濕嘅香港用，如果你係normal skin嘅話我覺得呢枝油會幾啱你，可惜我真係太乾。 ”