ccbunny45

四樣產品我最鐘意就係gel cream 雖然佢質地係好水狀 但搽到上面後 你會覺得塊面吸收緊之餘 仲好似有屏障留向你塊面咁 呢個就係gel cream嘅最大賣點 可以做到由內到外嘅深層長效鎖水 真係岩曬我呢d皮膚長期缺水嘅 用好多所謂有鎖水功能嘅面霜但好快就已經好乾 真係好滿意b.glen嘅gel cream

呢支C精華液感覺好特別 搽左上塊面 你會覺得d精華係會發熱 放心 唔係真係好熱嘅 唔使按摩塊面都會自動幫你滲入去皮膚底層 至於質地方面都係呈水狀 每次用2cm嘅份量就已經足夠用向全面 我自己仲會重點搽下暗瘡印 用左幾日 暗瘡印印的確有淡到 真係令我好意外 估唔到係咁work

洗完面就梗係要用化妝水啦 可以軟化返d皮膚 令之後用嘅護膚品更易被皮膚吸收 b.glen嘅化妝水一推開感覺好水 亦都有滋潤嘅感覺 但唔會令你覺得塊面好黏 以為佢係Lotion狀應該唔會咁快吸收曬 但跟埋建議用雙手輕輕按壓成塊面 我塊面就成塊面就充滿水份 好似泵左一支500ml樽裝水去我塊面咁 連續用左幾日仲覺得塊面比之前更有彈性

用完b.glen Clay Wash我覺得塊面真係好乾淨 平時用其他洗面乳我都要用兩次先覺得乾淨 (如果要卸妝我應該唔只洗兩次面) 但我用b.glen一次就搞掂，夠曬方便 之後摸自己塊面係覺得好水潤 皮膚完全無繃緊嘅感覺 同埋呢款潔面乳唔覺得佢有咩味道 因為佢係用左天然礦泥粉 就算我混合偏乾皮膚都唔會覺得乾 如果香料容易令你皮膚敏感嘅話 咁呢款洗面乳應該可以幫到你