Karen Cheung

係我近期好鍾意用嘅cushion！佢嘅妝感係非常透亮，白得嚟好自然，完全做到韓妝嗰種光澤感妝效！出咗半日街，都好貼服冇乜卡粉嘅問題，持久度唔錯。coverage就比較低，要另加遮瑕膏。不過真係好鍾意佢個粉撲！水滴型設計，上粉喺眼周同鼻翼位都方便好多！

一向好怕搽matt嘅唇膏，因為本身個嘴唇都容易乾同甩皮。但呢隻唇膏個質地真系好驚喜！搽咗上嘴係一啲都唔乾，而且搽嗰陣係超級順滑又唔顯唇紋！呢隻磚紅色亦都係秋冬必備嘅顏色！包裝同磁扣嘅設計都好有質感。

#Right Around 乾燥玫瑰色系，好啱秋冬用，呢幾款顏色搽上眼都唔會好浮腫。我隻眼容易出油所以持久度就一般，但勝在一盒有齊三隻色，夠方便，要做漸變眼妝都好容易 !