TiffanyC97

至於FAB柔膚提亮去角質潔膚片我就真係第一次用~其實佢嘅原理就係將爽膚水變成一塊pads咁,方便使用。經過我呢一星期使用,我真心覺得懶人必備!!我平時朝早化妝前我會先用一片抺曬成塊面去下角質,因為我兩邊面比較乾,所以我會另外再用兩塊嚟濕敷,等皮膚更保濕,之後上妝都會更貼服,大家可以見到兩邊面嘅分別,冇濕敷果邊明顯見到有浮粉唔貼服,有濕敷果邊比較貼服同埋望落比較有光澤~ 通常我食完lunch都會用佢抺下面同頸嘅位置,因為始終街上面都有好多塵,加上夏天容易出汗+油脂分泌多左,所以我都會用佢去除多餘油脂。真心推介比大家~佢真係可以去除多餘角質同時均勻提亮膚色，令皮膚望落唔會暗啞冇光!

質地：佢係白色乳霜狀質地,望落有啲似雪花膏,初頭用果陣見到佢質地偏向厚重,好驚佢用係我混合肌身上會好黏笠好難推開,但實際上係超易推開,平時搽完爽膚水同精華之後我會攞適量份量擺係手心搓熱乳化,再搽上面果陣就會變成半透明狀。 清爽度：好surprise!!呢款偏厚重嘅面霜超快被皮膚吸收,用完之後皮膚會有種保濕滋潤嘅感覺但又唔會覺得黏笠,夏天都絕對用得到! 保濕度: 佢可以做到即時保濕,長期使用皮膚仲會變得好穩定,我就咁講可能大家唔信,我做個小測試比你地睇下啦! 本身我皮膚屬於混合性偏乾,搽完面霜後水份即時上升左,由51%升到73%,其中51%係我夜晚搽完再開成晚冷氣第二朝出嚟嘅效果,就可以見到保濕度last足成晚! 透過水份測試機測試可以見到FAB面霜的確做到深層保水,令皮膚keep住飲飽水~