dreamcomestrue

第一次試用TOO COOL FOR SCHOOL白滑雞蛋提拉緊緻面霜，效果好即時，即刻FEEL 到令肌膚白滑緊緻，同埋好滑，好有firming ga感覺。

SUR PUR 白鑽修復面膜 係質感方面，好柔軟同水潤，好容易推開至面，避開眼周肌膚。我一次就用晒3ML, 因為呢排比較乾，想敷厚D, 因為CREAM MASK 係甘凍嘅天氣下用都NO PROBLEM! 敷左15分鐘左右，都吸收得好快，好清爽。用清水洗面，洗完之後感覺到FIRM 左。不過我明白要持續結實係要持久使用。記得唔好用熱水洗面, 係好傷皮膚架! 即時效果都好明顯，睇到面部柔軟左，FIRM 左同埋有透白光澤。其實仲可以用埋係頸，只可惜3ML 唔夠。呢隻MASK 係用以鑽石為主要成份，高效抗氧化同埋可以加強血液循環及治療皮膚的能力！ 我係有少少敏感肌膚嘅, 所以有時用D 唔太岩自己嘅護膚品會有D乸。對於 SUR PUR 白鑽修復面膜，我塊面係無任何過敏，冇紅冇痕冇乸。成份都比較天然同溫和!

好好彩有得試用最新推出嘅SKII護膚精華油，真係時間岩岩好，唔遲又唔早。呢排甘凍，有日仲得2 度，皮膚真係適應唔到，真係DRY 到爆。 一直都未試過用facial oil, 因為用油護膚比我嘅感覺係，應該會搞到塊面好油，睇落好似出晒油甘，會好令。岩岩試左skii 護膚精華油之後，確實令我有所感受。 首先，用之前搖下個樽，令精華油與PITERA™ mix 埋一齊。 然後，倒5-7滴於手心推開，塗勻全臉之後輕輕按摩等佢吸收。我平時會先用神仙水先，之後先再用精華油。我覺得搽上面個陣係感覺到少少真係用緊油，等大概一分鐘，就吸收晒，滲透力好強。而已覺得塊面好滋潤，皮膚軟軟滑滑甘，但係好清爽，唔會有一種lup 痴痴嘅感覺。成分除左有油之外，仲有PITERA™，可能令到修護效果更加理想。然後我會搽番cream 就完成成個護膚程序。 用左2個星期，好明顯見精華油做到深層滋潤肌膚，同令肌膚回復剔透亮澤。同埋，我覺得d 細紋減淡左少少。 我開頭有擔心過用d 甘滋潤嘅產品會唔會令塊面出粒粒，我試左2個星期之後，每日用2 次，都無因為有精華油而引致生粒粒，呢點令得好驚喜。 係時乾時濕嘅天氣下，我都冇甩皮，而已仲好滋潤，我真係好滿足。因為皮膚夠滋潤，所以都有卡粉問題出現。 我見呢排甘凍又乾，我每日都有搽少少係頸，因為頸係會出賣你年齡嘅秘密。 同埋真係要提一提，雖然成千蚊一枝，但每次用幾滴，都可以用好耐，計落每次用嘅cost 都好低。

SKII 護膚精華 , 即係我地成日叫嘅神仙水，佢係一枝精華產品!真係要記住佢係一枝質地似TONER, 效果係精華嘅護膚精華。 我一直都想試好耐, 特別係出黎做野之後更加想試, 因為成日聽到COMMENT 係用左就番5到轉頭架喇。 我終於試到喇! 係第一日D 毛孔都幾明顯, 再ZOOM 大D張相，原來都幾粗大=( 而且仲會睇到有少少紅膚色不均甘。我就跟指示用化妝棉沾取適量嘅精華，然後輕輕拍面一分鐘，皮膚真係吸得好快，之後再摸下塊面，好清爽，唔會痴LUP LUP。另外，我翻轉化妝棉另一面係我好想改善嘅地方再敷一陣，我多數敷係毛孔粗大嘅位置上。 我用左7 日之後(早晚都用)，好明顯係見到毛孔雖然仲有，但真係細左，同埋膚色不均嘅問題係徹底有改善! 亦因為毛孔細左，更加突顯到皮膚緊緻左，同好有光澤，睇落比較健康同飽滿。皮膚健康左同膚色暗淡問題得到改善後，個人睇落真係YOUNG D! 無話睇落個樣好攰唔夠精神。 我係第一次用神仙水，雖然只係用左好短時間，我都覺得保濕護膚效果一流! 係好容易就令你皮膚乖乖甘吸收而且好快見效。同時，由於皮膚有足夠水份，所以出油都少左，油脂分泌平衡番!

我相信只要努力護膚，皮膚係會愈黎愈靚。護膚品唔同醫美，要需要持續使用先可以見到最大效果。 連續用R.N.A.立體緊緻精華霜2 星期, 每日2次。質地係GEL 同CREAM 之間，推上面時覺得好滋潤，好容易推，用少少就可以推全面。 保濕方便，容易吸收，滲透力都好強，幾個鐘係冷氣地方都唔乾。呢排天氣一時寒又一時暖，同埋都比較乾，平時個鼻一定甩皮，今次冇，可算係我最大收獲。 另外，我多數用完精華霜後再上粉，十分貼面，呢個係值得一讚。 用左10日之後覺得塊面FIRM 左少少，輪廓緊緻左，睇落冇甘多乾紋。雖然未係好明顯，但都可以睇到少少蘋果肌提升左DD。**我本身真係超DRY, 成日甩皮，可能因為甘，只要用D 保濕成份高嘅產品都會幫助到減少乾紋。 希望用落去可以見到面部線條出番晒黎LA! 我都想靚靚甘過CHRISTMAS!

RMK Airy Powder Foundation 全新輕透無重粉餅 用後感 本身係個好易出油同毛孔都比較大嘅人，平時化妝番工，未到lunch 都好多油，但補粉呢.... 又好易見到浮晒粉。成日都比人話我唔夠水份，我都唔知點先夠水份，明明保濕做到好足，但仍然係睇落好乾，好難上粉上得好滑好貼。所以，我都開始睇中醫，希望有改善la。 係內在變好之時，都好靠外在。特別而家轉季，皮膚係適應嘅過渡期，呢個時候，一個合適自己嘅粉底係好重要。最近，試左RMK 嘅輕透無重粉餅，我覺得滿足到我對粉餅嘅要求，就係貼薄、遮瑕、保濕同幼滑! 首先，我好懶。唔鐘意係甘搽野上面，所以有SPF25 PA++ 對我5黎講係好好! 重點黎喇，上左粉究竟係點呢？因為我本身皮膚最大問題毛孔粗，我今次冇用concealer，直接用foundation。因為粉本身粒子都好幼細，上粉效果都唔錯，可以遮到8 成嘅毛孔，質感輕柔細滑。同時，有好輕盈嘅感覺，毛孔無被焗住塞住嘅感覺。同埋保濕度都頗為出色，唔會見到有乾紋。同時，因為標榜住AIRY，事實又真係有有裸妝效果，但又做到遮瑕功效。我諗如果我想做到無瑕，應該用埋Concealer 就冇問題。 另外，頭先都講到我毛孔比較粗大，而RMK W Sponage 有平滑嘅綿面，係有效遮蓋毛孔同暗瘡印，同時打亮肌膚。 我覺得唔錯。 至於係咪long lasting，我覺得都算係架! 而家都係5,6 個鐘先補粉，先用吸油紙印走面油，吸走多餘油分油嘅位置，然後先再輕輕上粉，雖然係補妝，但都仍然清爽輕透! 近睇仲會見到有閃粉效果架! 我知無重粉餅有2種上粉方法，對於毛孔粗大嘅我就當然用SPONGE 印上去效果比較好。如果想營造空氣感的透薄底妝，甘就可以試下用RMK 100%山羊毛製造的粉底掃，我個人認為個妝係再薄D，但SPONAGE 始終比較岩我皮膚狀態。每個人膚質都唔同，除左揀岩自己嘅嘅化妝品外，合適自己嘅上妝方法都可以將產品功效發揮到最大。

TROMBORG 用途亮彩啫喱底霜 最近第一次接觸到丹麥嘅產品, 而丹麥一向比我嘅感覺都好健康。而家流行用亮彩啫喱，令妝容有閃亮光澤嘅效果。TROMBORG是丹麥式天然純樸的完美化身，而我個人追求天然成份嘅化妝品，因為對皮膚會比較好，所以TROMBORG就岩晒我!我最近試用左多用途亮彩啫喱 Face & Body Shine，同大家分享下啦! 多用途亮彩啫喱嘅包裝實而不華，但絕對係簡約大方，可以清楚睇到入嘅每一粒閃珠。究竟係乜野令到每一粒都甘閃呢? 原來係雲母。我都未聽過, 但係幾有趣。雲母係磺物質嘅結晶體，會呈現出多彩多姿嘅顏色，令妝容閃亮光澤。 同時，其他成份都好天然，唔會刺激到皮膚。包括有澳洲堅果 、 維他命E同甘油 。特別一提，甘油係有助保濕、抗氧化及同柔軟皮膚，所以化出黎個妝都好貼! 當吱左出黎之後，粒狀嘅珠就會轉換成啫喱妝。 首先我重點點係某幾個位再將佢推開，感覺好易推開，同埋好保濕。而且見到閃亮效果，我而家多數會係粉底後使用, 甘樣成個妝睇落都好好光澤。同時亦有助提升妝容嘅層次感! 用完之後可以睇到係閃d 架! 我係第一次用亮彩啫喱呢類型產品，因為一直都覺得" 亮彩" wor, 即係會好閃LA, 所以唔敢買。我一開始個陣都冇PUMP 好多, 因為怕太過OVER, 用過之後，我發現光亮度好適中，而且閃粉好幼滑同細，唔會話好誇張。 係街幾個鐘仍然KEEP 到個妝都仲有光澤而且冇乜油! 仲有多用途亮彩啫喱嘅賣點係多用途! 點多用途法? 可以單獨使用又或者於粉底後使用。 又可以用於顴骨、眉骨、T-zone、雙唇的中心，可突出面部輪廓，添上立體感 ! 又可以亦可用作眼影底妝，令眼影色澤持久 而家有時可能係去附近食個飯，但又唔想化晒妝，我就會用用途亮彩啫喱底霜，可以令面色睇落更加健康，輪廓都更SHARP! 雖然第一次接觸TROMBORG，我對於呢個牌子已經十分有信心同期待，希望其他產品一樣可以為我帶來驚喜!