Janet wong

最近成日洗手又長時間開冷氣，雙手乾到有啲粗糙，所以開始用 GROWN ALCHEMIST 修復護手霜。本身以為護手霜都差唔多，但呢支真係幾有驚喜！質地好輕盈，一推開就好快吸收，完全唔會黏笠，就算搽完即刻用電話或者打字都唔會覺得唔舒服。我最鍾意佢嘅香味，淡淡嘅柑橘同香草香氣，好自然又唔會太濃，每次搽都有種好放鬆嘅感覺。用咗幾日之後，發現手背乾燥同起白紋嘅情況改善咗，摸落去比之前滑好多，指甲邊位都冇咁容易爆拆。睇返成分，有山茶花、葡萄籽同蘆薈等植物萃取，可以幫助滋潤同修護肌膚。對我嚟講，佢唔單止係一支護手霜，更係平時放喺手袋一定會帶出街嘅小物!

最近試咗 GROWN ALCHEMIST 瞬效水光精華，用咗一排真心覺得幾值得推介！我本身皮膚偏乾，天氣轉變或者長時間開冷氣，都好容易繃緊同出現乾紋。呢支精華質地好清爽，搽上面吸收得好快，完全唔會有黏笠感，用完即刻覺得皮膚舒服咗，摸落去更加柔軟細滑。持續用咗幾星期後，感覺皮膚冇以前咁容易乾，妝容都貼服咗，細紋望落冇咁明顯，膚質亦變得更有彈性。最欣賞佢採用全譜透明質酸配方，可以幫助肌膚深層補水，同時鎖住水分，令肌膚長時間保持柔嫩飽滿。