nicole_cyl

Avene 嘅product ⼀向係開價護膚品牌子中嘅高CP值之選。除咗最近新出嘅嘅B3面霜，早個排亦忍唔住買埋新出嘅B3精華試吓。 本身自己皮膚就偏乾，仲容易出油。呢支精華有維他命B3及高低分子透明質酸，可以有效抗氧化，促進膠原蛋白自生。用咗差唔多兩星期呢隻皇牌精華，早晚取一至兩滴塗於面部按摩吸收，用完再配合同牌子嘅B3面霜，明顯feel到皮膚水潤同保濕咗，細紋少咗而且比起之前仲亮白咗。

踏入25歲之後，明顯feel到皮膚膠原蛋白流失多咗，早兩個禮拜入手咗呢盒面霜，用完一排真係覺得有驚喜。佢嘅質地係好輕盈順滑，唔笠好快吸收，仲有少少香味。我自己就早晚都會用，日頭搽完就算坐成日office都唔覺得乾，keep住成日都好水潤。而夜晚我就會係用完眼霜同精華之後用，配合按摩幫助吸收，feel到細紋撫平咗好多同埋皮膚緊緻咗同firm咗，睇咗肌膚都飽滿咗好多，皮膚比起用之前亮白咗一個度。以佢嘅價錢同效果嚟睇可以話係cp值好高??用完絕對會再回購

Christian Louboutin嘅唇膏好用就係人都知，最近發現佢哋出咗隻迷你版唇膏，啱晒啲鐘意用「小廢包」嘅女仔！ 雖然尺寸嬌小玲瓏，但係佢嘅設計同顏色絕對係無可挑剔。佢以品牌標誌性皇牌Rouge Louboutin 唇膏系列為基礎，調配出3種質地，柔霧啞光、水潤緞光、光耀絲滑，可以配合隨意轉換時尚造型！加上唇膏閃亮嘅設計同標誌性窩釘的金環，剩係包裝都已經令人愛不釋手！ 我最鐘意就係金色包裝嘅Silky Satin水潤緞光唇膏Soft Goji 355，顏色偏nude pink，粉嫩得嚟又低調，無論係日常返工定係出街見朋友都好適合！質地非常之幼滑水潤，啱曬我呢啲嘴唇容易乾嘅人士。同時亦非常顯色同持久，朝早上完妝，仲可以last到晏晝，整體效果非常出色！