CatCatSin

質地好似軟雪糕咁滑，陣味係好經典嘅貴婦香，聞落好舒服。我鍾意按摩完唔用水洗，只用沾咗 Toner 嘅化妝棉抹走多餘嘅就算。摸落去塊面軟淋淋，好似剝殼雞蛋咁，嗰種細緻感係其他 Mask 比唔到。

我習慣每晚滴多幾滴做面部排毒按摩，佢個延展性好好，推起上黎好順滑唔會拉扯皮膚。按完之後面色即刻紅潤返，無咁暗黃，第二朝起身塊面會有種好靚嘅『貴婦光』，之後上妝個粉底都貼服好多。

面膜紙係棉質地，比平時用開嗰啲厚身少少，但估唔到又幾貼面，同埋佢真係鎖得住啲精華，唔會滴到周圍係。敷足 20 分鐘都未乾，用剩嘅精華搽埋頸都仲得。不過價錢偏貴，通常趁 SOGO Thankful Week 有折先會大量入貨。