Joyce Wong

女人真係唔可以懶，尤其過咗 30 歲，啲陳年雀斑同埋眼角啲細紋真係好顯老。最近試咗呢支 NIVEA Luminous630 雙效精華，佢標榜可以同時淡斑同抗皺，對我呢啲追求效率嘅返工一族嚟講簡直係救星。佢個質地係好輕盈嘅乳霜狀，好容易推開，仲有一股淡淡嘅清香味，用落好舒服。最驚喜係佢吸收得好快，打後再上妝都唔會同粉底打交。我持續用咗一排，發現顴骨位啲深色斑真係淡咗少少，成個膚色均勻咗，塊臉摸落亦都緊緻咗，冇之前咁乾癟癟。如果你都煩惱緊色斑同細紋問題，呢支性價比極高，絕對係開架中嘅驚喜之作！

平時成日出街曬太陽，就算搽咗防曬，臉頰兩邊都係慢慢出咗啲碎斑，加上長期熬夜，膚色睇落黃噤噤、好殘咁，試過好多護膚品都好似無咩進展。最近試咗呢支 NIVEA Luminous630 淡斑精華，最鍾意佢陣味好清新，質地好似乳液咁輕薄，一推就開。我平時最驚美白精華會乾或者黐納納，但呢支吸收完之後皮膚係乾爽得嚟有返啲水分，就算而家天氣開始焗促都用得好舒服。我早晚連續用咗差唔多兩個禮拜，最明顯係發現啲新起嘅印退得快咗，整體面色均勻咗好多，無之前咁暗啞。以呢個價錢有咁嘅效果，真係性價比極高，就算豪用少少搽埋條頸都唔心痛！

平時最怕膠原蛋白粉有陣魚腥味，但 GLAM.D 呢隻真係好驚喜！完全係酸酸甜甜嘅乳酪味，似食緊糖多過食 supplement。粉質好幼，直接倒入口都即刻溶，唔洗特登搵水沖，依家習慣擺係手袋，返工口痕當零食食咗佢。