Saro Yeung

補水力係好勁，用完第二朝毛孔都細埋。不過玻璃樽設計真係要小心，第一次用太大力捏碎咗少少玻璃，建議一定要用紙巾包住先好啪。雖然價錢貴，但效果快過敷 mask 好多，趁 Black Friday 官網有折入貨會抵好多。

本身好怕好杰嘅面霜，但呢款『繃帶霜』好神奇，上手好厚，一推開就融化入皮膚。搽完皮膚會有種好靚嘅光澤感，好似打咗光咁。陣味係好淡好高級嘅花草香，聞落好放鬆，貴得有道理。

我喜歡用防曬噴霧多過防曬霜，因為可以更均勻，又不用直接用手搽！Anessa呢款防曬噴霧換咗新包裝之後更方便易用，噴嘴設計令效果噴得均勻。質地方面好輕好薄，快吸收，噴完皮膚好乾爽，帶出街補塗亦好方便！防曬效果都幾持久！