miffylaw65

呢支真係我近期嘅空瓶大愛，特別係捱夜或者轉季皮膚唔穩定、乾到暗沉嘅時候，真係全靠佢嚟救命！首先講吓佢個質地，佢係透明嘅水狀精華，流動性極高。搽上面之後，輕輕拍幾下就已經極速被皮膚索晒，吸收完塊面係好清爽，但摸落又feel到深層充滿水份，膚感超級好，夏天用都零負擔！成分方面，佢主打複合植物萃取透明質酸，包含大、中、細分子，可以真正落到肌底補水同鎖水，而唔係淨係停留喺表面。每次用完，最明顯嘅效果就係塊面即刻好似飲飽水咁，好有彈性，仲會散發出一陣好自然、好健康嘅「水光感」。平時眼下或者面頰嗰啲討厭嘅乾紋，搽完之後即刻澎潤咗、淡咗好多，保濕同撫平細紋嘅效果真係立竿見影。另外，一定要讚吓佢作為妝前打底真係一流！好多保濕精華用完上粉底會「起擦膠碎」，但呢支完全唔會同底妝打架。用咗佢打底，個妝貼服到癲，就算喺 office 涼足一日冷氣，個底妝都無浮粉或者乾到裂開，出油量都少咗。總括嚟講，呢支瞬效水光精華絕對係保濕界嘅實力派。想要強效保濕同光澤感，呢支絕對值得你入手！真心強烈推介俾各位缺水肌、沙漠肌嘅朋友！

最近轉季，加上平時喺 office 長開冷氣，隻手真係乾到好似砂紙咁，甚至出晒倒刺！早排俾同事燒到，入手咗支 GROWN ALCHEMIST 嘅修復護手霜 (Intensive Hand Cream)，用落真係好有驚喜，一定要同大家些牙（Share）吓！首先，佢隻香味真係好高級！一唧出嚟就聞到陣好療癒、好高級嘅波斯玫瑰味，完全唔係嗰啲俗氣嘅假香精味，每次搽完聞到都覺得心情特別好。質地方面，佢係偏向 rich 嘅乳霜狀，但最抵讚嘅係佢滲透力超強、吸收得極快！平時做嘢最怕啲 hand cream 搽完唔舒服，掂親個 keyboard 或者電話都係油印，但呢支推開幾下已經吸晒落底，真正做到「潤而不膩」。呢點真係非常加分！睇返成分，佢主打有波斯玫瑰、摩洛哥堅果萃取同埋透明質酸，修復同鎖水能力真係無得頂。我呢排早晚都有重點搽吓指甲邊緣，用咗一個禮拜左右，啲乾紋同討厭嘅倒刺明顯少咗超多，雙手終於變返滑溜溜，摸落去仲好軟熟。另外，佢個極簡風嘅金屬管包裝真係好靚，帶出街或者放喺枱頭都超有質感。強烈推介俾一眾長期坐冷氣房、成日洗手或者手部極度乾燥嘅朋友！

之前都用過其他B5同B3 維他命既護膚品，但都算都係局部維穩用途。香港天氣成日都留係冷氣房，皮膚已經日日吹冷風變得敏感。今次呢個保濕我多數都係睡前全臉用，作為一個夜晚深層保濕維護用。妝前都會局部用係乾皮既地方。佢吸收好快又唔會油，塗開變透明又冇味真係好啱早上用。暫時用左一個星期，皮膚都冇出現爆暗瘡用粉刺既情況。

香港天氣成日都好濕又熱，本身混合性皮膚既我成日都好多臉油。咁啱呢排天氣已經唔我用之前既精華，就試下用Bio-essence。精華本身好透明清澈用落流質唔太黏笠，用落冇味又吸收得快。依家用左一星期左右，皮膚都唔太乾同埋臉油都有改善。推薦

屋企一直有用開Nivea嘅呢個小藍罐，不過都係大size，今次有得試用呢個細size都幾好，細細個放係袋到，有時出街太乾都可以潤下。而且最近聽啲哈韓嘅朋友講，原來佢係韓國依家好hit，除咗塗手腳，原來韓國女生仲會攞黎護理乾燥嘅髮尾，我又膽粗粗試下，薄薄一層咁用係髮尾幾日，發現開叉少咗，仲柔順咗添，十分推薦！

我個人本身油性皮膚，所以毛孔細紋都比較閒顯。所以就試下用呢隻乳霜當妝，得塊面冇咁乾。試左一段時間，慢慢感覺到啲紋真係冇咁明顯。而且這款乳霜的質地非常柔軟滋潤，輕輕一抹就完全吸收。使用後，我的皮膚感覺更加緊緻。佢有效促進膠原自生有了明顯的彈性，讓我感到非常舒適。

工作忙碌又平時夜訓，就算只係25+皮膚都已經開始走下坡冇咁彈性。聽講呢款精華吸收快，效果明顯所有肌膚均可使用，包括我呢種敏感肌膚。而且除左臉部之外眼周都可以用，幫助撫平皺紋及細紋。咁我就每晚沖涼之後就用係眼周按摩一下，其他覺得有紋既地方都一齊用。試用左一段之段眼周可見明亮左，笑紋都淡左。十分推薦大家都試用一下。

呢個Cream既Ceramides保濕霜可以幫助到緩解這乾性肌膚。天氣乾燥引起的痕癢都得到舒緩，而且效用持久。配方無添加香料，更加適合用於面部及身體的乾性肌膚。

香港天氣成日都好乾，沖完涼之後一定會用保濕。用左CeraVe之後長時間都唔洗補，保濕功效真係唔錯。而且配方無添加香料，溫和又親膚。同時不干擾肌膚表皮屏障功能。

唔好睇佢質地有啲凝膠狀，但用左之後容易推開又吸收得快。而且冇咩香精既氣味，感覺用料自然。好多時出門就會用左先，之後全日都唔會感覺到皮膚乾既狀況（當然洗手除外）整體而言性價比真係唔錯，咁大一罐又好用。

無論係咩季節，都避唔過因為猛烈陽光嘅紫外線、熬夜、睡眠不足而產生嘅肌膚暗黃問題，面部就話可以靠化妝去遮，但身體嘅黑色素沉澱真係好難搞，我每朝早照鏡見到身體蠟黃暗啞嘅膚色都好似成個人無哂氣色咁.....一向無咩點搽開潤膚乳嘅我最近就試用咗sesderma呢款聽講係回購率好高嘅「保濕煥白潤膚乳」，主打超高效美白，佢有6%煙醯胺美白成分，喺比市面上潤膚乳美白成分仲要高，仲有1%傳明酸及VC成分，有效幫我肌膚全面去黃提亮！ 每次沖完涼後搽都好舒服，因為質地好soft好易推開，而且唔洗幾秒已經感覺到佢吸收哂，清爽唔笠，同埋佢有一陣陣好香嘅奶香味，有時早上搽完唔洗噴香水出去都自帶迷人香氣，我好鍾意！最用咗大約兩星期左右，最驚喜係見到全身嘅膚色提亮白淨咗好多，而且均勻平滑咗，真正做到我一直好想要嘅「牛奶肌」，好似脫殼雞蛋咁白咁滑，重點佢入面有3重神經醯胺同太匱龍舌蘭成份，肌膚唔單單係白咁簡單，仲幫我修護皮膚屏障，冬天泛紅脫皮情況無哂，肌膚keep住水嫩，好滿意個效果會keep住用！

經朋友介紹用咗呢款面霜都有一段時間，主打抗衰老、緊緻，補濕，質地滋潤但好輕薄好易推開，所以好啱秋冬用但又唔怕會黐笠，對我呢種乾肌黎講簡直係救星，每晚都搽，第二朝起身去到下晏都keep住水潤，而且皮膚仲彈滑咗，好開心有試用到 ！

Gel mask 夜晚沖完涼做完保濕我就會用。前排真係好乾燥又成日工作到好夜，所以皮膚狀態唔太好。夜晚一有時間就會用短時間（20分鐘）快快咁修護一下。用完洗臉後真係飽滿又白左。第二日上妝配合埋佢個面霜真係貼服好多，化妝都快啲。

佢個面霜唔需要用好多，我多數都用係平時比較乾既部位。早上洗臉後做完基本保濕就會用去左啲死皮先，等一段時間再上妝就會貼服好多。上面後唔會有好黏膩感。推薦