m
Reviews Blog

Reviews

Avène

Avene Hyaluron Activ B3 Cell Renewal Aqua Cream-In-Gel

細胞激活水漾乳霜
我個人本身油性皮膚，所以毛孔細紋都比較閒顯。所以就試下用呢隻乳霜當妝，得塊面冇咁乾。試左一段時間，慢慢感覺到啲紋真係冇咁明顯。而且這款乳霜的質地非常柔軟滋潤，輕輕一抹就完全吸收。使用後，我的皮膚感覺更加緊緻。佢有效促進膠原自生有了明顯的彈性，讓我感到非常舒適。

Avène

Avene Hyaluron Activ B3 Serum

細胞激活緊緻精華
工作忙碌又平時夜訓，就算只係25+皮膚都已經開始走下坡冇咁彈性。聽講呢款精華吸收快，效果明顯所有肌膚均可使用，包括我呢種敏感肌膚。而且除左臉部之外眼周都可以用，幫助撫平皺紋及細紋。咁我就每晚沖涼之後就用係眼周按摩一下，其他覺得有紋既地方都一齊用。試用左一段之段眼周可見明亮左，笑紋都淡左。十分推薦大家都試用一下。

CeraVe

Moisturising Cream

長效滋潤修復霜
呢個Cream既Ceramides保濕霜可以幫助到緩解這乾性肌膚。天氣乾燥引起的痕癢都得到舒緩，而且效用持久。配方無添加香料，更加適合用於面部及身體的乾性肌膚。

CeraVe

Hydrating Cleanser

溫和保濕潔膚露
香港天氣成日都好乾，沖完涼之後一定會用保濕。用左CeraVe之後長時間都唔洗補，保濕功效真係唔錯。而且配方無添加香料，溫和又親膚。同時不干擾肌膚表皮屏障功能。

Eucerin

Eucerin pH5 Light Gel Cream 350ml

Eucerin pH5弱酸性均衡輕盈舒潤保濕身體乳 350ml
唔好睇佢質地有啲凝膠狀，但用左之後容易推開又吸收得快。而且冇咩香精既氣味，感覺用料自然。好多時出門就會用左先，之後全日都唔會感覺到皮膚乾既狀況（當然洗手除外）整體而言性價比真係唔錯，咁大一罐又好用。

sesderma

Atopises Ultra Brightening Body Lotion

保濕煥白潤膚乳
無論係咩季節，都避唔過因為猛烈陽光嘅紫外線、熬夜、睡眠不足而產生嘅肌膚暗黃問題，面部就話可以靠化妝去遮，但身體嘅黑色素沉澱真係好難搞，我每朝早照鏡見到身體蠟黃暗啞嘅膚色都好似成個人無哂氣色咁.....一向無咩點搽開潤膚乳嘅我最近就試用咗sesderma呢款聽講係回購率好高嘅「保濕煥白潤膚乳」，主打超高效美白，佢有6%煙醯胺美白成分，喺比市面上潤膚乳美白成分仲要高，仲有1%傳明酸及VC成分，有效幫我肌膚全面去黃提亮！ 每次沖完涼後搽都好舒服，因為質地好soft好易推開，而且唔洗幾秒已經感覺到佢吸收哂，清爽唔笠，同埋佢有一陣陣好香嘅奶香味，有時早上搽完唔洗噴香水出去都自帶迷人香氣，我好鍾意！最用咗大約兩星期左右，最驚喜係見到全身嘅膚色提亮白淨咗好多，而且均勻平滑咗，真正做到我一直好想要嘅「牛奶肌」，好似脫殼雞蛋咁白咁滑，重點佢入面有3重神經醯胺同太匱龍舌蘭成份，肌膚唔單單係白咁簡單，仲幫我修護皮膚屏障，冬天泛紅脫皮情況無哂，肌膚keep住水嫩，好滿意個效果會keep住用！

Suisse Programme

The Rich Cream

盈潤煥顏面霜
經朋友介紹用咗呢款面霜都有一段時間，主打抗衰老、緊緻，補濕，質地滋潤但好輕薄好易推開，所以好啱秋冬用但又唔怕會黐笠，對我呢種乾肌黎講簡直係救星，每晚都搽，第二朝起身去到下晏都keep住水潤，而且皮膚仲彈滑咗，好開心有試用到 ！

Halto Major

Moonbow Repairing Gel Mask

月見透潤修護面膜
1+
Gel mask 夜晚沖完涼做完保濕我就會用。前排真係好乾燥又成日工作到好夜，所以皮膚狀態唔太好。夜晚一有時間就會用短時間（20分鐘）快快咁修護一下。用完洗臉後真係飽滿又白左。第二日上妝配合埋佢個面霜真係貼服好多，化妝都快啲。

Halto Major

Moonbow Power Hydrator

月見藍銅水漾面霜
佢個面霜唔需要用好多，我多數都用係平時比較乾既部位。早上洗臉後做完基本保濕就會用去左啲死皮先，等一段時間再上妝就會貼服好多。上面後唔會有好黏膩感。推薦