valiyoyo

開始覺得眼ge笑紋出左黎... 最近拎左唔少eye cream試用, 有韓國牌子, 有lancome, 但我覺得論質地, 都係skii呢隻eye cream最唔笠, 不過唔知同喺冷氣房勁耐有無直接關係.. 比起真係去做facial, 提拉, 當然效果無咁明顥, 但用左1個禮拜左右, 佢話對眼會大左, 但我純粹覺得佢幫我firm左眼部附近皮膚, 所以先有咁嘅果. anyway, 呢個係我暫時試嘅product入面最想補購嘅, 值得一試!

testing

用過很好

朋友贈送, umm... 產品賣點係控油, 令個妝更持久。試用左3日, 效果還可以, 控油係做到, 但個妝會持久呢個位就難講, 始終唔係full make up, 又唔係濃妝, 基本上keep到唔落粉已經不錯。 利申, 本人不屬於油性肌膚, 所以普遍唔會用呢類標明清爽控油粉餅, 因為作用不大。而我亦試用過市面一些日本彩妝平價brand (但都略有名氣), 效果分別不大, 所以~$200嘅價位, 我個人覺得唔太值, 但可能佢貴在加左技術, 話粉粒好幼細, 錢就係呢度cover返。

質感有點油，但效果還是可以的，論價錢已好抵用，所以無話可說了。

妝效好同貼服，不過COVERAGE一般，遮不了面上的印痕，包裝是我最愛，好型格，好簡約，襯晒我地一班OL用!

多謝she.com, 我又一次抽中試用, 今次試Make Up For Ever超高清無瑕粉底液 #117, 個人覺得偏黃, 但粉底顏色可以溝, 所以又無問題。 不過公平起見, 試嘅時候只係用呢隻粉底, 呢排涼涼地, 天氣唔算乾, 所以無出油, 流汗, 所以test嘅主要係持久同遮瑕。 持久度, 基本上只要唔出汗, 就可以last到好耐, 返工化妝8點幾, 夜晚大概11點幾落妝, 未出現浮粉情況, 全日無補妝。但可能戴眼鏡, 鼻托位置有少少脫妝。 遮瑕度, 個人唔係暗瘡滿面, 但整體塊面暗啞, 黃黃地, 基本上化妝後都係精神樣, 無咁沉。效果還可以，但感覺上同Revlon枝Nearly Naked功效差唔多, 但可能我真係無咩紅印, 難試出真正功效。 用法：shu泡沫base > Make Up For Ever超高清無瑕粉底液 > 眼影, 眉粉, 眼線液 > 1028傳明酸亮透美白粉餅 (掃上, 定妝用) > done

第1次參加critiques Thursday TRIAL, 就抽中我試TROMBORG嘅粉餅, 其實我真係完全唔知呢個咩牌子, 好在reception姐姐俾左張leaflet我。丹麥brand, 主sell天然+科研, 即係集各家之大成啦。 首先講色, #1, 我諗應該係最淺色, 我皮膚偏黑(尤其夏天曬得多), 如果有得揀, 我會選#3, 即係跳2個級, 不過今次試用唔求咁多啦, 我可以用粉底溝色搭救, 反正粉餅我用黎定妝 (用掃上), 唔係core要用。 呢隻粉, 我試左4日, 都算係咁, 因為簡單黎講, 佢並唔係for藝伎用, 上多上少落面, 其實效果差唔多, 裸妝, 淡妝, 自然妝首推, 但想偽裝去老蘭, 個人建議唔好用, 因為用左個樣只會精神左, 唔會變左(即係遮唔得幾多, 雖然佢話高度遮瑕, 但坦白講, 大大粒暗瘡, 齋用粉餅, 遮到都得人驚啦…)。呢張專登係對住日光影, 好明顯係提亮, 出街睇落都偏自然。 講持久度, 個人汗大, 基本上無持久度可言, 去一轉美食巡禮, 所有妝溶哂, 如果坐office, umm… 其實都要補妝, 但係都係做下樣(補妝用粉樸)印幾印, 都係個句, 個妝太自然, 除左明顯眼鏡鼻托位溶粉, 其他部位係唔駛執嘅。 使用方法: 上底妝(用shu果枝泡沬底霜), 溝粉底(Nu Skin Natural BGE + Revlon Nearly Naked #150), 胭脂, 眼影, 眉, 用呢盒TROMBORG粉餅定妝 > done! **我唔鍾意用完粉底後即用粉餅, 感覺好重, 所以可能因為咁影響持久度, 事先聲明!

超香嘅CC cream, 睇我之前評論嘅應該都知我鍾意溝粉底, BB cream都可以溝餐飽, 但今次, 升格試用一下呢隻SK-II CC cream, 我惟一只係落左少少essence落去, 等個妝貼d。 佢嘅遮瑕度有幾好, 可以睇我下面影嘅前後對照(因為我塊面太白滑, 差別唔明顯, 所以拎左隻手黎玩), 我隻手本身有好多紅筋, 係多到有d誇張, 但上左CC cream之後, 紅筋明顯淡左好多, 同埋隻手係"ling"左。 我其實一向唔睇好防曬系數高嘅化妝品，因為普遍厚到無朋友，但呢枝CC cream, 見我上面幅圖, 又唔算太厚, 只要份量準, 咁就無咩問題啦。再順帶一提, 呢枝CC cream又真係幾香 :P

第1隻同第1次用嘅染髮產品, 感覺還可以, 可能始於係生手, 完全感覺唔到外界所講嘅超方便, 盒入面有好多小工具, 俾你自己溝, 另加blogger教嘅大膠袋防護衣。 泡泡當然無廣告咁誇張, 大大嚿喺頭頂, 反而覺得洗頭時起嘅泡仲多, 不過只少唔會滴到周圍都係。我應該只係等左15分鐘左右就洗頭, 因為有報導講過話會燶頭髮。 我試普通啡色, 無咩特別驚喜, 但純粹唔想個頭太布丁, 確實係唔錯嘅選擇。

平價之選, 落妝效果不錯, 產品有透明質酸, 有少少保濕的感覺, 呢款產品分幾種, 但試完感覺沒差, 導出能力尚算合格, 但總體來說呢個價錢, 呢個效果, 已經超班完成。

呢枝係專櫃試過, 確實啫喱狀ge油都幾新奇, 如果有sample試幾日就好啦

落妝油同水都有用, 視乎咩情況, 水嘅話通常係較濃妝, 同埋夏天時用, 水黎講, 我鍾意呢枝野洗得乾淨, 又有少少油嘅感覺(這是讚美, 心理問題, 唔油唔乾淨)。 使用方法:用化妝棉, 基本用落妝水浸到濕哂, 再印係臉度hold住10秒, 向頭髮方向推, 之後再洗臉(呢個時候用foam好過creamy milk)

我覺得呢枝防曬某程度係RISE UV CUT系列嘅替代品 (雖然而家日本藥房都仲有), 搽完唔會油, 至少唔會黏住塊面ge。 使用方法: lotion後用, 我唔會聽BA姐姐講當lotion搽, 始終防曬霜下面有一層保護膜(lotion/cream), 感覺安全d。

not bad, will buy next time

這是朋友送的, 說女人未到30都要用recovery嘅東東, Kiehl's這枝, 應該較適合皮膚唔太差, 無好強勁乾紋嘅年輕女士用(指的是皮膚年齡:P)。 使用方法: 爽膚水(非gel狀)後使用, 再用lotion(較滋潤的),之後再上essence,再搽cream(相對唔太潤)> 這是我試出來最好的配搭 (冬天/冷氣房適用) *個人蠻喜歡這精油的香味, 適宜甜睡

暗瘡這回事絕對不敢怠慢, 由學生時代隨便亂試, 到而家依然繼續試, 但呢枝星期四茶樹油確實蠻有效, 夜晚用, 粒瘡到朝早就開始乾乾地, 然後我會用其他cream/ gel狀嘅暗瘡膏遮住佢, 夜晚再用茶樹油, 通常2-3日就會甩出來。:P

之前隨意拎左枝用淨嘅BB cream去換回來, 試左1個禮拜多, so far感覺蠻好, 我是溝粉底派的, 今次用黎溝nu skin枝粉底液, 冬天來說潤濕度剛好(基本我都係用夏天控油base溝較潤嘅粉底),不過單用, 我會建議溝1/3 essence, 咩牌子都得, 因為會貼d。:P