puppylam28

質感好輕好易推，剛塗上面好水潤，唔笠，之但係好快被皮膚吸收晒。用後最初感覺係乾，原來係皮膚有被拉緊嘅感覺，快快手再塗埋lotion, 即刻亮白晒精神晒。希望繼續使用可以減淡埋面上啲暗瘡印同雀斑。

收爐前很忙，捱到皮膚又差，黑眼圈又勁，眼又乾又有紋，趁今晚年三十晚即刻急救。一次過用晒4片，敷眼袋位敷埋虎紋位，用嘅時候有收緊嘅感覺。敷完後雖未能好好減淡黑眼圈，不過變細紋，細紋變幼紋，如果keep住用，應該會有唔錯嘅效果吧

一開水就要立即塗上面，簡直與時間競賽，都未塗勻就已經開始緊，應該係因為collagen漸乾，越收越緊，令面部有點不太舒適。30分鐘左右洗面後，咦，有驚喜嘅，細紋無咗，連跟住我咁耐嘅虎紋都淡咗，皮膚頗滑，毛孔細緻，都不枉我被“拉緊”咗半個鐘。

真心覺得有效。 黑眼圈問題跟足我廿幾年，人過三十更加容易現細紋，我用過無數眼部產品，平貴都有，都未見有任何起息。 剛敷上眼，感到“拮拮地”，係有少許唔舒服，敷了25分鐘後，黑眼圈範圍明顯地細了，幼紋淡了，眼睛亦冇咁攰，當然要拯救我呢對千年黑眼圈，都仲需要勤力啲。 整體上，我好滿意咁短時間都有咁嘅效果。

趁今日熱辣辣，皮膚出晒油，塊面感覺好heavy，落妝後即刻試用燕麥飄霜“刷刷”佢。加水混勻再搽上面1分鐘，等乾期間覺得好鬼有麥香，好似食得咁; 手上剩落嘅就順手磨埋雙手，連手都受惠。其實都幾快乾，跟手喺洗手盆前開始左刷右刷，睇住啲燕麥連死皮一路咁跌落黎，開始覺得塊面輕咗好多。用後面部係滑咗好多嘅，之後搽護膚品都特別吸收。惟一問題，係燕麥太乾時而比較難按摩，用力少許去刷甩死皮後會有啲痛，要好好練習幾次先得

人過三十，最怕出紋兼鬆弛! 用過其他唔同品牌日霜，總無一款係我可考慮長用，要不斷轉去搵合適自己嘅product; 呢隻精華霜，真係好到不得了，佢唔止係緊緻類別，我用咗一排直頭幫我去埋肌膚暗啞，而且無咁易生粒粒，皮膚飽滿咗，睇落人都精神咗。而家素顏都夠膽行落街。

質地比較黏，吸收速度尚算可以，塗上一層精華後，就算天氣乾燥，皮膚喺瞓醒後都仲感覺良好，軟綿綿得黎有彈性，近睇毛孔都細咗，日頭上妝都易啲。

每次洗完面，用神仙水已經成為習慣; 洗面後皮膚係最敏感嘅時候，尤其是有少許繃緊，快快手拍一拍神仙水，即時吸收，幫面部補充水份。試過有一輪偷懶無用，膚色真係暗啞不少，仲好容易有粉刺。再次使用，效果好快見，連幼紋都明顯減少。BA曾經提過我，用化妝棉加神仙水，敷喺暗瘡印兩星期就消失。而家連旅行都要帶住，皮膚好都靠晒神仙水。

濃縮精華，倒出來黏黏的，仲擔心會笠; 但一塗上面拍兩吓好快吸收，頗清爽! 夜晚瞓前塗一浸，第二朝瞓醒都唔dull, 毛孔感覺冇咁粗大，更易上妝。但係對肌膚彈力是否激升就有所保留，或者呢個係女人長期抗戰，要每日唔懶惰，繼續使用先有嘅成果。個人認為呢隻產品係好用好舒服嘅，只係價格偏高，唔係人人afford到。

年過三張，最怕皮膚出紋及鬆弛。搽面嘅，周街都有，難以搵合適自己嘅產品。今次試SK II R.N.A.立體緊緻精華霜，初時係無乜特別，只係覺得幾易推幾吸收; 配合啱嘅手勢用落會覺得皮膚firm咗少許(初時以為吸收太快，又乾，唔多舒服; 睇真啲明明面仔仲好潤)，朝早上粉都容易咗，無咁易kick粉。

用開神仙水嘅人，應該會明白點解會keep住用。每次洗完面都會搽，就好似幫皮膚補充養份咁。老老實實，我真係非常唔鍾意隻味，但用過都會覺得皮膚無咁暗啞，好快吸收晒，平時成日唔夠休息嘅我，仍然覺得皮膚有彈性，雖然唔至於好亮麗剔透有光澤，但至少keep住唔變差

我個人眼睛周邊皮膚好薄，而且成日對電腦，未到三字頭已經勁黑眼圈同出晒眼紋; 用過好多品牌眼霜，平貴都試過，總無一款係有明顯效用。SK II 呢隻新眼霜，質感唔錯，剛搽完一刻的確係即時見到眼紋淡咗少許，可能佢比較潤吧，但唔油笠。當然唔係神產品到一搽見效，本身都有試用開，接近一星期，效果唔係咁long lasting，早上塗塗再上妝，到中午眼紋又會現晒形。或者係我個人問題，要內服外敷夾擊先得。Anyway, 暫時我都有keep住用，或者試多幾星期效果會再明顯啲

洗完白白噴一噴拉提噴霧，原本繃緊感嘅面部即時有少許漲卜卜，初時唔覺有明顯唔同，隔一陣再照鏡望望，毛孔係幼細咗嘅，而且keep住清爽; 我黑眼圈同眼紋好嚴重，唔知keep住使用會唔會真係幫到我去除呢個多年嘅問題呢?

一粒粒狀用於身上嘅產品,驟眼睇真係好奇怪,估唔到唧出來會係水狀 我好欣賞天然成份製產品, 此啫喱含澳洲堅果、維他命E、雲母及甘油, 夠晒潤但又唔笠, 感覺好保濕, 適逢秋冬真係夾到暈, 抗氧化及柔軟肌膚的功效就唔怕妝容唔貼服又令個妝long last啲 本來見個名係'shine', 都好驚用咗會好誇張, 好在, 推開後反而覺得令面色均勻咗, 同埋感覺好似打咗光影立體咗, 個個都話我今日個look好精神好sharp

本身冇用開biotherm產品, 第一次試用, 覺得此產品質感水潤, 吸收快, 用後皮膚頗滑冇敏感, 又last得耐, 最重要係唔油淋淋, 亦覺得firm咗; 當然, 係咪真係"緊緻速效修復", 要keep住用下先可再作定論