cannylo

其實成個pure系列我都好仲意, 但係我最愛都係依支潔面啫喱 首先, 好似大家講既咁, 唧出黎既啫喱好水, 唔會黏黏咁, 而且次次洗完面d香味都令我好精神, 心情好返曬 (我覺得成個系列最有海洋feel既就係支潔面啫喱, 真係好似係個海到感受緊d海藻咁) 但我對佢情有獨鐘既原因唔止咁簡單, 亦係冇心發現依支潔面啫喱既另類用途---消腫去辣 有次我食完水煮魚, 個嘴又麻又熱又腫, 返到屋企沖涼洗面時唔小心整到少少落嘴, 個一下好刺激, 好似食完辣野飲緊凍可樂咁爽, 之後就係咁捽呀捽, 又香又舒服, 捽到有D唔想洗左佢+0+ 洗完之後, 發覺個嘴冇咁腫, 而且唔會再火辣辣啦~~自此之後, 我次次食完辣, 都會好期待返屋企洗面XD 其實我用過好多唔同牌子既控油系列, 貴冒平既,但都唔係好WORK, 用左PURE系列之後, 夏天既煩惱冇曬, 感覺好清新, 而且毛孔真係細左 而另一個感想係, 好似同PURE系列談戀愛咁... 一開始用個2日, 覺得好神奇, 好新鮮又好興奮, 覺得自己遇到佢好幸運, 成日偷偷聞下隻手剩返既香味都好開心 過左幾日, 已習慣冇油既感覺, 覺得理所當然, 當初既興奮喜悅感恩唔知飛曬去何方... 耐左之後, 就好似結左婚既老夫老妻, 知道點先最夾, 不過已成習慣, 好平淡, 但其實又唔可以冇左佢... 結左婚係天堂?定係墳墓? 咁當然要睇你心態啦~ 如果只係貪新鮮, 當然好快離婚搵第個, 但搵黎搵去都搵唔岩... 而我~就覺得好感恩, 好幸運俾我搵到佢, 令我唔洗再係個油海到浮沈~ 希望你地都搵到屬於你既夏天理想對象啦 ^0^

依支可以講係多功能既toner, 平時用個d控油系列會好乾好重酒精味, 但依支酒精味好淡, 用左之後爽而不乾, 而且好快吸收 我有聽ba姐姐講用化妝棉黎用, 輕輕咁揸完塊化妝棉有d黃, 見仲幾濕下, 於是揸埋頸, 塊棉就變到好黃啦~~(我日日沖涼都用比心機用力捽頸架, 次次都捽到紅曬架v_v) 用左1個星期後, 條頸既"接痕位"冇曬, 成條頸都好似塊臉咁白曬~~ 見咁work, 上星期開始用埋係成個月被曬到2段色既人字拖位, 原來都得架~~1個星期d黑白配得返好淡好淡啦 ^_^vv(未用之前成個月都仲好深色) 所以我既結論係, 依支toner除左控油, 殺菌,清潔, 原來都可以改善膚色唔平均既問題, 用左佢, 咁就唔洗花好多$$去買個D平衡膚色既精華啦~

第1次唧出黎既時候, 未用已被佢醉到=v= 味道好清新, 好香, 直情追住黎嗅 揸上面後, 夠保水, 但唔會黏, 好清爽, 而且好快就吸曬入皮膚, 出油T字位我會多揸2次, 但都唔會因為覺得黏, 一樣咁爽 而且最重要係 早上用左之後, 到放工塊面先有少少油(平時彼到公司已成面油- -") 本來夏天太熱太油, d粉又上得唔好, 所以停左化妝... 但用左依個系列後全日都好爽, 於是早2日試下化返妝, 好ok, 無咩點出油, 而且上粉時好貼, 好似冬天個時化妝咁,睇唔出d粉(我平時都係化裸妝) 好開心遇到依支保濕露, 令我夏天都可以化返少少妝, 依個Pure系列已成為我夏天必備之選~~

第1次用既時候, 下巴生左2粒大孖瘡, 額頭都開始起左粒, 好腫痛既感覺>"0<), 但奇蹟就此發生 0.o, d瘡瘡flat曬, 仲"謝曬皮", 再睇下個鐘, 只係過左30分鐘!!!超開心 ~~ 自此之後, 瘡瘡一出就馬上點落去, 好快就謝, 唔洗再腫腫痛痛啦~

第1次用既時候, 覺得潔面皂點可能深層清潔得好,而且洗個時好似唔係好覺有咩特別, 於是起勢捽捽捽.... 結果洗完之後...好痛丫, D皮薄曬 >"< 太用力啦, (之後對住塊皂懺悔, 對唔住..我之前太睇小你啦) 之後用都用正常洗面既力就好OK, 好正, 每次我都會用多D顆粒既地方捽鼻, 用少D顆粒既地方洗面, 次次都連背脊一齊洗, 而家連背脊都少左瘡瘡啦, 夏天用最岩~