poopysasa

我嘅眼部皮膚嚴重缺水，多年來用過好多牌子，幾百蚊到幾千蚊都用過。3LAB嘅WW Eye Cream係我用過嘅所有eye cream之中唯一款我覺得真係可以令眼部乾紋淡咗嘅。3LAB之前出咗話係再勁啲嘅Super Eye Treatment，我試過之後發現响保濕同滋潤方面都係WW Eye Cream最好。用完支Super Eye Treatment，我都會買返WW Eye Cream。價錢方面，因為佢係我用過唯一一款我覺得效果好滿意嘅eye cream，所以我覺得值得。

卸妝好乾淨，最緊要係氣味芳香，忙碌完一日，夜晚用呢支油嚟落妝，感覺好舒服。我係混合性皮膚，加上皮膚好薄，毛孔細，容易塞，所以我用完落妝油後，會再用evie嘅cleansing lotion洗多一次面。我初時用呢支makeup remover，都有起粒粒嘅情況，但後來我發現係因為轉用全天然產品之後，其實之前用啲唔好嘅化學產品所積聚响皮膚底層嘅化學物/礦物會慢慢走出嚟，如果毛孔塞咗出唔到嚟，就會有粉刺。我堅持繼續用，兩、三個月後粉刺冇哂，依家皮膚真係靚過之前好多！價錢方面，我覺得三百零蚊可以買到一支優質嘅天然落妝油，真係一啲都唔貴。