Susan_MAN

首先我覺得樽既設計比較難用，係盒上面無顯示點開而開出黎既玻璃都比較?手，開左之後亦難以倒出黎用。係用既層面上，我覺得功效好顯住，我嘗試將精華液用係有細微傷口同疤痕既地方，用左幾日就覺得皮膚平滑左，疤痕既顏色都有減退到而且比之前亮白左添！細細支就濃縮曬大大支既精華，絕對推薦！

以噴霧來說，噴出黎覆蓋範圍都幾大，可以離開肌膚遠少少先噴，如果唔係就好似一pat水飛左上臉到！皮膚吸收得好快而且感覺乾爽左好多，夏天用的確好涼快。但不推薦比本身皮膚乾既朋友喇～

岩岩去完新加坡就收到呢支溫泉水，如果去之前收到就好喇！因為噴左佢真係好舒服，係新加坡太陽猛不停出汗，塊面變到好油，番黎用左呢支水噴落塊面到好驚喜，即刻覺得塊面好爽好舒服！夏天用超好，而且支水仲有其他功效又唔怕敏感，好抵玩！