happyclara

SKII 皇牌，應該好多人都試過。我以前用時唯一不太喜歡它的味道，我估味道就是來自濃濃的pitera，今次再用味道不變，但感覺好似層相識，就是當年的一樣，皇牌就是皇牌，經典就是經典！ 洗面後先用化妝棉沾濕essence抹面，有時會看見棉花會黃了，證明它有去角質功用，之後我會倒出essence用，用手拍上面讓精華被吸收，用左呢個再上其他產品都會變得更易吸收！

質地同眼霜差不多，都係幼滑易推開，第一次用時擔心呢個天氣用會立唔敢用咁多，但發現搽左好快就吸引曬，幾鍾意搽完有少少保護皮膚既感覺但又唔係立。用完第二朝都唔會油，不錯！

好鍾意試不同眼霜，因為好既眼霜會好快就睇睇到效果。 呢個眼霜質地軟薄，用少少就可以推開搽勻眼周，容易吸收。 去紋功效我鍾意試手既虎口位，sales姐姐教虎口位最多紋，搽完虎口位D紋明顯減淡左，證明滋潤感十足！

我真係未試過可以咁方便！以前都試過想懶搽完base就直接上粉餅，但結果係攪到塊面一撻撻粉。 可能搽左moisture base打底，用粉撲占上粉底上面係好平滑，不論眼角、眼袋、鼻翼平時難上粉既地方都好貼服！膚色自然，無面具feel，相當自然！ 最重要係平日到下午三、四點開始泛油既我竟然無事！亦無脫妝！

base 個叫得做moisture coat base，保濕效果有返咁上下，30mL，仲有防曬成份，塊面可以搽少樣護膚品，基本上搽完佢塊面已經滑嘟嘟。Cream狀好容易推開，微香，唯獨佢無咩修飾功能，如果有超級熊貓眼之類既就要另外上concealer，但我自己化妝係想自睇落去精神飽滿，唔係要變做零瑕疵戴面具，所以呢樣岩我，搽完塊面有自然光澤，又滋潤感十足！BA話如眼周圍比較乾可以搽多一點，但我自己覺得搽一層已經夠！

佢包裝很火紅 （很新年feel) 買時要小心點選購呢，因為近排發覺有幾種開架系列都係火紅包裝！ 呢條line 係 Neutrogena 首創分層抗老概念既產品，咩係分層呢？ 意思係引用layer by layer 「分層式抗老」科技，針對每層肌膚不同老化過程而設定不同修復對策–修護底層彈力，豐盈中層細胞，撫平表面皺紋，而且經皮膚科醫生證實，連續使用八星期後肌膚年輕五歲，很吸引呢！ 面霜帶淡淡粉紅色，因為怕油膩，所以不敢取太多份量，但用手指接觸面霜，你就會感到面霜是很幼滑的，軟軟的，感覺似雪糕，搽上皮膚有即溶感覺，軟軟滑滑，只要推開兩三下就可將面霜推均，皮膚亦即時感到細滑。而搽時會聞到淡淡香味，唔濃既，幾討好 由於試用時正值天氣最凍又很乾之時，所以我都搽上不只一層既面霜，咁試到面霜係超級易吸收，即使搽2層都唔會油立立。 呢個面霜要用到見效果呢要連續8星期，而我暫時就由年29用到而家一星期多DD，所以未有咩減幼紋效果，不過試用時正值天氣乾燥啦，晚晚夜訓既日子都可以保得住我塊面無出乾紋，以開架產品價錢非常合理既條件下，呢個產品係very gd!!

好用喎，我原本都買左bicelle既b5 gel，但質地水水的，呢個係杰身既，杰既jelly，上面又好易吸收，我買既係之前響台灣旅行時既100ml裝，仲送15ml既face cream, 大約港幣$800，比香港買平好多，超抵，遲D天氣再乾D就一定有枝旁身

我通常直接滴上面用，全面先用3滴就夠，額頭1滴，左右面各1滴，但用過你就知呢個產品係超快被吸引！係超快！所以有時我會分2次，皮膚吸完第一次我會響有紋既地方（虎紋、眼尾同頸）再搽多次！事實上咁搽都係用左5-6滴，所以一枝精華可以用一段日子，抵

如果要買防曬，我會毫不猶疑去sofina counter選，質感好，功效明顯，選擇多。 我都唔知已經買過sofina幾多支防曬了，我同好多人一樣都好怕塊面「立痴痴」，如果立既寧願唔搽！我未用呢枝有抗老化成份既防曬前都係用緊sofina beaute既防曬，亦介紹過比身邊朋友，個個都話good既，好爽，夏天用都唔怕立，好正！ 仲記得2年前去埃及旅行，仲要係響正暑假最熱最陽光猛烈時去，好擔心成舊黑碳返黎香港，除左黑之外呢仲有雀斑啦、縐紋跟住黎，所以我一口氣買左3支不同牌子防晒旁身！sofina beaute UV 用響面(夠爽)，XX牌spf 100 (我買最高度數，有100呀！)防水唸住游水用，另一XX牌搽手腳。最後呢…spf100既一落水就甩左7成，一上水就見個身白色一撻撻。手腳都有黑，唯獨塊面幸保不失。 但最好笑既係到最後一日，我照樣用sofina beaute UV搽面，但唔記得搽眼瞼（眼蓋位置），到下就就覺得對眼乾乾的，照鏡先見到眼蓋已經曬到紅晒，先記得對眼無搽防曬！完完全全體驗到sofina既厲害，所以一直都係用sofina既防曬！ 今次呢個新產品除左本身防曬厲害外（我試過搽去踏單車、去全日戶外活動幾次都完全無變黑），質地仲好清爽，無一般防曬有D chemical既味道，佢係有淡淡花香味，搽上面上好易推開，唔會令到塊面一撻撻，搽完上面，你會見膚色均勻左！ 我唸防曬吧個產品會係停留響面上最耐既一樣野，所以添加左護膚成份既一定比單一防曬功效好！呢個能夠抗老化、美白，又能作為乳液帶來適當既滋潤，仲可以做埋底霜，一枝多功效，絕對值得愛美的你！