devonshire_cream

25歲後，皮膚膠原蛋白流失加劇，容易有乾紋、毛孔粗大、欠缺彈性等問題, 所以積極保養是必須的。我以前試過豬胎盤護膚品，而今次有幸一試Mizuii推出的馬胎盤精華素，內含98.8%馬胎盤精華，可有效重建老化皮膚細胞、修復幼紋、為肌膚即時保濕。每枝精華皆是獨立包裝並附有軟膠吸管，衛生方便。我本身是敏感濕疹皮膚，所以特別喜歡無色無味的精華。精華質地水潤，能被皮膚瞬間吸收，用後皮膚水潤幼滑，但始終質地比較清爽，如配合質地豐潤的面霜使用，保濕鎖水效果更佳！

身為現代女性，返工對住電腦、放工玩電話幾乎已成常態。但在這種生活模式下，難免產生浮腫、黑眼圈等問題，我最愛這款眼霜的三圓珠式設計，令塗眼霜同按摩二合為一，觸感冰涼可改善浮腫外，更可避免太用力徒手按摩眼部而導致的眼紋問題。只需輕按樽身, 眼霜就從三圓滾珠既中央源源走出。先由眼頭塗至至眼尾, 最後在眼尾以寫8字的手法按摩，為眼周進行排毒同時提升眼尾，用後眼周肌膚即時recharged!

身為香港人，返工對電腦、放工玩電話是常識吧！日積月累之下，浮腫、黑眼圈難免會產生。這款眼霜我最愛它的三圓珠式設計，令塗眼霜同按摩二合為一，觸感冰涼可改善浮腫外，更可避免太用力徒手按摩眼部而導致的眼紋問題。只需輕按樽身, 眼霜就從三圓滾珠中央源源走出。先由眼頭塗至至眼尾, 最後在眼尾以寫8字的手法按摩，為眼周進行排毒同時提升眼尾。用後眼周肌膚觸感舒適，滋潤度剛好，不會產生油脂粒。

日霜質地清爽，呈半透明啫喱狀，十分易吸收，不會對肌膚造成負擔。用完抗污染雙效精華素之後再用它補濕同時鎖水，效果更佳。用後肌底猶如被注滿水份，觸感柔軟飽滿，更有光澤。持續使用，更可以為肌膚強效保濕同抗污染，非常適合潮濕悶熱的春夏天使用。配合按摩手法，可進一步為肌膚排毒同時提升輪廓。用

綠黑漸變色包裝感覺天然又高貴，當中含有超過90％純天然草本成分及擁有卓越的修復和保護能力的Alphoia，持續使用有效排走肌膚毒素和修護環境及因疲勞和壓力對肌膚的侵害。滴管設計方便掌握份量又衛生，清新草本味道令人猶如置身大自然。半透明精華質地清爽，延展度及滲透度高，瞬間被皮膚完全吸收，舒緩肌膚乾燥及內外壓力。早晚使用，好似食supplement 一樣，用完肌膚亮滑有彈性，為肌膚打好個底，迎接每一天的挑戰！

對於肌膚超乾又易長濕疹的我, 選防曬是很困難的, 難在又要低致敏、高效防曬和可以同時保濕為三大要點, 而CUREL輕透清爽防曬面霜SPF30 PA++就完全可以符合我的要求。它蘊含「潤浸保濕Ceramide功能成分」、「羅漢柏精華」及桉樹精華，讓肌膚回復高密度水潤狀態之餘穩定肌膚，抗禦因紫外線引起的泛紅。最重要的是, CUREL輕透清爽防曬面霜SPF30 PA++是物理性防曬, 當中粉狀的紫外反射劑能有效反射紫外線又不會引起敏感。 一倒出來的質地是奶白色、充滿水分感的霜狀, 易於推開，用後就如塗上普通的保濕面霜的感覺一樣水潤。因為在室內長時間工作的關係, SPF30 PA++的防曬系數對我而言已經足夠, 只是最好2小時補一次，令防曬的功效有效發揮。 從相中可見, 用後膚色更均勻又不會泛白, 自然效果不論是單用定做MAKEUP BASE都好適合, 最重要CP值夠高!

你是我敏感肌的傳奇 空氣污染越來越嚴重，周圍都是致敏原, 而我自小已是敏感底, 前陣子經常感冒同咳, 身體經常流失大量水份, 皮膚又點會好? 我本身皮膚偏薄，微絲血管又明顯，雙頰經常泛紅, 一病塊面就又紅又痕又乾，抓又不是, 不抓又痕, 好苦惱啊! 其實皮膚敏感多因肌膚底層缺水、自身抵抗力較弱。為了針對敏弱肌的保濕需要，來自法國的Topicrem是由擁有超過100年的醫學及製藥經驗的法國大藥廠Mayoly Spindler研發所創立的紓敏保濕品牌, 並經皮膚科及專科醫生監測驗。Topicrem 研製出專為敏感及缺水肌膚而設的 4 重注水紓敏保濕乳，被喻為「傳奇紓敏保濕乳」, 蘊含 24 小時保濕複合物及超過99%高純淨的活性成分, 無防腐劑、低敏又高耐受性, 純淨度超越歐盟規格標準，能24小時為肌膚極致保濕鎖水，注水至肌膚每個細胞，鞏固肌膚天然保護屏障功能，讓肌膚回復健康狀態，水潤柔軟！ Topicrem的 4 重注水紓敏保濕乳成分非常簡單，就是尿素、甘油、甘油硬脂酸、維他命 E ，乳木果油、蜂蠟，亦因不含防腐劑, 開封6個月內要用完。用前明顯可見額頭和面頰明顯乾燥泛紅, 用後已可見即時的紓緩。相信假以時日, 肌膚狀況一定可以更穩定和強壯!

同敏感泛紅講分手！ Avene 呢個品牌我斷斷續續用左幾年，佢就係我最可靠的後盾。我本身係濕疹皮膚，但不算時常發作，所以我總會心思思試下不同功效的護膚品，但有時難免中伏引發敏感。在呢個時候，我就會投向avene 的懷抱。近日天氣反覆容易病，我抵抗力一差，濕疹就會乘機出現，正好收到avene 高效抗敏舒緩保濕面膜，當然要即刻試用！ 面膜擠出來時是白色厚身膏狀，沒有香味，已經令我十分安心。圖中可見我額頭有脫皮問題，面頰也乾燥泛紅，於是我全面塗上面膜後再於這兩處再加厚。面膜質地厚但不黏笠，一邊敷臉一邊做家務也沒有問題。五分鐘後已見到九成面膜已被吸收，用濕棉抺後再以清水沖洗，已可見脫皮和泛紅情況得以舒緩。連用兩日，皮膚情況也穩定下來。皮膚好，心情也不禁好起來。avene 呢隻mask 實在太正，我絕對會回購！

救命恩人 我呢個敏感人一到聘季就煩，皮膚，氣管，鼻敏感一齊來，本來上星期打算去睇開的皮膚科醫生配藥膏，但工作委實太忙放工又要湊仔，在無藥可用的情況下，只能任由塊面泛紅，痕同發熱。幸好當時收到she.com的TriCalm試用，即晚洗完面便試！洗面後一塗，第一反應竟然係：好拮！拮的情況維持了幾秒後消失，之後當然乖乖睡覺去。第二天起床第一時間再影一張相，只睇相已可見泛紅紓緩不少，肌膚亦見柔滑滋潤（束頭髮一張是使用前，未束頭髮是用後)令我第一次知道原來唔搽類固醇都得！對皮膚病人來說，真是非常令人鼓舞！價錢不貴加上它皮膚科醫師的背景，我一定會大力支持！

LRP La Roche-Posay是一個有全球超過25,000名皮膚科醫生推薦的敏感肌膚權威品牌, 也是我一直有留意的低敏開架品牌。以前睇台灣雜誌見到有呢個品牌但苦無機會試用, 依家呢個BRAND都登陸左香港幾年了。 雖然本身是乾性敏感肌, 但不代表沒有黑頭粉刺及暗瘡啊! 湊住小朋友一向已經唔夠休息, 加上近日工作量大增, 所以暗瘡又乘機走出來同我SAY HI了。La Roche-Posay Effaclar Duo[+] 粉刺淨化雙效精華[+] 聲稱能淨化疏通閉塞毛孔、擊退瑕疵及黑頭粉刺並預防痘印形成, 更稱24小時內能夠明顯減退紅腫。 我因為只得一小點暗瘡, 所以只是點於患處過夜。La Roche-Posay Effaclar Duo[+] 粉刺淨化雙效精華[+] 質地輕柔易推, 不會對肌膚造成負擔, 不過只是第一次用, 一開蓋已有少量精華溢出, 產品設計需要留意一下。

近來天氣十分悶熱，不單自己提不起勁，就連肌膚也好像無精打采，變得脆弱敏感。只要照照鏡子，就不期然看到自己黯沉、缺水、欠彈性和泛紅敏感的肌膚，所以替肌膚打好「強韌」底子是必須的！其實Vichy 的產品自己也用過幾隻，包括sleeping mask 同面霜，確實是好用又不貴，性價比超高！所以今次這個火山礦物溫泉水也沒有令我失望。Vichy 產品都是來自法國奧維涅火山 4,000米 深處的 VICHY火山礦物溫泉水, 絕對是純淨、零污染，而且蘊含15種稀有礦物質，每公升溫泉水含有超過5.2g 的礦物質，能夠強化肌膚的天然屏障，放大保濕效果，更可以促進肌膚細胞再生，令肌膚輕鬆對抗外界侵襲。最重要不含paraben，進一步減低致敏風險。 溫泉水瓶身輕巧，攜帶方便，適合放於包包內隨時保濕。而且泉水噴出來時水珠夠幼細，範圍亦廣，噴幾下便夠滋潤整個面部，又不會影響妝效，令我十分滿意。

Obagi = Obviously Brilliant And Gorgeous Impact! 早幾年聽我的富貴朋友講, 她已經轉投醫學護膚品的懷抱, 原因是坊間一般的護膚品唔夠「掯」。當時仲未試醫學護膚品的我, 一來係擔心會敏感, 二來價錢方面都真係幾…..高貴。但近呢兩年, 我終於明白她的先見之明, 原來係醫學護膚品係需要用, 而且, 係貴得有價值的。而今次試的左旋維他命C精華素, 就係透過抗氧化來為肌膚延緩衰老。 日常生活中，工作壓力同生活中的不良習慣, 例如捱夜或對住部手機，再加上陽光同環境污染，都會產生大量損害細胞和加速人體老化的游離基。維他命C可以對抗游離基的氧化作用、促進膠原蛋白增生、仲可以還原肌膚本來嘅亮澤，達到抗氧抗衰老嘅功效。但如單靠食物攝取, 當中的維他命C經消化吸收之後只會有約7% 能到達真皮層。所以護膚品當中的「左旋維他命 C」尤其重要, 因為只有佢係皮膚能夠有效吸收嘅維他命C。 首先要多謝SHE.COM俾機會我試用呢隻Obagi Medical Professional-C Serum 15% 左旋維他命C精華素啦! 上網睇返資料, 原來 左旋維C喺醫學美容中一直被公認為最溫和嘅美白去斑成分，佢能夠高效抗氧、活化膠原蛋白增生同預防皮膚老化。Obagi Medical Professional-C Serum 15% 滲透能力特強, 能夠深入真皮層, 全效保護肌膚細胞組織，同時活化膠原蛋白的增生及合成、防止水份流失。其油溶性特質的穩定性較其他維他命C高，令肌膚更易吸收。高至 15% 濃度的左旋維他命C精華適合所有肌膚使用, 並能幫助膠原蛋白形成, 達到美肌效果。而它的pH2.5-3.5酸鹼值, 連敏感肌都可以用。 講左咁耐資料, 講返枝產品先。深藍色玻璃樽可以防止光線同內裡的精華素產生化學作用, 滴管設計夠衛生。一枝全新的Professional-C本來有個蓋, 不過當你開左枝SERUM之後, 枝滴管就可以充當樽蓋, 十分方便, 不過成件事令我覺得好似返左去中學做LAB咁, 哈哈! 淡黃色的油狀精華, 質地透薄不太油膩,每日早晚用5-7滴便可, 咁一枝30ML其實都可以用好耐。說明書話初時用會有少少「拮拮地」的感覺, 好彩我呢個濕疹底人又無事, 証明佢話「敏感肌適用」係真的。 有圖有真相, 我專登揀同一地點的晚上拍攝, 面部肌膚真係有白左少少 (原諒我恐怖的素顏 +洗頭前+敏感樣), 而且摸上去亦有滑左同彈手左D, 相信一直用落去會有更顯著的效果。所以, Obagi對我來說, 就是「Obviously Brilliant And Gorgeous Impact」!