archoi

我本身係敏感皮膚, 用過BIODERMA其他LINE既卸妝潔膚水, 深層卸妝潔膚水(紅色)同控油潔膚水(綠色)果隻我用完都會好拿, 淨白卸妝潔膚水(白色)果隻我就用完之後覺得有DD"立"...但可能有D人會唔係太覺(因為我都有FD覺得冇問題 :P) 相反哩隻潔膚水真係好OK, 好保濕, 我有時夜晚好夜返到屋企, 就咁落完妝就訓, 塊面到第2朝都唔會覺得乾爭爭. **我聽人講過出面水貨鋪買唔洗$178, 但有人會擔心水貨鋪既來源, 咁我會建議你JOIN BIODERMA MEMBER, 因為每年生日都會有8折, 佢地專門店又會定時有PROMO, 試過賣$198/2支..其實除返開都好平...同喺SASA 卓悅果D買差唔多..

敏感性皮膚都可以用呀﹐因為我自己本身都係﹐不過就要注意返你敏感位置可能要輕手少少 以我為例啦﹐我面既兩邊"權"骨位比較敏感﹐咁我平時會將煥膚霜"gi"喺額頭同鼻﹐由額頭開始再到鼻﹐然後再洗返濕對手﹐將面上淨返落黎既煥膚霜輕輕力卒埋塊面(注意一定要加水﹐稀釋左d磨沙粒會細粒d﹐同埋唔好大力卒、時間亦相對比額頭同鼻位短時間)一個星期2次左右﹐當然自己亦要配合返其他護膚品護理啦

質地好水潤﹐平時比較少敷mask﹐我鍾意敷支Hydrabio Mask﹐因為夠方便﹐同埋我本身屬於敏感性﹐所以敷一般既mask都會好痛好痕﹐但哩隻就唔會﹐好多時我會一齊敷埋個咀﹐唇紋都少左!!!(當然佢唔似其他專for咀既產品﹐所以盡量小心"lam"左入口啦) 價錢如果喺專門店一支咁買可能會貴d﹐不過好多時都有做promo﹐買其他野會送成支sale product﹐或者有時就係買哩支mask會送其他product﹐所以除返開個價錢都唔會太貴

保濕卸妝潔膚水(Hydrabio H2O)會好用d 雖然佢落唔倒waterpoof既眼妝 但我平時用佢落完面妝之後可以隔好多個鐘唔洗面都唔會覺得乾 即使係宜家冬天﹐隔1-2個鐘都ok 我有朋友都覺得佢落得唔陪乾淨 但佢用既化妝品全部都係waterpoof﹐所以可能有d關係