hayashicathy

首先包裝好靚, 雖然冇OPI 個d 咁多色, 但係都算幾多選擇. 買左粉紅色, 好靚. 輕輕搽一層己經好靚. 兩層會好好多. 個掃好好, 又唔會好杰, 好易搽. 最鍾意係佢有玫瑰味, 可以蓋住本身既指甲油臭味. 第2日都仲有陣玫瑰味. 好滿意!!

首先價錢貴, 佢話係佢條line 中美白成份最強勁. 好有心機咁晚晚用, 其實一枝1ml for 一晚係太多, 搽埋頸都仲有多. 所以28枝我用到40日. 美白功效就真係睇唔到啦, 可能白左勁少, 肉眼睇唔到. 淡斑就一般啦, 暗瘡印好似淺色咗少少. 有少少香味, 質地幾好, 好爽好易吸收. 但係佢既香味, 質地都同佢本身枝精華素冇咩分別. 包裝and 盒好靚. 可以黎返黎裝手飾等等. 總括黎講咁貴而功效係得好少, 有d 失望. 呢個價錢可以買到2-3枝其他牌子好好既美白精華素

好好用既深層磨砂. 質地好杰, 即係用少少己經足夠成塊面. 用完皮膚好滑, 好乾淨. 好似磨左十次砂咁. 有D 磨砂粒子比較粗, 頭一兩次用可以大力少少massage, 之後要細力d, 如果唔係會好痛. 第一次用完好乸. 之後就ok. 用完個時皮膚好似好乾, 佢有換膚磨砂作用, 有少少刺激. 要即刻搽面. 記住洗面個時要小心D, 我試過唔小心俾好少好少入眼, 勁乸. 建議用tissue 先抹左大部份, 尤其眼附近. 跟住先再用大量清水洗.