Tiffany0225

防曬功效唔錯，塗完塊面會白少少，但會生痘痘。 質感潤滑，氣味不錯。

清潔效果唔錯，我一星期敷兩次，每次都係沖涼果陣敷，我會洗完臉就薄薄地塗勻全臉，襯佢未變乾前磨下塊臉、去下角質層，一分鐘後就停手由佢自然乾，跟住就繼續沖涼，最後就洗乾淨塊面。 塊面明顯乾淨，黑頭好易推出，一d暗粒會消左，但皮膚較乾，要多用保濕護膚品。同埋一敷就會有少許刺痛既感覺，敏感肌小心用。

我係混合性皮膚，咁我都幾鐘意用呢枝保濕精華素，用完幾潤+保濕，我媽咪同家姐都會用，感覺唔錯，雖然對我黎講，我覺得貴左d，但暫時未搵到一枝又平又好用過佢既精華素，所以都會繼續用。

我極度推介呢枝潔膚水，我係混合性皮膚，用後無敏感，鐘意佢既原因係每次起床懶得洗臉，就會用佢加化妝棉擦一擦塊面，你會見到塊棉有d黃黃地，塊臉就會覺得好爽、好舒服，你係可以咩都唔擦就咁出門，因為用後唔會乾。絕對係平靚正既用品。

成日買，因為經常特價，$89蚊兩盒，我覺得保濕唔錯，cutting都貼面，但無咩神奇功效，但勝在平，多d敷都唔心痛。

我鐘意一按就有泡泡，通常按兩下就足夠我洗臉，洗既時候幾舒服，d泡泡唔算好細好綿，但勝在方便。洗完唔會覺得皮膚幾乾淨，但呢個時候就要快d按正常程序塗護膚品，否則過左十分鐘左右，你會覺得塊面面乾乾地。