meowmikaka

peterthomasroth呢隻青瓜面膜就咁睇個樣已經好吸引..透明青色既gel mask感覺好fresh好清新，岩晒夏天呢d又熱又濕既季節黎敷。 放入雪櫃後涼浸浸，開住冷氣敷簡直一流。 而加呢個天氣又熱又濕搞到成面暗粒敏感又易泛紅 呢隻青瓜舒緩保濕面膜就岩晒心水...一黎雪凍左用之後就好容易舒緩到皮膚敏感泛紅既問題.. 二黎啫喱質地容易被皮膚吸收所以保濕效果方面亦唔錯.. 簡簡單單沖完就可以敷亦容易清洗，而且清洗後明顯見到係亮白左，眼底亦無咁浮腫。 唯一係亮白方面唔太持久，隔一陣就好似無左咁，當然試用時間尚短，或者持之以恆效果會更明顯。 另外，亦推薦於早上化妝前略敷5分鐘，幫肌膚醒醒神先化妝番學/番工就更加精神。 我亦知peterthomasroth呢個牌子仲有其他面膜應付唔同肌膚需要，朋友介紹我用過藍色海藻補水面膜亦非常好用.. 但當然，要應付而加呢個咁麻煩既天氣，佢既皇牌青瓜面膜絕對係不二之選。

細個果陣成日都聽,女人唔補好易老乜乜乜,又恃住自己尚算青春年輕對護膚無乜概念唔落妝夜訓亂搽野乜都有….搞到皮膚差晒…今年剛踏入25歲,有日起身梳洗照鏡時發現…弊喇,做乜兩邊面珠好似無以前咁緊緻,又乾又有紋毛孔粗大真係嚇一嚇,咁先醒覺我真係需要正視護膚呢一環…我唔想有日d 皮 dum晒落黎。 早幾個月開始買唔同牌子試,平既有貴既有…其中一個產品就係SK-II ge 神仙水..覺得好好用之後就對呢個牌子好有興趣, 但對於cream 既產品仍抱保留態度, 因為驚係for成熟肌膚或太潤。 所以今次好幸運收到She.com Thursday trial 活動產品試用, 今次試左SK-II R.N.A.立體緊緻精華霜。 之前已經試過坊間開架某品牌ge相類產品 - 高效緊緻護膚霜, 賣點同樣係提升緊緻度, ， 促進膠原蛋白增生等等, 價錢當然,親民不少, 所以今次要對比試下SKll係咪真係貴得有價值。 SK-II R.N.A.立體緊緻精華霜賣點係全方位提升緊緻度， 抑制細紋形成， 增添肌膚保濕度與光澤度。精華般的滲透力，讓成分直達肌膚深層， 鞏固自身膠原蛋白結構。讓肌膚變得更緊實、更飽滿， 臉部線條重現年輕立體感。 最近天氣轉,變得乾燥,肌膚因而變得更乾。之前用開ge面霜需要轉, 但轉極都feel到自己只係外油內乾,好多護膚成分都未吸收晒都已經俾我覺得油而洗走左。但反而用左差不多整整一星期SK-II R.N.A.立體緊緻精華霜, 皮膚即刻細緻左同呢個精華好易吸收, 推開有少少油光, 但隔一陣就已經吸收晒, 肌底的水油更平衡。緊緻方面由於使用時間尚短未見明顯效果, 但護膚效果好明顯, 用完好滑, 因為深層滋潤又舒緩左因乾而泛紅ge問題。由於皮膚狀況好左, 朝早上妝易左好有光澤又唔卡粉, 化妝時間都縮短左又可以訓耐d, 心情都靚d。 由於試用產品都有15ml份糧, 除左面之外我都有搽埋頸…重點係……因為長年成為低頭族, 自己都無發覺有條都幾深ge頸紋…但今朝媽咪問我搽左咩黎呀條頸紋淡左咁多ge…咁我果一刻就知道功勞歸功於SK-II R.N.A.立體緊緻精華霜 雖然SK-II同某開架牌兩者賣點相近, 但SK-II整體效果表現更勝一籌而且含有豐富PITERA™成分令效果更出眾, 評分方面高達5粒星星呀 包裝: ***** (5為最高) 價錢: **** (價錢雖然唔平, 但整體質量絕對對得佳呢個價錢) 質地: ***** (質地細膩幼滑, 易推) 保濕度: ***** (高度保濕, 搽完唔會得表面乾) 滋潤度: ***** (水油平衡, 搽完滋潤有光澤) 整體: *****

又再一次收到she.com既試用..今次試既benefit air patrol眼部防護底霜令我好滿意，亦令我真正正視需要一枝眼部底霜既重要性。 雖然試用產品細細枝1.5ml..但其實用於眼部化妝的話係絕對能夠使用多於一星期既份量，而每邊眼只需要一粒小豆份量已經能夠推開至整個眼部範。 今次試用配搭台灣1028及英國sleek 既眼影作測試。 開始第一天試用時, 發現呢枝base成功做到保濕,防脫妝既功效。1028眼影對我黎講一向易飛粉，但當配搭呢枝base時竟然出奇地更容易上色同持久左，即使放工番屋企落妝時仍然能夠見到完整既眼妝。另外，佢係一枝有色base所以我亦順道將佢試試遮蓋黑眼圈既功力，當然base絕不能同遮瑕膏相提並論，但效果亦好而且由於保濕度高所以亦無令眼圈出現乾紋，值得一讚。 另外，點解會話呢枝base令我正視需要為眼部添置一枝...因為一路都知道眼部四周肌膚好脆弱，平時無用eye base時都會發現有不少眼影色都好似被''食"落左眼皮到咁，令眼部四1周暗沉。但當用左呢枝base後發現上色勁左，但竟然並無因為咁而令更多色素沉澱，就好似落妝唔乾淨咁。所以令我有大大驚喜，佢既表現令我相信眼部底霜絕對需要成為化妝包裡面既一份子..因為我都唔想若干年後才後悔

今次試用嘅係Make Up For Ever嘅超高清無瑕粉底液, 以往並未有用過呢個品牌任何產品, 今次能夠試用非常開心, 因為一直都好想試但成日都聽人講話MUF係for 舞台效果,妝感較重而遲遲未下手。 當日到She.com office拎產品時, reception 姐姐話有2隻色號,佢會俾你揀或建議邊隻色會較適合, 值得一讚, 因為往往試用都係無得揀。其實呢隻粉底總共有20隻色亦分左為偏紅(R系)及偏黃(Y系),而我拎到嘅係Y225, 恰巧呢隻色又好match我。 先講講呢枝粉底液係含有獨家成分4K Complex，包括由杞子提取嘅植物成分，可以改善肌膚嘅微血管循環，令底妝嘅色調更加自然同均勻。 而加短短推出2個月已有不少好評，令我滿心期待。 試用產品仲好貼心附上一包primer sample, 經過5日試用, 除左第1日用左附送嘅primer, 其餘日子都係配搭番banila.co嘅Classic matte，效果不相伯仲, 定妝方面都係配搭番laura mecier嘅碎粉, 有一日就試無上碎粉效果。 呢枝超高清無瑕粉底液包裝同其他品牌粉底液相若,但粉底液嘅內涵就真心值得一讚。 係影相期間先係手背唧了大概1泵份量,郁黎郁去又垂直過隻手, 發現粉底液已溜開一截, 感覺很易推水潤。 到上手/面後,果然不出所料, 非常易推但又不致於過份薄而影響遮暇度, 薄薄上一層就已經能遮蓋毛孔而且很貼面, 膚色變得均勻。 雖然影時出現色差問題, 但明顯睇到遮暇度非常高 相信是因為配方分子細小密度極高, 所以不需1整泵份量即可用於全面。但需小心上全面的話會過白或太反光。上面效果很好,令肌膚質感睇起自然幼滑面且水潤，上妝後觸感舒適，而且朝早趕時間出汗係office吹足半日冷氣都好持久唔脫妝亦唔需要補妝。而無上碎粉當日有少少出油, 用吸油紙印印都keep到個妝。

今次有幸被抽中試用Tromborg呢隻礦物粉餅亦都可以話係終於真正試到。 之前係德國讀書時都有聽同學提起過呢個牌子, 到去哥本哈根weekend trip時見到試過上手感覺唔錯但價錢都算貴最終都放棄左。 琴日收到試用時完全無諗過係貨Size, 包裝雖然簡約但我偏好呢類包裝, 因為可以減低成本轉嫁俾消費者。 過去曾經試過唔少牌子ge礦物粉, 不論開架或專櫃產品如maybelline同BM,效果都一般不是粉質太粗令妝感太誇張, 就是不持久。 包裝: ***(5為最高) 價錢: ** 質地: ***** 遮暇: **** 整體: **** 相對今次Tromborg呢隻礦物粉餅,不知是否本身對呢隻牌子ge好感而令我對它加分還是什麼。Tromborg礦物粉餅整體效果很好, 做得到抗油脂、抗氧化同保濕效果。由早上7點簡單以Sofina long keep base加呢隻粉餅後,經過太陽曬溶及Office 長期開冷氣的情況下, 妝容仲keep到之餘, 略出油分後妝容反而更貼服亦不需補妝, 遮暇度也很不錯。只是這個價錢略貴, 若未試過其他牌子前,我會先試其他大牌子。但當試過其他出名的牌子後,而Tromborg呢個礦物粉餅價格能夠更親民的話,我還是會投進它的懷抱, 而且還是標榜天然成分這個就已經再加分,亦令我更放心試其他產品。 唔知點解出唔到正確評分，以下補打 功能: 效果出眾 價錢: 價格過高 質感: 質感細緻 包裝: 包裝不錯