mirror

將踏入28歲的我..平日真的甚少敷面膜!今次有幸抽到SUR PUR 白鑽修復面膜的試用,就即管同我媽媽一齊試下! 估唔到細細支的試用裝,剛剛足夠我同媽媽敷面一次!質地似牙膏的軟感,但如果係天然花香的味道會更加加分! 敷上面同平時的膏狀面膜無太大分別。我敷左20-25分鐘就洗面。 咦~!敷的時候唔覺得有咩特別,相反敷完有感覺肌膚更飽滿結實!上妝更貼服,仲唔會有浮粉的效果! 當然,敷得個一次..未有咁快見到減淡皺紋的成效..但整體都滿意喔!

首先感謝SHE.COM比我可以試用到Shu Uemura瞬間亮肌BB霜。平時我用開bb cushion,貪佢夠方便..但始終遮瑕度唔太好..所以琴日我化妝時開左Shu Uemura BB霜來試, 佢質地好幼滑, 就算你用前唔搽護膚品上面,都覺得好水潤好易推。之後加多層薄薄的碎粉上面,都唔會出現浮粉的感覺。化完個妝出來有白雪雪的感覺,我出左成日街..都無補過妝,依然係咁貼服。加上我本身屬於敏感性皮膚,用左之後都無皮膚敏感呢! 值得一試喔!

好開心得到Bicelle B5補濕抗氧限量體驗組合! 收到之後就好似收到一個禮物盒咁... 裡面包括有全效維他命B5補濕精華、全效維他命B5補濕霜同一塊3D抗氧保濕面膜。 老實講..我皮膚真係乾性到不得了...尤其係個鼻同鼻翼外兩邊的面..直程係甩哂皮... 首先我用B5補濕精華搽面上面..涼涼地好舒服.. 之後就薄薄地搽一層B5補濕霜.. 最後就敷埋塊3D抗氧保濕面膜.. 唔係講笑..未拆開面膜已經摸到包裝內有好多水份!好重手... 一拎出來...d精華水一滴滴咁滴落來... 佢個質地似雞蛋外層的膜包住塊面...好貼服! 面膜建議敷15-20分鐘.. 我敷完就拍拍塊面去睡覺。 第二朝起身..感覺塊面比平日舒服左無咁dry.. 因為平時我會覺得塊面好扯住扯住的感覺... 不過一上妝..依舊有甩皮的情況出現... 可能我真係要飲多d水...比自己身體保持住一定的水份!! (笑...)

成日聽人話..女人25歲要開始保養自己的皮膚。 初時我都唔信呢個講法架..但而家27歲的我..慢慢見住自己開始有皺紋...不得不承認真係要補救... 最近收到she.com寄來的SK-II R.N.A. POWER Radical New Age R.N.A. 立體緊緻精華霜。 SK-II..佢的神仙水我就聽得多..精華霜真係試都未試過.. 加上我皮膚比較容易敏感..所以一向都用開比較溫和的護膚品而唔敢作新嘗試。 既然收到產品試用,即管睇下適唔適合自己啦~ 說明紙話將精華霜先點去額頭, 兩邊臉頰同下巴位,再慢慢按摩推開直到皮膚吸收晒為止。 搽完之後我就好似平時咁直接上妝啦。 老實講..最怕用新產品後, 上妝會起擦膠碎同唔貼粉。但今次完全無事,妝容仲好貼服添! 精華霜除了幫我地皮膚全方位提升緊緻度， 抑制細紋形成,佢仲可以幫我地保濕度同提升光澤度! 咁正的護膚品,你仲唔快d試下?

好開心可以抽到參與she.com的試用活動。今次試用的產品係Benefit air patrol眼部防護底霜。一向無用開底霜的我,就試下佢究竟同普通concealer有咩分別啦! 今次Benefit的眼部防護底霜,含有獨家 EnviroDefend複合物，保濕的同時都會脆弱的眼部肌膚對外來污染所造成的傷害。佢比起一般的concealer更加容易推開,一D都唔乾!老實說,遮瑕的情度唔算話好勁,但搽多一層都夠遮到D黑眼圈。我通常係搽完呢支眼部防護底霜,面頭再輕輕拍一層碎粉先再化眼妝。出左成日街都唔會有溶眼妝的情況,整體感覺良好。值得一試!

首先好開心收到今期嘅試用活動， 一直以來都用開一個牌子嘅粉底液，唔敢嘗試其他嘅牌子。幸運地今次能夠可以試用到Make up a For Ever嘅超高清無瑕粉底液。即管睇下佢同我平時用開嘅有咩唔同！ 我抽中嘅呢一支係Y245，唧出嚟望落去比較偏黃，因為我皮膚比較白，所以都有啲擔心搽上塊面度會唔會變得好黑。 本身我係混合性皮膚，所以好怕用到一啲好乾嘅產品。但係呢一隻粉底，質地好柔軟，好濕潤，好易推。一支粉底最緊要係咩？一支粉底最緊要係咩？最緊要係個遮瑕度啦！呢一支粉底唔使額外再用遮瑕膏，都可以幫我遮到面上想遮嘅部位！簡直very good haha 我搽完之後，出咗街玩左成日，冇過補妝，都冇乜點甩過色！ 如果試用到嘅顏色比較顯白嘅話，我會更加歡喜！嘻嘻... Anyway, thank you -3-