conniema

一個妝容靚唔靚，持唔持久，好睇個底打得好唔好，除了基本皮膚護理外，一支有質素妝前底霜絕對幫到手，可以令整個妝容如虎添翼。 愛化妝的美女們通常都遇到一個很惱人的問題 － 脫妝。混合性皮膚的我當然都唔會例外，每朝早化個靚妝出門，明明是完美無瑕，標緻動人，但未到中午便已滿面油光，總是要不停補妝，一天過去，個妝都甩得七七八八，相當嚇人！ Sofina 呢支Primavista Long Keep Base 的特點： －　質地清爽，不阻塞毛孔 －　「固定皮脂」及「超緊貼」配方，能固定油分將它牢牢包裹，使之不能擴散，從而令粉底更緊貼肌膚，締造自然妝容 －　持久控油，10小時不脫妝 －　蘊含保濕成份洋甘菊精華，控油之餘帶有滋潤感，不會導致肌膚乾燥，妝容輕盈而明亮 －　SPF 10 PA+　防曬，無香料 用後評語： 底霜的確質地輕盈，塗抹時感覺清爽水潤，容易推勻，打底後的肌膚即時有明亮感，透薄的質感不會導致毛孔阻塞。控油方面效果良好，由大清早上班到晚上吃完晚飯回家的十多小時裡，以往滿面油光的慘況不再復見，脫妝情況並不明顯，只輕輕補過一次妝已能整日保持妝容，不用再瘋狂的補妝、補妝、再補妝，唔補過真係無面見人，癲成咁！現在就從容得多了！如此一來，粉餅都用少了，省時省錢，一支超值的base 啊！ 另外呢支底霜真的很補濕，塗了它再上粉，貼服之餘亦滋潤肌膚，無乾燥和浮粉的情況。唯一缺點是遮瑕效果稍遜和防曬度不足，但我個人覺得呢支底霜的優點已能「將功補過」，長效不脫妝已經好滿足喇！世事豈能盡如人意，何況世上沒有十全十美的人和事。Sofina研製出這支持久控油底霜，幫助我們解決到脫妝的問題已經算係咁啦！比個Like佢！

Sofina Primavista 呢支持久控油底霜真係好好用，本身面部經常泛油，搽其他base總是覺得好焗身，又做唔到base應有的作用，照樣溶妝和粉底唔貼面。但呢隻底霜質地清爽，搽上後覺得滋潤之餘又唔焗身，仲好補濕，最緊要係控油效果非常好，廣告話控油10小時真係無花假，而家唔駛好似以前咁成日補妝咁姿整, 成個人靚晒!

我是混合性偏乾皮膚，無論化不化妝T字位總會泛油。試過好多說明是控油的base和foundation，效果總是強差人意，不到半天就滿面油光，成個妝溶了大半，很是惱人！一向聽聞Sofina的化妝產品好得，尤其是Primavista粉底系列，控油方面做得出色。 最近試用Sofina 呢隻Primavista Long Keep Base，質地好爽，好易推勻全面，唔黏膩，透薄貼面，但我最在乎的是究竟控不控油，試用過後真的很開心，無計過有幾小時控油，但而家每天到放工時間都仍能保持妝容無脫落，仍然是乾爽平滑，之前的煩惱盡消之餘，計落還省回不少補妝粉餅的費用呢！ 還有一點是如果在不化妝的日子，我也會塗這個base，一樣控油，可以保持臉部清爽滑淨，而家真係好輕鬆。很值得推介Sofina Primavista系列呢隻Long Keep Base給大家。