siuheigwai

之前爸爸腳跟好乾燥冇好好護理,腳跟起晒硬皮仲行路都痛.(佢o既形容係:好似成塊板咁) 買過唔同藥膏俾佢試都冇乜好轉. 有次團購,買咗呢枝俾佢試.再好長氣一而再,再而三教佢沖涼等啲皮軟咗先輕輕捽捽佢,沖完涼抺乾小小再搽嘢 呢枝佢用得ok(見佢肯自己勤力搽),宜家好好多喇

對啲toner從來唔抱太大期望 之前見佢大大特價買嚟試吓 (嗰一下都有少少猶疑,半價有多,擔心係咪就過期. 另一個試o既原因係有男同事話用咗呢隻之後,就冇乜再爛面) 呢隻話佢減少油脂收毛孔 收毛孔就唔係好覺 不過真係感覺到面油比之前少咗 同抺上面感覺幾保濕咁 我會試吓雪吓佢再用 如果有特價會再買

用過洗頭水的sample,其實好鍾意個洗頭水.因為用開有其他功效的洗頭水,但又好鍾意佢椰子油O既香味,所以就試吓護髮素.店員話護髮素O既香味比洗頭水淡.我O既髮質未算太差,都係軟O既頭髮但比較毛燥.同之前用開的護髮素比較,呢隻用咗之後頭髮反而打kick,可能因為冇咁多化學成份加落去

用緊唔係呢個包裝O既Off with those heads.讀咗太多beauty bloggers的文章,滿心期待的試試.搽後感覺清清涼涼.唔可以話完全冇效,不過,真係冇啲bloggers講到咁明顯O既效果(始終beauty bloggers講O既嘢需要自行判斷).對千年黑頭可能都係冇乜辦法 以呢個定價同所得效果,就未必會回購

由clear cover變咗做呢個 說實在,都係鍾意clear cover多啲 呢隻冇咁好推,同呢個易啲脫妝 用咗咁多年sofina,呢個base真係令我有啲失望 可能呢隻唔適合我,要轉過隻

雖然價錢比較貴,但一舊可以用幾個月,加上我唔喺專門店/counter買,會平啲 開頭用既時候,蔘味最濃 潔力ok,冬天用都唔乾,會再買 可能宜家勤力咗做保養,雖然皮膚唔算好好,但用咗呢個同其他skincare,已經生少咗粒粒

質地係遍水狀gel 搽落會有少少"拿" 會比較乾(好似有酒精成份) 到目前為止我都係覺得body shop tea tree oil好用啲,不過佢越嚟越貴都好少幫襯

美白同收毛孔效果都唔太明顯 喺冷氣環境會唔夠moisturize for出街都可以 啫喱狀唔會好lup 皮膚唔太差,又唔想日夜搽唔同嘢o既人會幾鍾意 以呢個價錢,應該會有更好選擇 ps.我就冇cha-jai手指甩皮問題

用咗2星期到 BA教抺上面,再用化妝綿印印先過水(中文instruction都係咁講) 但樽身o既英文instruction就話要加水按摩 洗面過程唔會起泡 價錢同容量都尚可 混合性偏油洗完都唔會太乾 係唔係去黃淨白抗氧化,我自己就未睇到住.會唔會回購都尚在觀察中 BA話呢種係綠茶味,真的嗎?

cream狀質地 混合性皮膚用,中性皮膚的部份會覺得用後有彈性,但油性皮膚的部份會出現難吸收而覺得油膩

搽上手好快吸收,搽完好soft 喜歡佢o既爽身粉味 可惜平日只有100ml的size,太大枝唔方便攜帶 gift set啲細細枝25ml就好正 credit card promotion有7折,感覺價錢合理啲

我個咀成日乾到不得了,係夏天都好乾,乾到甩皮嗰啲 都試過晚晚飲少少水再搽Vaseline o既Lip therapy,情況有改善.如果個咀唔係太乾o既人,Vaseline都係唔錯o既經濟選擇 宜家晚晚好勤力搽呢個,第朝個咀感覺'漲卜卜'好水潤,真係好正 用緊Cranberry味,'好好味',一定會再買

本身係皮膚缺水人 用咗皮膚覺得好似皮膚底層有返啲水 摸落去滑咗啲 同幾鍾意佢種味 都幾好用,想試埋佢個moisturizer