mo wong

Cetaphil呢款啫喱面霜係無色無味無油嘅，佢搽上面好易推開同好快吸收，吸收後好清爽但會feel到好似有層膜咁，尤其洗面時會感覺有層保護膜喺面度。 我係乾肌，用佢時天氣開始轉熱，無搽精華只用佢都夠保濕，佢係保濕方面真係犀利，因佢係無油推清爽保濕，我覺得比較啱春夏用，冬天會唔夠保濕或需配其他野先得。

之前皮膚出問題起左好多暗粒，都用過cetaphil嘅潔膚乳洗面，皮膚係有改善但始終用唔慣無泡嘅洗面，今次呢款益生元鎖水潔膚乳係泡沫配方，仲要成份再保濕D，超開心。 呢款加水後出D泡沫都幾綿密，洗面時好舒服，而且都洗得乾淨，完全唔乾就算無搽任何野係面都唔會掹掹緊，我係乾肌仲要係近期時冷時熱又潮濕嘅天氣下用，皮膚都無事，會keep住用佢尤其皮膚狀態不佳時。