Suye Choi

一打開係清新嘅凝膠果凍質地，摸落手好涼快舒服，點喺塊面度，即刻有種降溫感覺。 至於第一感受：質地超級輕薄！用完之後塊面嘅水漾度即刻提升咗，仲要完全冇嗰種黐笠笠嘅感覺，喺呢個悶熱天氣用最適合～仲要完全零油份，嚟緊夏天用都完全唔怕出油，敏感肌都啱用?? 用咗一排，發現面部繃緊同乾燥嘅情況改善咗好多，而且呢款啫喱仲有72小時嘅持久保濕效果，早晚都用就更加事半功倍～肌膚屏障慢慢變得更強壯，敏感問題都少咗?? 如果想搵一款夏天用都唔黐笠又保濕到位嘅產品，呢款真係值得一試。

呢枝潔膚乳係懶人救星，洗面同沖涼一take過搞掂?? 重點係加水就會起到輕微嘅綿密泡沫，溫和潔淨又唔會令皮膚敏感，啱晒乾燥同容易敏感嘅情況下使用～ 最驚喜嘅係用完皮膚唔會乾噌噌，反而仲有種水潤嘅感覺！佢含有益生元蘆薈配方，泡沫細緻到可以深入毛孔，徹底清走油脂同污垢，連彩妝都可以一併卸除，仲可以平衡肌膚微生態群，修復皮膚屏障??之前手臂內側成日痕癢，搽咩都冇用，用咗舒特膚沖涼反而紓緩咗唔少，皮膚屏障真係慢慢修復緊！對於敏感肌嘅朋友，值得一試～