may

大家都知香港夏天天氣又濕又熱，成日喺街爆完汗再走入凍冰冰嘅冷氣商場，會搞到塊面嚴重「外油內乾」，尤其撞正我係乾燥肌，仲乾到痕同起粒粒，真係好灰！試下唔補妝但用依支 Grown Alchemist 瞬效水光精華取代睇下會唔會好啲。平時我好怕搽完精華塊面笠痴痴，但呢支質地勁輕透，一滴上面「嗖」一聲就俾皮膚吸晒，保濕力真係會feel到有而唔洗keep住滴多幾下~依家我連去完做 Gym 沖涼後都一定帶埋佢。洗完面直接搽一層，真係好似幫塊面加左個肌膚補水屏障，持續提升含水量咁誇。就算出街同朋友食飯，個氣息都超級好，面色完全唔會暗沉。簡單一支就搞掂曬深層補水，絕對係懶人同缺水肌嘅隨身好物！

近排夏天成日office 室外兩邊走，一冷一熱令到自己皮膚水分超乾，平時都習慣入手一支可以隨時隨地滋潤雙手嘅 Hand Cream。之前一直聽講 Grown Alchemist 呢支修復護手霜唔錯，咁啱經過就買嚟試下~佢個質地係有驚喜位，擠出嚟好絲滑，一推開好快就被皮膚吸收晒，完全唔會覺得笠痴痴。見成份入面有山茶花、葡萄籽同蘆薈成分，用咗一排，可以話平時最乾嘅指甲邊同粗糙死皮都明顯軟化咗，雙手摸落去係比唔搽嘅柔嫩光滑。不過最加分係隻味令我愛不釋手，搽少少喺手心深呼吸聞一聞，嗰陣幽雅嘅清香真係好療癒，以中位價尼講絕對係我嘅頭三位之一