之前已經聽過GROWN ALCHEMIST嘅皇牌護手霜好受歡迎，夏天熱辣辣又成日出入冷氣房，好容易令皮膚乾燥、屏障受損，加上成日用鹼液洗手，隻手成日乾爭爭，有咗呢支修復護手霜就唔怕啦。

GROWN ALCHEMIST修復護手霜嘅味道好自然清香，成份富含山茶花、葡萄籽同蘆薈深層滋養、抗氧並舒緩乾燥粗糙、同時舒緩修復，聞落仲有淡淡柑橘療癒香氛，融合咗香草、橙皮同柑橘精油，散發幽雅清香。質地絲滑清爽，一抹快速吸收唔油膩，有效軟化角質，恢復雙手柔嫩光滑，細細支方便隨身攜帶，咁就可以隨時隨地滋潤雙手啦!